完整藏文原文 · 德格版页 当前仅加载第 92 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ལ། ཡུངས་ཀར་འབྲུ་རེ་རེ་ལ་ལན་བརྒྱ་རྩ་བརྒྱད་བཟླས་ནས། དཔལ་ལྷ་མོ་ལ་བསྣུན་པ་བྱས་ན་ཚེས་བཅུ་བཞི་ནས་{བཅྭ་,བཅོ་}ལྔའི་བར་དུ་དཔལ་ལྷ་མོ་འོང་བར་འགྱུར་རོ། །མཚམས་མེད་པ་ལྔ་འབྱང་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་སྐུ་སྟོན་པར་
D686.092.0091a01.01འགྱུར་རོ། །སྡིག་པ་ཐམས་ཅད་བྱང་བར་འགྱུར་རོ། །མཚམས་བཅད་པ་དང་ཞི་བར་བྱ་བ་ལ། ཨ་ག་རུ་དང་ཙནྡན་གྱི་བདུག་སྤོས་བསྲེགས་ལ། ཐལ་བ་དང་། ཡུངས་ཀར་དང་སེང་ལྡེང་གི་ཕུར་བུ་གདབ་པར་བྱའོ། །རིམས་ཐམས་ཅད་ལ་བུ་མོ་གཙང་མས་བཀལ་བའི་སྲད་བུ་ལ། མདུད་
D686.092.0091a02.01པ་ཉི་ཤུ་རྩ་གཅིག་བོར་ལ་ལན་ཉི་ཤུ་རྩ་གཅིག་བཟླས་ཏེ་བཏགས་ན། རིམས་ཐམས་ཅད་ལས་ཐར་བར་འགྱུར་རོ། །ནད་ཐམས་ཅད་ལ་མར་དང་ཏིལ་མར་ལ་བཟླས་ཏེ། ཟངས་ཀྱི་སྣོད་དུ་སངས་རྒྱས་ལ་ཕུལ་བའི་སྣ་མའི་མེ་ཏོག་རྙིང་པ་དང་པདྨ་ཟེ་བ་དང་བཅས་པ་བཏབ་སྟེ་བཙོས་པ་འདི་ནི་གྲུབ་པ་
D686.092.0091a03.01ཡིན་ཏེ། ཟས་དང་སྐོམ་དང་། བསྐུ་བ་དང་སྣ་ནས་བཏང་བའི་ལས་བྱ་སྟེ། ཉི་ཤུ་རྩ་གཅིག་བཟླས་པས་ནད་ཐམས་ཅད་ལས་ཐར་བར་འགྱུར་རོ། ཁྱད་གཅད་ན་མར་དང་སྦྲང་རྩི་ལ་ལན་ཉི་ཤུ་རྩ་གཅིག་བཟླས་ཏེ་ལུས་ལ་བསྐུ་ཞིན་ཚིགས་མས་དྲིལ་ལ། ལུས་ཀྱི་དྲི་མ་ཕྱིན་པར་བྱས་ཏེ། གོང་
D686.092.0091a04.01བུ་ལས་གཟུགས་བརྙན་བྱས་ལ་ལན་བདུན་བཟླས་ཏེ། མཚོན་གྱིས་བཏབ་ན་དུག་སྦྱར་མ་དང་བྱད་དང་གསང་སྔགས་ཐམས་ཅད་བཅད་པར་འགྱུར་ཞིང་། ནད་ཐམས་ཅད་ལས་ཐར་བར་འགྱུར་རོ། །བྱད་ཆེན་པོ་འཇིག་པར་འགྱུར་རོ། །བསྲུང་བའི་སྐུད་པ་ལ་ལན་ཉི་ཤུ་རྩ་གཅིག་བཟླས་ཏེ། དེ་
D686.092.0091a05.01བཞིན་དུ་མདུད་པ་བོར་བ་བྱས་ན་སྲུང་བ་ཆེན་པོ་བྱས་པར་འགྱུར་རོ། །འཇིགས་པ་དང་སྐྲག་པ་དང་། དངང་བ་ཐམས་ཅད་དང་འབྱུང་པོའི་འཇིགས་པ་ཐམས་ཅད་ཀྱིས་མི་ཚུགས་སོ། །ལྟོ་ན་བ་ལ་ཚྭ་ཆུ་འཇམ་ཙམ་ལ་ལན་བདུན་བཟླས་ཏེ་བྱིན་ན་ལྟོ་བའི་ནད་འཇིག་པར་འགྱུར་རོ། །དུག་
D686.092.0091a06.01གསད་ན་ཆུ་ལ་ལན་བདུན་བཟླས་ཏེ་བྱིན་ན་དུག་ཐམས་ཅད་འཇིག་པར་འགྱུར་ཞིང་མི་གདུག་པར་འགྱུར་རོ། །མིག་ན་བ་ལ་སྲད་བུ་དཀར་པོ་རྣ་བ་ལ་བཏགས་ན། །མིག་ནད་ཐམས་ཅད་འཇིག་པར་འགྱུར་རོ། །སྡང་བའི་དུག་མི་བཟད་པ་ལ་འཇིམ་པ་ལ་བཟླས་ཏེ་བྱུགས་ན་དུག་མེད་པར་
D686.092.0091a07.01