完整藏文原文 · 德格版页 当前仅加载第 92 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཉམས་པར་མི་འགྱུར་བར་བྱའོ། །འཕགས་པའི་དགེ་སློང་གི་དགེ་འདུན་རྫུ་འཕྲུལ་ཆེན་པོས་སྟོབས་བཅུ་དང་ལྡན་པར་དབུགས་དབྱུང་བར་བྱ་སྟེ། རྒྱུ་དེས་ན་བརྙས་པར་མི་བྱའོ། །དེ་ནས་གྲོང་ཁྱེར་དང་། རྒྱལ་པོའི་ཕོ་བྲང་དུ་འཇུག་པར་བྱ། དེ་ནས་འདུས་
D686.092.0244b01.01པའི་ནང་དུ་འཇུག་པར་བྱ། དེ་ནས་གྲོང་དང་། ཚང་ཚིང་དང་། ཡུལ་དང་། རི་བྲགས་ཀྱི་ནང་དུ་འཇུག་པར་བྱ། དེ་ནས་བཙུན་མོའི་ནང་དུ་འཇུག་པར་བྱ་སྟེ། ཡུལ་གྱི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དེ་དག་ཐམས་ཅད་ཀྱིས་ཀྱང་སངས་རྒྱས་ཀྱི་སྐུ་དང་། མདོག་
D686.092.0244b02.01དང་། རྟགས་དང་། དབྱིབས་སུ་མཐོང་ཞིང་མཆོད་པ་ཆེན་པོ་དང་། རིམ་གྲོ་སྣ་ཚོགས་བྱེད་པར་འགྱུར་ལ། དེ་བཞིན་གཤེགས་པ་སངས་རྒྱས་ཡིན་ནོ་ཞེས་སྨྲ་སྟེ། དེ་བཞིན་གཤེགས་པའི་ཆོ་ག་འཐོབ་བོ། །ཡུངས་ཀར་དང་། ཏིལ་མར་གྱིས་རང་གི་འཁོར་གྱི་སྤྱི་བོར་གཏོར་ཅིང་བྱུགས་
D686.092.0244b03.01ན། ཐམས་ཅད་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་གཟུགས་སུ་སྟོན་ཏོ། །རྐང་པ་ཏིལ་མར་གྱིས་བསྐུས་ན་སའི་སྟེང་ནས་སོར་བརྒྱད་ཙམ་གྱིས་སྤགས་ཏེ་ནམ་མཁའ་ལ་འགྲོ་སྟེ། ཇི་སྲིད་དུ་མ་
D686.092.0244b04.01བཀྲུས་པ་དེ་སྲིད་དུ་སངས་རྒྱས་ཀྱི་ཆ་བྱད་དུ་སྟོན་ཏོ། །མགོན་པོ་སྤྱན་རས་གཟིགས་མཐོང་བར་འདོད་པའི་རིག་སྔགས་འཆང་དེ་ནང་པར་སྔར་ལངས་ནས་གཙང་མ་ཁྲུས་བྱས་ཏེ། གོས་གཙང་མ་བགོས་ནས་ཁང་སྟེང་དུ་འདུག་ལ་ཡུངས་ཀར་ལ་ཏིལ་མར་གྱིས་བྱུགས་ནས་
D686.092.0244b05.01ཕྱོགས་བཞིར་གཏོར་ན། རྒྱལ་པོ་དང་། བློན་པོ་དང་། རྒྱལ་རིགས་དང་། བྲམ་ཟེ་དང་། བཙུན་མོ་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་སྒྱུ་མ་ཆེན་པོས་རྨོངས་པར་འགྱུར་རོ། །དེ་ནས་རིག་སྔགས་འཆང་དེས་ནོར་བུ་བཞིས་དབུ་རྒྱན་དང་
D686.092.0244b06.01ཕྲེང་བ་བྱས་ལ་མགོ་ལ་གདགས་སོ། །ཏིལ་མར་གྱིས་ཡན་ལག་ཙམ་ལ་བསྐུ་བར་བྱ། དཔྲལ་བར་ཐིག་ལེ་བྱ། མིག་སྨན་གྱིས་མིག་བསྐུ། ཕྱེ་མས་བདག་ཉིད་ལ་གདབ། རས་བཟང་པོ་ཡུག་གཅིག་བགོ། །བྱང་ཆུབ་སེམས་དཔའི་ཆ་བྱད་དུ་བགྱི་བ་དང་། ནོར་བུ་དང་།
D686.092.0244b07.01