完整藏文原文 · 德格版页 当前仅加载第 92 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་མི་ལྡོག་པའི་གནས་སུ་འགྲོ་བ་དོན་ཡོད་པ་དང་། བློ་རྒྱས་པ་དོན་ཡོད་པ་དང་། ཤེས་རབ་ཟབ་མོ་རྣམ་པར་འཕྲུལ་པ་དོན་ཡོད་པ་དང་། ཕ་རོལ་ཏུ་ཕྱིན་པ་བཅུ་ཡོངས་སུ་རྫོགས་པ་དོན་ཡོད་པ་དང་། དེ་བཞིན་གཤེགས་པ་ཐམས་ཅད་ལ་མཆོད་པ་དང་། རིམ་གྲོ་དང་། བླ་མ་དང་། གུས་པར་བྱ་
D686.092.0276b01.01བ་དོན་ཡོད་པ་དེའི་ཕྱིར་ལག་ན་རྡོ་རྗེ་དོན་ཡོད་པའི་ཞགས་པ་ཞེས་མིང་དུ་གདགས་པ་བྱས་ན་ལག་ན་རྡོ་རྗེ་རིག་སྔགས་འཆང་རྣམས་ལ་ཇི་ལྟར་རྨོངས་པ་སྐྱེ་བར་འགྱུར། སེམས་འཁྲུག་པར་འགྱུར། དྲན་པ་དང་བློ་གྲོས་རྨོངས་པར་འགྱུར་ཏེ། དེའི་གནས་ན་མི་སྣང་ན་སུ་ཞིག་སྨྲ་བར་ནུས། དེ་བཞིན་
D686.092.0276b02.01གཤེགས་པ་ཐམས་ཅད་ཀྱི་ཡེ་ཤེས་ནི་དོན་ཡོད་པ་སྟེ། དེ་བཞིན་གཤེགས་པའི་ཡེ་ཤེས་གང་ཡིན་པ་དེ་དོན་ཡོད་པ་ཞགས་པའི་མིང་དུ་དམིགས་སོ། །བྱང་ཆུབ་སེམས་དཔའ་རྣམས་ཀྱི་ཡེ་ཤེས་ནི་དོན་ཡོད་པ་སྟེ། ཡེ་ཤེས་དོན་ཡོད་པ་གང་ཡིན་པ་དེ་དོན་ཡོད་པའི་ཞགས་པའི་མིང་དུ་
D686.092.0276b03.01དམིགས་སོ། །སྒྱུ་མ་ལྟ་བུའི་ཏིང་ངེ་འཛིན་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་རྣམ་པར་འཕྲུལ་པ་ནི་དོན་ཡོད་པ་སྟེ། སྒྱུ་མ་ལྟ་བུ་གང་ཡིན་པ་དེ་དོན་ཡོད་པའི་ཞགས་པའོ། །ཡེ་ཤེས་གང་ཡིན་པ་དེ་ཞགས་པའོ། །དེ་སྙིང་པོའོ། །སྙིང་པོ་
D686.092.0276b04.01གང་ཡིན་པ་དེ་དོན་ཡོད་པའི་ཞགས་པའི་སྙིང་པོ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་ཞེས་དོན་ཡོད་པའི་ཞགས་པའི་སྙིང་པོའི་མིང་དུ་དམིགས་སོ། །གང་ཡིད་ལ་སེམས་པ་དང་། གང་དོན་དུ་གཉེར་བ་དེ་ཐམས་ཅད་འདྲེན་
D686.092.0276b05.01པར་འགྱུར། འགུགས་པར་འགྱུར། ལེན་པར་འགྱུར་ཏེ། ཤིན་ཏུ་རིང་པོ་ནས་ཀྱང་ཡེ་ཤེས་ཀྱི་ཞགས་པས་འགུགས་པར་འགྱུར་རོ། ལག་ན་རྡོ་རྗེ་དེ་བས་ན་དེ་དོན་ཡོད་པའི་ཞགས་པའི་སྙིང་པོའི་མིང་དུ་དམིགས་སོ། །ལག་ན་རྡོ་རྗེ་གང་གིས་ཏིང་ངེ་འཛིན་འདི་འཐོབ་པ་དེ་ལ་ཇི་ལྟར་རྨོངས་
D686.092.0276b06.01པ་སྐྱེ་བར་འགྱུར། བློ་དམན་པར་འགྱུར་ཏེ་གནས་འདི་ནི་མི་སྣང་ངོ་། །ལག་ན་རྡོ་རྗེ་གཞན་ཡང་གཟུངས་ཀྱི་སྒོ་དུ་མ་འཐོབ་སྟེ། གང་གིས་གཟུངས་འཐོབ་པ་དེས་དོན་ཡོད་པའི་ཞགས་པའི་སྙིང་པོའི་ཆོ་ག་ཞིབ་མོ་འདིའི་གསང་སྔགས་མཐའ་དག་རྫོགས་པ་དང་། གསང་སྔགས་དང་། ཕྱག་རྒྱ་
D686.092.0276b07.01