完整藏文原文 · 德格版页 当前仅加载第 86 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་སྤུ་ཞེས་ནི་རབ་ཏུ་བསྒྲགས། །འདི་ནི་བཅིངས་པ་ཙམ་གྱིས་སུ། །རྒྱལ་བ་མཆོག་ཏུ་འགྱུར་བ་ཡིན། །འདིའི་སྔགས་ནི། ན་མཿས་མནྟ་བུད་དྷཱ་ནཱཾ། ཨ་ཧྃ་ཛཿ། བློ་ལྡན་རྣལ་འབྱོར་ཚུལ་གནས་ཏེ། །ལག་གཉིས་ལྟེ་བའི་ཐད་ཀར་ནི། །ལྷུང་བཟེད་འཛིན་པའི་ཚུལ་དུ་བྱ། །
D494.086.0196b01.01ལྷུང་བཟེད་ཕྱག་རྒྱ་ཞེས་སུ་བསྒྲགས། །རྒྱ་འདི་ཤཱཀྱ་ཐུབ་པའི་སྟེ། །ལྷུང་བཟེད་ཆེན་པོ་ཞེས་བྱའོ། །འདིའི་གསང་སྔགས་ནི། ན་མཿས་མནྟ་བུད་དྷཱ་ནཱཾ། བྷ། དེ་བཞིན་དུ་ལག་པ་གཡས་པ་གྱེན་དུ་བསྒྲེང་ལ་མི་འཇིགས་པ་སྦྱིན་པ་ལྟ་བུར་བྱའོ། །སེམས་ཅན་ཀུན་ལ་མི་འཇིགས་
D494.086.0196b02.01པ། །དེ་ཡིས་རབ་ཏུ་སྦྱིན་པར་འགྱུར། །གང་ཞིག་རྒྱ་ཆེན་དེ་བཅིངས་ན། །མི་འཇིགས་ཕྱག་རྒྱ་ཞེས་བསྒྲགས་སོ། །འདིའི་སྔགས་ནི། །ན་མཿས་མནྟ་བུད་དྷཱ་ནཱཾ། སརྦྦ་ཐཱ་ཛི་ན་ཛི་ན་བྷ་ཡ་ནཱ་ཤ་ན་སྭཱ་ཧཱ། དེ་བཞིན་དུ་ལག་པ་གཡས་པ་སྨད་དེ་དམ་པ་སྦྱིན་པ་ལྟར་བྱའོ། །འདི་
D494.086.0196b03.01ནི་དམ་པ་སྦྱིན་རྒྱ་ཞེས། །འཇིག་རྟེན་མགོན་པོ་རྣམས་ཀྱིས་བསྒྲགས། །འདི་ནི་བཅིངས་པ་ཙམ་གྱིས་སུ། །རྒྱལ་མཆོག་དམ་པ་སྩོལ་བར་འགྱུར། །འདིའི་གསང་སྔགས་ནི། ན་མཿས་མནྟ་བུད་དྷཱ་ནཱཾ། བ་ར་ད་བཛྲ་ཨཱཏྨ་ཀོ྅་ཧྃ་སྭཱ་ཧཱ། ལག་པ་གཡས་པ་ཁུ་ཚུར་བཅངས་ཏེ་
D494.086.0196b04.01མཛུབ་མོ་བརྐྱང་ལ་དཔྲལ་བ་ཁྲོ་གཉེར་ལྟ་བུར་བྱའོ། །ཕྱག་རྒྱ་ཆེན་པོ་རྒྱ་ཆེན་འདི། །སངས་རྒྱས་སྐྱོབ་པ་ཐམས་ཅད་ཀྱི། །བདུད་ནི་རྣམ་པར་བསྡིགས་ཞེས་བྱ། །ཕུང་བྱེད་ཐམས་ཅད་འཇིག་པར་བྱེད། །འདི་ནི་བཅིངས་པ་ཙམ་གྱིས་སུ། །བདུད་སྡེ་ཤིན་ཏུ་མི་བཟད་དང་། །
D494.086.0196b05.01བགེགས་དང་ལོག་འདྲེན་གཞན་དག་ཀྱང་། །ཐེ་ཚོམ་མེད་པར་རབ་ཏུ་འབྱེར། །འདིའི་གསང་སྔགས་ནི་འདིའོ། །ན་མཿས་མནྟ་བུད་དྷཱ་ནཱཾ། མ་ཧཱ་བ་ལ་བ་ཏི་ད་ཤ་བ་ལ་ཏེ་ཛོདྦྷ་བེ་མ་ཧཱ་མཻ་ཏྲྱ་ངྷྱུ་ད་ག་ཏེ་སྭཱ་ཧཱ། དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་གུང་མོ་གཉིས་དང་སྲིན་ལག་
D494.086.0196b06.01གཉིས་བརྐྱང་སྟེ། མཐེ་བོ་དེ་དྲུང་དུ་གཞག་གོ། །འདི་ནི་སངས་རྒྱས་མགོན་རྣམས་ཀྱི། །ཐུགས་རྗེ་ལས་བྱུང་སྤྱན་ཡིན་ཏེ། །མིག་གི་སྟེང་དུ་མཁས་པས་གཞག །དེ་ལས་སངས་རྒྱས་སྤྱན་དུ་འགྱུར། །འདིའི་གསང་སྔགས་ནི། ན་མཿས་མནྟ་བུད་དྷཱ་ནཱཾ། ག་ག་ན་བ་ར་ལཀྵ་ཎ་
D494.086.0196b07.01