完整藏文原文 · 德格版页 当前仅加载第 86 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱད་པར་བཤད་པར་བྱ་སྟེ། གུར་གུམ་ག་བུར་བསྲེས་པས་ནི། །རྒྱས་པ་དག་ལ་བྱུག་སྤོས་མཆོག །དྲི་ཞིམ་ཁ་དོག་སེར་པོ་ཡང་། །དེ་མ་རྙེད་ན་སྦྱར་བར་བྱ། །མེ་ཏོག་ཙམ་པ་རབ་ཏུ་བཟང་། །ཡུ་ཏི་སྣ་མ་སེར་པོ་དང་། །དེ་ལས་གཞན་པའང་དྲི་ཞིམ་
D494.086.0235a01.01པ། །སེར་པོ་དག་ནི་དབུལ་བར་བྱ། །གུར་གུམ་ཨ་ཀ་རུ་དང་སྦྱར། །ཤ་ཁ་ར་དང་སྦྱར་བ་དག །རྒྱས་པའི་ལས་རྣམས་འགྲུབ་བྱའི་ཕྱིར། །བདུག་སྤོས་མཁས་པས་དབུལ་བར་བྱ། །གུ་གུལ་དང་ནི་ཙནྡན་ཡང་། །མར་དང་སྦྱར་བ་བདུག་སྤོས་མཆོག །སྲ་རྩི་པོག་
D494.086.0235a02.01ནི་གུར་གུམ་བསྲེས། །བདུག་སྤོས་སྔགས་ལ་མཁས་པས་དབུལ། །མར་མེ་སྣོད་ནི་གསེར་གྱི་བཟང་། །ཡང་ན་ཁམ་པའི་སེར་པོའང་རུང་། །མཁས་པས་རས་ནི་སེར་པོ་ཡི། །མར་མེའི་སྙིང་པོ་སེར་པོ་དབུལ། །སྤོས་ཀྱི་འབྲུ་མར་བཟང་པོ་ཡིས། །དེ་ཡི་སྣུམ་ནི་དྲི་ཞིམ་
D494.086.0235a03.01བྱའོ། །ཡང་ན་ཏིལ་གྱི་འབྲུ་མར་གྱིས། །མར་མེ་གཙང་མ་དབུལ་བར་བྱ། །འབྲས་ཆན་སེར་པོ་སྲན་ཚོད་ཅན། །མར་དང་བཅས་པ་ཤིན་ཏུ་བཟང་། །ཚོད་མ་རྣམས་ཀྱང་སེར་པོར་བྱ། །ཤིང་ཏོག་བག་ཅོས་དེ་བཞིན་ནོ། །སྤོས་ཆུས་མེ་ཏོག་སེར་པོ་དང་། །དེ་བཞིན་འབྲས་
D494.086.0235a04.01དང་དཱུར་བའི་རྩྭ། །སྣོད་ཀྱང་སེར་པོར་བླུགས་པ་དག །རྒྱས་པ་ལ་ནི་མཆོད་ཡོན་ཤིས། །དེ་ལྟར་མཆོད་པ་ཅི་ལྟ་བ་བཞིན་དུ་བྱས་ཏེ། དེ་ནས་བདག་ཉིད་རྡོ་རྗེ་དམ་པ་སྦྱིན་དུ་བྱིན་གྱིས་བརླབས་ལ། ཕྱི་རོལ་དུ་བྱུང་སྟེ་ཕྱོགས་ཀྱི་གཏོར་མ་སྦྱིན་ནོ། །དེ་ནས་ཉེ་རེག་བྱས་ཏེ་
D494.086.0235a05.01ནང་དུ་ཞུགས་ལ། སངས་རྒྱས་ཐམས་ཅད་ལ་ཕྱག་བྱས་ཏེ་མེའི་ཐབ་ཁུང་གི་དྲུང་དུ་བསྲེག་པར་བྱ་བ་ལ་སོགས་པ་སྔགས་ཀྱིས་བསང་བ་རྣམས། སྔ་མ་བཞིན་དུ་གཞག་ལ། ས་ལ་རྩྭ་ཀུ་ཤ་བཏིང་བའི་སྟེང་དུ་པདྨའི་སྐྱིལ་མོ་ཀྲུང་བཅས་ཏེ་འདུག་ནས། བདག་ཉིད་རྣམ་
D494.086.0235a06.01པར་སྣང་མཛད་ཆེན་པོའི་སྐུར་བསམས་ཏེ་ཁང་པའི་ནང་བྱུག་སྤོས་སེར་པོས་ཞུགས་ཐབ་བསྐུས་ལ་མེ་ཏོག་སེར་པོ་སིལ་མ་ཡང་བཀྲམ། རྩྭ་ཀུ་ཤ་ཡང་བཏིང་སྟེ། རྒྱལ་རིགས་ཀྱི་ཁྱིམ་མམ་རྒྱལ་པོའི་ཕོ་བྲང་ནས་མེ་བླངས་ཏེ་བསང་གཏོར་བྱས་ཏེ། ཤིང་པླཀྵ་དང་ཨུ་
D494.086.0235a07.01