完整藏文原文 · 德格版页 当前仅加载第 92 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ངོ་། །འོད་ཟེར་སྣ་ཚོགས་པའི་སྣང་བ་དེས་ཀྱང་ནམ་མཁའི་མཐིལ་དུ་རྫུ་འཕྲུལ་གྱི་རྣམ་པར་འཕྲུལ་པ་དང་། ཆོ་འཕྲུལ་ཆེན་པོ་སྣ་ཚོགས་པ་བསྟན་ཏོ། །འོད་ཟེར་གྱི་སྣང་བ་རེ་རེས་ཀྱང་དེ་བཞིན་གཤེགས་པའི་སྐུ་གང་གཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་
D686.092.0150b01.01དགུ་བཅུ་རྩ་དགུ་རབ་ཏུ་བསྟན་ནོ། །དེ་བཞིན་གཤེགས་པའི་སྐུ་དེ་རྣམས་ཐམས་ཅད་ཀྱིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སེམས་ཅན་ཆེན་པོ་མཆོག་ཏུ་རྙེད་པར་དཀའ་བའི་གཟུངས་
D686.092.0150b02.01ཀྱི་དཀྱིལ་འཁོར་དང་། ཕྱག་རྒྱ་འདི་བཤད་པ་འདི་ལེགས་སོ་ལེགས་སོ། །འཇིག་རྟེན་ལས་འདས་པ་ཤིན་ཏུ་ཁྱད་པར་དུ་འཕགས་པའི་བྱང་ཆུབ་ཀྱི་སྙིང་པོར་འགྲོ་བར་བྱེད་པའི་ལམ། ཆོས་ཀྱི་འཁོར་ལོ་སྐོར་བར་བྱེད་པའི་ལམ། ཆོས་ཀྱི་རྣམ་འཕྲུལ་འབར་བར་
D686.092.0150b03.01བྱེད་པ། ཆོས་ཀྱི་རྒྱལ་མཚན་སྒྲེང་བར་བྱེད་པ། ཆོས་ཀྱི་དུང་འབུད་པར་བྱེད་པ། བདུད་བཞིའི་དཀྱིལ་འཁོར་ལས་རྣམ་པར་རྒྱལ་བར་བྱེད་པ། དེ་བཞིན་གཤེགས་པའི་སྟོབས་བཅུས་གནོན་པར་བྱེད་པ། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་རབ་ཏུ་རྫོགས་
D686.092.0150b04.01པར་བྱེད་པ། མི་འཇིགས་པ་བཞིས་གནོན་པར་བྱེད་པ་དེ་བཞིན་ཉིད་དང་། ཡང་དག་པའི་མཐའ་ཕ་རོལ་གནོན་པར་བྱེད་པ། ཕ་རོལ་ཏུ་ཕྱིན་པ་བཅུ་རབ་ཏུ་རྫོགས་པར་བྱེད་པའོ། །འདི་ནི་འཕགས་པའི་ལམ་ཡན་ལག་བརྒྱད་སྒོམ་པར་བྱེད་པའོ། །འདི་ནི་ལམ་
D686.092.0150b05.01རབ་ཏུ་ཉམས་པ་རྣམས་ཀྱི་ལམ་དུ་འཆགས་པར་བྱེད་པ། བསམ་པ་རབ་ཏུ་ཉམས་པ་རྣམས་ཀྱི་བསམ་པ་ཡོངས་སུ་དག་པ། ངན་སོང་དུ་འགྲོ་བར་རྒྱུ་བ་རྣམས་ཀྱི་བདེ་འགྲོའི་ལམ་དུ་འགྲོ་བར་བྱེད་པ། འདི་ནི་བྱང་ཆུབ་ཆེན་པོའི་ས་བོན་དང་། འབྲས་བུ་རབ་ཏུ་སྟོན་པར་
D686.092.0150b06.01བྱེད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་ཅན་དག་པ་འཇིག་རྟེན་ལས་འདས་པ་ཁྱད་པར་དུ་འཕགས་པ་རྣམ་པར་ཐར་
D686.092.0150b07.01