完整藏文原文 · 德格版页 当前仅加载第 92 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་སྣ་ཚོགས་པའི་ཁ་ཟས་ཀྱི་གཏོར་མ་ཡང་བསྒྲུབ་བོ། །མེ་ཏོག་སྣ་ཚོགས་བཀྲམ་ཞིང་གཏོར་མ་སྣ་ཚོགས་ཀྱིས་བཀང་བྲ་དང་། བུམ་པ་དང་། རྫེའུ་དང་། ཕོར་ཟླུམ་དང་། ཁམ་ཕོར་དང་། དབྱིབ་མོ་དག་ཀྱང་དགང་ངོ་། །ཀུན་དུ་དྲི་ཆུས་བསྐོས་པ་
D686.092.0265a01.01ཡི། །རྒྱ་ཆེན་གཏོར་མ་ཀུན་དུའོ། །སྣ་ཚོགས་པ་ཡི་པོག་ཕོར་ནས། །སྣ་ཚོགས་བདུག་སྤོས་དབུལ་བ་ནི། །ཨ་ག་རུ་དང་། ཙནྡན་དང་། སྤྲྀ་ཀ་དང་། དུ་རུ་སྐ་དང་། ཀུན་ཏུ་རུ་དང་། གུ་གུལ་དང་། སྒྲོན་ཤིང་དང་། ཤྲི་བེཥྚ་ཀ་དང་། ས་ར་དང་། སར་ཛ་ར་ས་དང་།
D686.092.0265a02.01དེ་བཞིན་དུ་ག་བུར་དང་། གླ་རྩི་དང་། གུར་གུམ་དང་། ཤ་ཁ་རའི་བདུག་སྤོས་འདི་དག་ནི་རབ་ཏུ་ཕུལ། ཐམས་ཅད་དུ་སྒྲུབ་པ་བླ་ན་མེད་པ་ཡིན་ནོ། །སྣ་ཚོགས་པ་ཡི་དྲི་དག་དང་། །ཕྱེ་མ་བྱུག་པ་སྣ་ཚོགས་ཉིད། །ཤེས་རབ་ཅན་གྱིས་ཀུན་ཏུ་ནི། །དཀྱིལ་འཁོར་དག་
D686.092.0265a03.01ལ་གཞག་པར་བྱ། །ལྷ་རྫས་ཀྱི་རིན་པོ་ཆེ་སྣ་བདུན་གྱི་མེ་ཏོག་དང་། དངུལ་གྱི་མེ་ཏོག་དང་། ཟངས་ཀྱི་མེ་ཏོག་དང་། བྱི་རུ་དང་ནི་མུ་ཏིག་དང་། །ཨིནྡྲ་ནཱི་ལ་དག་དང་ནི། །པདྨ་རཱ་ག་དག་ཀྱང་ངོ་། །གསེར་དང་དངུལ་གྱི་བུམ་པ་རིན་པོ་ཆེ་སྣ་བདུན་ཅན་ཡང་གྲྭ་བཞིར་གཞག་
D686.092.0265a04.01པར་བྱའོ། །འབྲས་ཡོས་དང་། ཡུངས་ཀར་དང་བསྲེས་པས་དཀྱིལ་འཁོར་ཀུན་དུ་གཏོར་རོ། །ཀུན་ནས་མེ་ཏོག་ཕྲེང་བ་ནི། །རྨད་བྱུང་དཀྱིལ་འཁོར་ལ་གཞག་ཅིང་། །ཀུན་ནས་མར་མེའི་ཕྲེང་བ་ཡང་། །དཀྱིལ་འཁོར་རྨད་དུ་བྱུང་ལ་བཞག །རིག་སྔགས་འཆང་ཉིན་
D686.092.0265a05.01ཞག་གཅིག་གནས་པར་གྱུར་པས་ཡང་བཟླས་བརྗོད་རྒྱ་ཆེར་བྱས་ལ་ཆོ་གས་བསྲུང་བ་དང་། ཕྱོགས་བཅིང་བ་དང་། ཀུན་ནས་དཀྱིལ་འཁོར་བཅིང་བ་བྱས་ལ་དཀྱིལ་འཁོར་གྱི་ལས་བྱའོ། །དེ་ནས་སློབ་མ་གཞུག་པར་བྱ་སྟེ། བླ་མ་མཁན་པོ་འམ། སློབ་དཔོན་ནམ། ཕའམ་
D686.092.0265a06.01རྒྱལ་པོའམ། བློན་པོ་ཆེན་པོ་ལ་དམ་ཚིག་དང་། ཕྱག་རྒྱ་དང་། དཀྱིལ་འཁོར་གསང་བ་བསྟན་ཏེ། མགོན་པོ་འཇིག་རྟེན་གྱིས་བླ་མ་མཐོང་ཞིང་དཀྱིལ་འཁོར་རྨད་དུ་བྱུང་བ་མཐོང་ནས་ཕྱག་བྱ་ཞིང་མཆོད་པ་དང་། མེ་ཏོག་དང་། བདུག་སྤོས་དབུལ་བ་བྱས་ལ་བསྐོར་བ་
D686.092.0265a07.01