完整藏文原文 · 德格版页 当前仅加载第 92 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ནས་སླར་ཡང་འོང་བར་བྱེད་དོ། །ཚེ་ལོ་སྟོང་ཕྲག་དྲུག་ཅུར་འགྱུར་རོ། །དཔག་ཚད་སྟོང་ཕྲག་དྲུག་ཅུ་རྣམས་མཐོང་བར་བྱེད་དོ། །འབར་བར་བྱེད་པས་ཐིག་ལེ་བྱས་ནས་ནམ་མཁའ་ལ་འགྲོ་བར་འགྱུར་རོ། །བདག་ཉིད་ལན་བརྒྱར་འཕུར་བར་བྱེད་དོ། །གི་ཝང་གྲུབ་པ་ཐམས་ཅད་ཀྱི་
D686.092.0135b01.01རྒྱལ་པོར་འགྱུར་ཏེ། ལོ་བྱེ་བར་འཚོ་བར་འགྱུར་རོ། །གང་གི་ཚེ་འཆི་བར་འགྱུར་བ་དེའི་ཚེ། གླིང་བཞི་ལ་དབང་བའི་རྒྱལ་པོར་འགྱུར་རོ། །དེ་ནས་བདག་ཉིད་གསེར་གྱི་ཁ་དོག་ཏུ་སྒྲུབ་པར་འདོད་པའི་རིག་སྔགས་འཆང་དེས། ཟླ་ཕྱེད་དྲུག་གི་བར་དུ་བཟླས་པའི་ཆོ་ག་བསྒྲུབ་པར་
D686.092.0135b02.01བགྱིའོ། །དེ་ནས་རིག་སྔགས་འཆང་གཙང་མ་གོས་གཙང་མ་བགོས་པས་ལེགས་པར་ཁྲུས་བྱས་ཏེ། སྨན་འདི་རྣམས་བསྒྲུབ་པར་བགྱིའོ། །ཨུཥྨཱ་ཎི་དང་། ལྡོང་རོས་དང་། བ་བླ་དང་། སྦྲང་རྩི་དང་། ས་ཀཱི་དང་། རུ་རྟ་དང་། གུར་གུམ་དང་། གི་ཝང་དང་། ཤིང་མྱ་ངན་
D686.092.0135b03.01མེད་ཀྱི་མེ་ཏོག་དང་། པཱཎྜུ་ཏྲ་བྱཾ་དང་། འཛམྦུ་ཆུ་བོའི་སྨན་དང་། གསེར་གྱི་ཕྱེ་མ་དང་། བའི་འོ་མ་དང་། ཤིང་ཨརྐའི་འོ་མ་དང་། གསེར་གྱི་འོ་མ་དང་། སྣུ་ཧའི་འོ་མ་དང་། བྱང་ཆུབ་ཤིང་གི་འོ་མ་དང་། ཁྱབ་འཇུག་གནོན་པའི་འོ་མ་སྟེ། འདི་རྣམས་ཆ་མཉམ་པར་སྦྱར་བར་
D686.092.0135b04.01བྱས་ནས་ཟངས་ཀྱི་སྣོད་དུ་གཞག་པར་བགྱི་ཞིང་དཀྲུག་པར་བགྱི་སྟེ། ཟླ་བ་ཕྱེད་ལ་བའི་འོ་མ་ཉིད་དུ་འགྱུར་ཏེ་འདི་ལ་ཐེ་ཚོམ་མེད་དོ། །རས་རིས་ལ་མངོན་དུ་ཕྱོགས་པར་གཞག་པར་བྱ་ཞིང་། དགོན་པའམ། གཙུག་ལག་ཁང་ངམ། འཆག་སའམ། སའི་ཕྱོགས་གཙང་མར་
D686.092.0135b05.01རས་རིས་བཞག་ནས་བྱམས་པ་དང་། སྙིང་རྗེ་ཆེན་པོ་དང་། སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པ་དང་། བསྟན་ཞིང་དཔའ་བས་ཕ་རོལ་གནོན་པའི་གོ་ཆ་ཆེན་པོ་བགོས་པ་དང་། འཕགས་པ་སྤྱན་རས་གཟིགས་དབང་ཕྱུག་ལ་མཆོག་ཏུ་དད་ཅིང་གུས་པ་དང་།
D686.092.0135b06.01བྱང་ཆུབ་དོན་དུ་གཉེར་ཞིང་མངོན་པར་འདོད་བཞིན་པས་ཉི་མ་རེ་རེ་ཞིང་ཇི་ལྟར་ནུས་པའི་མཆོད་པ་སྔོན་དུ་འགྲོ་བས་ཟླ་ཕྱེད་དྲུག་ཏུ་བཟླས་པར་བྱའོ། །དེ་ནས་རིག་སྔགས་འཆང་གི་ཟླ་ཕྱེད་དྲུག་རྫོགས་པ་དང་། ས་སྨན་གྱི་མཆོག་སྐམས་ལ་ཕྱེ་མ་ཞིབ་མོར་བྱེད་དུ་བཅུག་སྟེ། ཟངས་
D686.092.0135b07.01