完整藏文原文 · 德格版页 当前仅加载第 86 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཆེན་པོ་བཞིའི་ནང་དུ་གཏོགས་པ་ཡིན་ལ། དེ་དག་ཀྱང་ངོ་བོ་ཉིད་ཀྱིས་སྟོང་པ། མིང་ཙམ་གྱིས་བསྡུས་པ། ནམ་མཁའ་དང་མཚུངས་ཤིང་འདྲ་བ། གཟུང་དུ་མེད་པ། རྒྱུ་དང་ལས་ལས་བྱུང་བ་སྟེ། གཟུགས་བརྙན་དང་འདྲ་བ་དེ་བཞིན་དུ་དེ་བཞིན་གཤེགས་པ་རྣམས་
D494.086.0223a01.01ཀྱིས་མངོན་པར་རྫོགས་པར་སངས་རྒྱས་སོ། །དེ་དག་ཀྱང་ཕན་ཚུན་རྟེན་ཅིང་འབྲེལ་བར་འབྱུང་བའི་རྒྱུན་མ་ཆད་པར་འབྲེལ་བ་སྟེ། གང་ལ་བརྟེན་ནས་སྐྱེས་པ་དེ་ནི་གཟུགས་བརྙན་དང་འདྲ་བར་འབྱུང་ངོ་། །དེ་ལྟ་བས་ན་ཕན་ཚུན་རྟེན་ཅིང་འབྲེལ་བར་འབྱུང་བའི་ཕྱིར། ལྷ་གང་ཡིན་པ་
D494.086.0223a02.01དེ་བདག་ཡིན། བདག་གང་ཡིན་པ་དེ་ནི་ལྷ་ཡིན་ནོ་ཞེས་དེ་ལྟར་ལུས་ཀྱིས་གཟུགས་ལྷའི་སྐུར་བསྐྱེད་པར་བྱའོ། །གསང་བ་པའི་བདག་པོ་ཆོས་ལ་བརྟེན་ནས་རྟོགས་པ་འབྱུང་། རྟོགས་པ་ལ་བརྟེན་ནས་ཀྱང་ཆོས་འབྱུང་བ་ལ་ལྟོས། དེ་གཉིས་ཀྱང་རང་བཞིན་གྱིས་སྟོང་པའི་ཕྱིར་ཕན་ཚུན་
D494.086.0223a03.01བྱེད་པ་པོ་དང་ལས་སུ་རྣམ་པར་འཇོག་པར་ཡང་མི་བྱེད་དོ། །གསང་བ་པའི་བདག་པོ་ཅི་ལྟར་ན་ཡིད་ལ་ཡིད་ལས་བྱུང་བའི་གཟུགས་བསྐྱེད་པར་བྱ་ཞེ་ན། གསང་བ་པའི་བདག་པོ་འདི་ལྟ་སྟེ། དཀར་པོའམ། སེར་པོའམ། དམར་པོ་ཡིད་ལ་བྱས་ན་ཡིད་དེའི་རྣམ་པར་ཤེས་པ་ལ་
D494.086.0223a04.01ཞེན་པར་འགྱུར་ཏེ། དེས་ན་དེ་ལྟ་བུས་དགོས་པ་ཡང་དེ་ལྟ་བུ་ཁོ་ན་མངོན་པར་སྒྲུབ་པར་བྱེད་དོ། །གསང་བ་པའི་བདག་པོ་འདི་ལྟ་སྟེ། ཡིད་ལ་དཀྱིལ་འཁོར་བསམས་ནས་སུ། །རིམས་ནད་ཅན་ལ་གཞག་ན་ནི། །དེ་ཡི་མོད་ལ་སྐྱེ་བོ་ནི། །རིམས་ལས་ཐར་འགྱུར་དོགས་པ་མེད། །
D494.086.0223a05.01ཡིད་མེད་པར་ཡང་དཀྱིལ་འཁོར་ཡོད་པ་མ་ཡིན་ལ། དཀྱིལ་འཁོར་མེད་པར་ཡང་ཡིད་ཡོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དཀྱིལ་འཁོར་དང་མཚན་ཉིད་གཅིག་པའི་ཕྱིར་རོ། །གསང་བ་པའི་བདག་པོ་འདི་ལྟ་སྟེ། སྒྱུ་མ་མཁན་གྱིས་སྒྱུ་མའི་མི་ཞིག་གིས་མི་གཞན་ཞིག་
D494.086.0223a06.01སྤྲུལ་ན། གསང་བ་པའི་བདག་པོ་དེ་ཅི་སྙམ་དུ་སེམས། དེ་ལ་ཁྱད་པར་ཅི་ཞིག་ཡོད། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །མི་དེ་གཉིས་ཀ་ལ་ཡང་ཁྱད་པར་མ་མཆིས་སོ། །བཅོམ་ལྡན་
D494.086.0223a07.01