完整藏文原文 · 德格版页 当前仅加载第 86 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བ་བཅུའི་ལས་ཀྱི་ལམ་འདི་རྣམས་ཡང་དག་པར་བླངས་ཏེ་གནས་ལགས་ན། བཅོམ་ལྡན་འདས་འདི་ལ་ཁྱད་པར་ནི་ཅི་ཞིག་མཆིས། ཐ་དད་དུ་བགྱི་བ་ནི་ཅི་ཞིག་མཆིས། དེ་སྐད་གསོལ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་
D494.086.0218b01.01ཏོ། །གསང་བ་པའི་བདག་པོ་ལེགས་སོ་ལེགས་སོ། །གསང་བ་པའི་བདག་པོ་ཁྱོད་ཀྱིས་གང་དེ་བཞིན་གཤེགས་པ་ལ་དོན་འདི་ཞུས་པ་ནི། གསང་བ་པའི་བདག་པོ་ཡང་ཁྱོད་ལེགས་སོ། །གསང་བ་པའི་བདག་པོ་དེའི་ཕྱིར་རབ་ཏུ་རྣམ་པར་དབྱེ་བའི་ཚུལ་དང་ཚུལ་གཅིག་ཏུ་བསྟན་
D494.086.0218b02.01པའི་ཆོས་ཀྱི་རྣམ་གྲངས་བསྟན་གྱིས་ཉོན་ཅིག །གསང་བ་པའི་བདག་པོ་དེ་ལ་ངས་གང་ཉན་ཐོས་རྣམས་ལ་བསླབ་པ་བསྟན་པ་གང་ཡིན་པ་དེ་ནི། ཐབས་དང་ཤེས་རབ་ཏུ་མི་ལྡན་པ་བཀའ་གྲུབ་པར་བྱེད་པ། ཕྱོགས་གཅིག་ཤེས་པ་རྟོགས་པ་སྟེ། དེ་བས་ན་དེ་དག་དང་དགེ་བ་བཅུའི་
D494.086.0218b03.01ལས་ཀྱི་ལམ་དེ་དག་མཚུངས་པར་མི་འགྱུར་རོ། །འཇིག་རྟེན་པ་རྣམས་ནི་བདག་གི་དངོས་པོ་ལ་མངོན་པར་ཞེན་པ་དང་། གཞན་གྱི་རྐྱེན་གྱིས་འཇུག་གོ། །ཐེག་པ་ཆེན་པོས་འགྲོ་བའི་བྱང་ཆུབ་སེམས་དཔའ་རྣམས་ནི་ཆོས་ཐམས་ཅད་ཀྱི་མཉམ་པ་ཉིད་ལ་འཇུག་པའི་ཕྱིར་གཞན་
D494.086.0218b04.01གྱི་དྲིང་མི་འཇོག་ཅིང་ཐབས་དང་ཤེས་རབ་ཀྱིས་ཡོངས་སུ་ཟིན་པར་བདག་དང་གཞན་དང་གཉི་གའི་དོན་བྱེད་པ་ལ་འཇུག་གོ། །དེ་ལྟ་བས་ན་གསང་བ་པའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་དང་ཐབས་ཀྱིས་ཡོངས་སུ་ཟིན་པར་ཆོས་ཐམས་ཅད་ལ་འཇུག་
D494.086.0218b05.01པའི་ཕྱིར་བརྩོན་པར་བྱའོ། །དེ་ནས་བཅོམ་ལྡན་འདས་ཀྱིས་བྱམས་པ་ཆེན་པོ་དང་། ཐུགས་རྗེ་ཆེན་པོའི་སྤྱན་གྱིས་སེམས་ཅན་གྱི་ཁམས་རྣམས་ལ་གཟིགས་ནས། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། དེ་ལ་བྱང་ཆུབ་སེམས་དཔས་ཆེད་དུ་བསམས་ཏེ་སྲོག་གཅོད་
D494.086.0218b06.01པ་ལས་སླར་ལྡོག་པར་བྱའོ། །དབྱུག་པ་སྤོང་ཞིང་འཁོན་དུ་འཛིན་པ་སྤང་བར་བྱའོ། །དེས་བདག་ལ་ཅི་ལྟ་བ་བཞིན་དུ་གཞན་གྱི་སྲོག་ཀྱང་བསྲུང་བར་བྱའོ། །གཞན་དུ་ན་གང་ཟག་དེ་ལྟ་བུ་དང་དངོས་པོ་དེ་ལྟ་བུ་ལ་བདག་གིས་སྡིག་པ་ཁས་བླངས་ལ། ལས་དེ་བྱ་བ་ནི་མ་གཏོགས་ཏེ། དེ་
D494.086.0218b07.01