完整藏文原文 · 德格版页 当前仅加载第 86 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སྤྱད་པ་སྤྱོད། །གསང་བ་པའི་བདག་པོ་གང་གི་ཚེ་སྐུ་གསུམ་ལ་མངའ་མཛད་པ་དེ་དག་རྫོགས་པར་སངས་རྒྱས་པར་གྱུར་པ་དེའི་ཚེ་ཡང་དག་པར་རྫོགས་པའི་སངས་རྒྱས་དེ་དག་འདི་ལྟར་དང་པོར་སྤྲུལ་པའི་སྐུ་གཅིག་པུར་བྱིན་གྱིས་བརླབས་ནས་བསྟན་པ་གཞག་པ་མཛད་དོ། །གསང་
D494.086.0226b01.01བ་པའི་བདག་པོ་གཞན་ཡང་སྐུ་གཅིག་པོ་དེ་ཉིད་རྣམ་པ་གསུམ་དུ་འཇོག་པ་ནི་འདི་ལྟར་སངས་རྒྱས་དང་། ཆོས་དང་། དགེ་འདུན་ནོ། །གསང་བ་པའི་བདག་པོ་གཞན་ཡང་དེ་ཉིད་ཐེག་པ་གསུམ་དུ་འཇོག་པས་སྟོན་ཏོ། །དེའི་ཚེ་སངས་རྒྱས་ཀྱི་བྱ་བ་ཐམས་ཅད་བྱས་ནས་ཡོངས་
D494.086.0226b02.01སུ་མྱ་ངན་ལས་འདས་པ་སྟོན་ཅིང་སེམས་ཅན་རྣམས་ཡོངས་སུ་སྨིན་པར་མཛད་དོ། །གསང་བ་པའི་བདག་པོ་མི་འདོད་པ་དང་། ལེ་ལོ་ཅན་དང་། འདུ་འཛི་ཅན་དང་། སྔགས་ལ་ཡིད་མི་ཆེས་པ་དང་། ཡོ་བྱད་མང་པོ་སོགས་པ་མ་གཏོགས་པར་གསང་སྔགས་ཀྱི་སྒོ་ནས་བྱང་ཆུབ་
D494.086.0226b03.01སེམས་དཔའི་སྤྱད་པ་སྤྱོད་པ་གང་དག་དམ་ཚིག་གསུམ་པོ་ཡོངས་སུ་ཤེས་པ་དང་ལྡན་པ། གསང་སྔགས་ཀྱི་ཆོ་ག་སྒྲུབ་པ་དེ་དག་ལ་རྟོག་པ་ལས་བྱུང་བའི་བགེགས་མེད་པ་ལ་ལྟོས། ཆང་བཏུང་བ་དང་ཁྲི་ལ་ཉལ་བ་གཉིས་ནི་མི་བྱའོ། །རྣམ་པར་སྣང་མཛད་ཆེན་པོ་མངོན་པར་རྫོགས་
D494.086.0226b04.01པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དམ་ཚིག་གསུམ་སྤྱད་པ་རིམ་པར་ཕྱེ་བའོ།། །།ཅི་ལྟར་དེ་བཞིན་གཤེགས་པ་ལགས། །ཅི་ལྟར་རྒྱལ་བ་མཆོག་ཏུ་འགྱུར། །ཅི་ལྟར་བྱང་ཆུབ་སེམས་དཔའ་ལགས། །ཅི་ལྟར་སངས་རྒྱས་ཞེས་ནི་བགྱི། །
D494.086.0226b05.01ཐུབ་པ་ཆེན་པོས་བདག་གི་ནི། །ཐེ་ཙོམ་འདི་དག་བསལ་དུ་གསོལ། །བྱང་ཆུབ་སེམས་དཔའ་གྲགས་ཆེན་རྣམས། །ཐེ་ཙོམ་ཡིད་གཉིས་བསལ་ནས་སུ། །སྤྱོད་པའི་རྒྱ་མཚོ་བླ་མེད་པ། །ཐེག་ཆེན་ལ་ནི་སྤྱོད་པར་འགྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་
D494.086.0226b06.01ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ནས། གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་གང་ཁྱོད་ང་ལ་ཞུ་བ་ལེགས་སོ་ལེགས་སོ། །དེའི་ཕྱིར་ཐེག་པ་ཆེན་པོའི་ཚུལ་བཤད་ཀྱིས་ཉོན་ཅིག །བྱང་ཆུབ་ནམ་མཁའི་མཚན་ཉིད་དེ། །ཀུན་ཏུ་རྟོག་
D494.086.0226b07.01