完整藏文原文 · 德格版页 当前仅加载第 86 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ན་སློབ་མ་དོན་དུ་གཉེར་ཞིང་དེ་ལ་དད་པར་ཤེས་ན། དེ་ལྟར་ཤེས་ནས་སློབ་དཔོན་དེས། །ས་གཞི་ལེགས་པར་བརྟག་པར་བྱ། །མཚོ་དང་ཀུན་དགའི་སྐྱེད་མོས་ཚལ། །རྫིང་བུ་རྣམས་ཀྱིས་ཀུན་བརྒྱན་ཅིང་། །འབྲས་བུ་མེ་ཏོག་ལྡན་པ་ཡི། །ལྗོན་ཤིང་དེ་བཞིན་ལྡུམ་བུ་
D494.086.0244b01.01དང་། །གེལ་པ་དམ་པ་ཉམས་དགའ་བ། །འབྲས་བུ་མེ་ཏོག་ལྡན་པ་དང་། །ངང་པ་ཁྲུང་ཁྲུང་རྨ་བྱ་དང་། །བཞད་དང་ནེ་ཙོ་ཤ་རི་རྣམས། །གང་གི་ཡུལ་ན་ཡོད་པ་ཡི། །ཡུལ་དེ་ནན་ཏན་བསྐྱེད་དེ་བསྟེན། །མེ་ཏོག་འབྲས་བུ་ལྡན་རི་དང་། །གཙང་ཞིང་ཡིད་འོང་རྫིང་བུ་
D494.086.0244b02.01དང་། །འབབ་ཆུ་ཆུ་ནི་ཞིམ་པོ་དང་། །ཆུ་ཀླུང་གཡས་ནས་འཁོར་བ་ཅན། །དེར་ནི་སྔགས་པ་བློ་ལྡན་གྱིས། །དཀྱིལ་འཁོར་ལོངས་སྤྱོད་འཕེལ་བར་བྲི། །ཡུལ་ནི་ཤིན་ཏུ་སྣུམ་པ་དང་། །གཙུག་ལག་ཁང་དང་ཁང་པ་དང་། །ལྷ་ཡི་གནས་དང་ཕྱུགས་ལྷས་དང་། །
D494.086.0244b03.01ཤིང་གཅིག་ལམ་གྱི་བཞི་མདོར་ཡང་། །ཞི་བའི་ལས་ལས་ཞི་བ་ཡི། །དཀྱིལ་འཁོར་ཤེས་རབ་ཅན་གྱིས་བྲི། །ཁང་པ་སྟོང་པའམ་དུར་ཁྲོད་དམ། །སྣུམ་མེད་དྲག་པོའི་ལས་ཅན་དང་། །ངན་ཅིང་རྩུབ་ལ་འཇིགས་པ་ཅན། །དེ་བཞིན་ཚང་ཚིང་མི་བཟད་འཇིགས། །
D494.086.0244b04.01དེ་ལ་སོགས་པའི་གནས་རྣམས་སུ། །དྲག་པོའི་ལས་ཀྱི་དཀྱིལ་འཁོར་བྲི། །དྲག་པོར་དྲག་པོའི་ལས་རྣམས་བྱ། །ཞི་བར་ཞི་བའི་ལས་བྱའོ། །རྒྱས་པར་རྒྱས་པ་ཉིད་ཡིན་ཏེ། །དེ་ནི་རྒྱས་པའི་ཆོ་གའོ། །ཡང་ནི་ཡིད་ནི་གང་དག་ཏུ། །ངེས་པར་དགའ་བ་སྐྱེ་འགྱུར་
D494.086.0244b05.01བ། །ཡུལ་དེར་དཀྱིལ་འཁོར་བྲི་བ་ཡི། །ལས་ནི་ལེགས་པར་སྦྱར་བར་བྱ། །གང་གི་སེམས་ནི་རྣམ་དག་ཅིང་། །ཐེ་ཙོམ་ལ་སོགས་རྣམས་སྤངས་པ། །དེ་ལས་ལས་རྣམས་ཐམས་ཅད་ནི། །འགྲུབ་པར་འགྱུར་བ་དོགས་པ་མེད། །རྣམ་པར་རྟོག་པ་སྤངས་པ་ཡི། །
D494.086.0244b06.01རྣམ་པར་མི་རྟོག་བྱང་ཆུབ་ཡིན། །དེ་ཡང་རྣམ་རྟོག་སྤངས་པ་ཡིས། །ཐོབ་པར་འགྱུར་གྱི་གཞན་གྱིས་མིན། །དེ་བས་རྣམ་པ་ཐམས་ཅད་དུ། །བློ་ལྡན་ཡིད་གཉིས་སྤངས་ནས་སུ། །འཇིག་རྟེན་ཀུན་ལ་ཕན་འདོད་པས། །ཤེས་རབ་ཅན་གྱིས་དཀྱིལ་འཁོར་
D494.086.0244b07.01