完整藏文原文 · 德格版页 当前仅加载第 86 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ་དང་། རྡོ་རྗེ་འཛིན་རྣམས་ཀྱིས་བཅོམ་ལྡན་འདས་རྣམ་པར་སྣང་མཛད་ལ་ཕྱག་འཚལ་ནས། ཆོས་ཀྱི་རྗེས་བཀའ་ཅི་སྐད་སྩལ་པ་བཞིན་འཚལ་ལོ་ཞེས་གསོལ་ཏོ། །བཅོམ་ལྡན་འདས་ཉིད་ལ་གསོལ་བ་བཏབ་པ་བདག་ཅག་ལ་ཐུགས་བརྩེ་བའི་སླད་དུ་དངོས་གྲུབ་སྒྲུབ་པའི་ཚིག་
D494.086.0181b01.01རྣམས་བཅོམ་ལྡན་འདས་ཉིད་ཀྱིས་བསྟན་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས་གང་བདག་ཅག་རང་གིས་རྟོགས་པ་བཅོམ་ལྡན་འདས་ཀྱི་སྤྱན་སྔར་བཤད་པ་དེ་ནི་རབ་ཏུ་དཀའ་ལགས་སོ། །དེ་ལྟར་ལགས་པས་མ་འོངས་པའི་འགྲོ་བ་རྣམས་ཀྱི་དོན་དང་། ཕན་པ་དང་
D494.086.0181b02.01བདེ་བའི་སླད་དུ་བཅོམ་ལྡན་འདས་ཉིད་ཀྱིས་ལེགས་པར་རབ་ཏུ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་རྣམ་པར་སྣང་མཛད་ཀྱིས་རྡོ་རྗེ་འཛིན་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ལེགས་སོ་ལེགས་སོ། །དེ་
D494.086.0181b03.01བཞིན་གཤེགས་པས་བསྟན་པའི་ཆོས་འདུལ་བ་འདི་ལ་ཕན་ཡོན་ཆེ་བའི་ཆོས་གཅིག་ཡོད་པ་ནི་འདི་ལྟ་སྟེ། ངོ་ཚ་ཤེས་པའོ། །ངོ་ཚ་ཤེས་པ་དང་ལྡན་པའི་རིགས་ཀྱི་བུ་དང་རིགས་ཀྱི་བུ་མོ་ནི་མཐོང་བའི་ཆོས་འདི་ལ་ཆོས་གཉིས་རབ་ཏུ་མྱུར་བར་འབྱུང་སྟེ། གཉིས་གང་ཞེ་ན། མི་བྱ་
D494.086.0181b04.01བའི་ལས་མི་བྱེད་པ་དང་། དམ་པ་རྣམས་ཀྱིས་བསྔགས་པའོ། །ཡང་གཉིས་ཏེ། ཁོང་དུ་མ་ཆུད་པ་ཁོང་དུ་ཆུད་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་དང་ལྷན་ཅིག་འགྲོགས་པ་ཐོབ་པར་འགྱུར་བའོ། །ཡང་གཉིས་ཏེ། ཚུལ་ཁྲིམས་ལ་རབ་ཏུ་གནས་པར་འགྱུར་
D494.086.0181b05.01བ་དང་། ལྷ་དང་མི་རྣམས་སུ་སྐྱེ་བ་འཐོབ་པར་འགྱུར་རོ། །དེ་ལྟ་བས་ན་ལེགས་པར་རབ་ཏུ་ཡིད་ལ་ཟུང་ཤིག་དང་། འདི་ལྟ་སྟེ། སྒྲུབ་པར་སྦྱོར་བའི་ཚིག་གང་རྣམས་ཀྱིས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་གསང་སྔགས་རྣམས་
D494.086.0181b06.01ལས་མྱུར་དུ་གསང་སྔགས་ཀྱི་དངོས་གྲུབ་འཐོབ་པར་འགྱུར་བ། གསང་སྔགས་སྒྲུབ་པ་འགྲུབ་པར་སྦྱོར་བའི་ཚིག་རྣམས་བཤད་དོ། །དེ་ལ་དང་པོར་རེ་ཞིག་དཀྱིལ་འཁོར་མཐོང་བ། བླ་མས་གསང་སྔགས་བསྒྲུབ་པར་གནང་། བྱང་ཆུབ་ཏུ་སེམས་བསྐྱེད་པ། དད་པ་ཅན་སེར་སྣ་མེད་པ།
D494.086.0181b07.01