完整藏文原文 · 德格版页 当前仅加载第 86 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བ་མཉམ་མེད་དེ། །ཤཱཀྱ་སེང་གེ་སྐྱོབ་པ་ཡིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །སྙིང་རྗེ་གྱུར་པའི་ཡིད་ཀྱིས་ནི། །དེ་ལྟར་ལན་མང་གཟེངས་
D494.086.0161a01.01བསྟོད་དེ། །སློབ་མ་དེ་བརྟན་ཤེས་ནས་ནི། །ས་གཞི་ལེགས་པར་ཡོངས་བརྟག་བྱ། །མེ་ཏོག་འབྲས་བུ་ལྡན་པའི་རི། །གཙང་ཞིང་ཡིད་འོང་ཆུ་ཡི་གནས། །དེ་དག་དཀྱིལ་འཁོར་བྲི་བ་ཡི། །ལས་ལ་སངས་རྒྱས་ཀུན་གྱིས་བསྔགས། །གང་ན་འབབ་ཆུ་མང་པོ་དག །
D494.086.0161a02.01ངང་པ་བཞད་ཀྱིས་བརྒྱན་ཡོད་པ། །དེར་ནི་སྔགས་པ་བློ་ཅན་གྱིས། །སྙིང་རྗེ་འབྱུང་བའི་དཀྱིལ་འཁོར་བྲི། །སངས་རྒྱས་རྣམས་དང་རང་མགོན་དང་། །དེ་བཞིན་རྒྱལ་བའི་ཉན་ཐོས་ཀྱིས། །ས་ཕྱོགས་གང་དག་བསྙེན་པ་ནི། །དེ་དག་ཐུབ་པས་རྟག་ཏུ་བསྔགས། །ཕྱོགས་
D494.086.0161a03.01གཞན་རྣམ་པ་སྣ་ཚོགས་པ། །ལྷ་ཁང་ཀུན་དགའ་བཟང་པོ་དང་། །ཁྱིམ་དང་ཡང་ཐོག་ཉམས་དགའ་དང་། །མཚེའུ་དང་སྐྱེད་མོས་ཚལ་མཛེས་དང་། །མཆོད་རྟེན་གྲ་གང་བ་ལང་ལྷས། །འབབ་ཆུ་འདུས་པའི་མདོ་དག་དང་། །ལྷ་ཡི་གནས་རྣམས་ཐམས་ཅད་དང་། །
D494.086.0161a04.01དེ་བཞིན་ཁང་པ་སྟོང་པར་ཡང་། །སློབ་མ་དག་ལ་ཕན་འདོད་ཕྱིར། །ནན་ཏན་དུ་ནི་དཀྱིལ་འཁོར་བྲི། །ཡང་ན་ཡིད་དུ་འོང་བའི་ས། །གང་ཡང་རུང་བར་བྲི་བར་བྱ། །གསང་བ་པའི་བདག་པོ་དེ་ལ་ས་གཞི་ཡོངས་སུ་སྤྱད་པར་བྱ་བ་ནི། རྡོ་དང་། བོང་པ་དང་། གྱོ་མོ་དང་།
D494.086.0161a05.01གསེག་མ་མེད་ཅིང་སྐྲ་དང་། ཕུབ་མ་དང་། སོལ་བ་དང་། ཐལ་བ་དང་། ཚེར་མ་དང་། རུས་པ་དང་། སྡོང་དུམ་དང་། ཟུག་རྔུ་བསལ་བ། གྲོག་སྦུར་དང་། སྲིན་བུ་དང་། སྲོག་ཆགས་མེད་ཅིང་ཉེས་པ་ཐམས་ཅད་སྤངས་པའི་གནས་ནི་ལྷ་རྣམས་ལ་རབ་ཏུ་ཤིས་སོ། །
D494.086.0161a06.01དེ་ལ་ཚེས་གྲངས་དང་། རྒྱུ་སྐར་དང་། གཟའ་དང་། བྱེད་པ་དང་། ཡུད་ཙམ་བཟང་པོའི་མཚན་མ་དང་ལྡན་པའི་ཉི་མ་ལ་སྔ་དྲོའི་དུས་ཀྱི་ཚེ་ལྟས་བཟང་པོས་མཚོན་པ་ལ་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ། སའི་ལྷ་མོ་ལ་སྦྲན་པའི་ཚིགས་སུ་བཅད་པ་གཉིས་བསྒྲག་
D494.086.0161a07.01