完整藏文原文 · 德格版页 当前仅加载第 86 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་གཡོན་ཕྱོགས་ནས་བསྟོད་དེ་བསྐོར་བ་ནི་དགའ་བོ་དང་བསྙེན་དགའ་བོའི་སྤྲིན་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་གསུམ་གྱེན་དུ་བསྒྲེང་བ་ནི་བདེ་བྱེད་ཀྱི་མདུང་རྩེ་གསུམ་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་དེ་དག་དྲང་པོར་བྱས་པ་ནི་ཨུ་མ་པ་ཏི་སྱའི་ཕྱག་རྒྱའོ། །
D494.086.0202b01.01ཟླ་བའི་ཕྱག་རྒྱ་ནི་པདྨ་སྔ་མ་བཞིན་ཏེ། ཁྱད་པར་དུ་དཀར་པོ་བྱའོ། །ལག་པ་དེ་ཉིད་གཉིས་ཀ་གཤིབས་ཏེ་བཀན་ལ་མཛུབ་མོ་དང་སྲིན་ལག་གཉིས་ངོས་སུ་དགུག་གོ། །ཉི་མའི་ཕྱག་རྒྱ་སྟེ་ཤིང་རྟའོ། །ལག་པ་དེ་གཉིས་ཀ་གཅིག་ཏུ་ཐལ་མོ་སྦྱར་ལ་གུང་མོ་དང་། སྲིན་ལག་གཉིས་གཞུ་
D494.086.0202b02.01འདྲ་བར་བྱའོ། །རྒྱལ་བ་དང་རྣམ་པར་རྒྱལ་བའི་ཕྱག་རྒྱའོ། །བ་དན་གྱི་ཕྱག་རྒྱ་ནི་སྔ་མ་བཞིན་ཏེ་རླུང་གིའོ། །དེ་བཞིན་དུ་ལག་པ་གཡོན་པ་ལྟེ་བའི་ཕྱོགས་སུ་བཀན་ལ་སོར་མོ་གཉིས་བསྒྲེང་སྟེ་གཟུང་ངོ་། །ལག་པ་གཡས་པ་དེ་ལ་ཕྱོགས་པར་བྱས་ཏེ། པི་བང་ལེན་པ་ལྟ་བུར་བྱས་
D494.086.0202b03.01པ་ནི་དབྱངས་ཅན་གྱི་ཕྱག་རྒྱ་སྟེ་པི་བང་ངོ་། །ཆུ་ལྷའི་ཕྱག་རྒྱ་ནི་ཞགས་པ་སྟེ་སྔ་མ་བཞིན་ནོ། །དབྱངས་ཅན་གྱི་ཕྱག་རྒྱ་སྟེ་དེ་ཉིད་ལས་མཛུབ་མོ་དགུག་གོ། །ལྷ་མ་ཡིན་རྣམས་ཀྱི་ཕྱག་རྒྱ་སྟེ། གསང་སྔགས་ལ། ན་མཿས་མནྟ་བུད་དྷཱ་ནཱཾ། ག་ར་ལ་ཡཾ་སྭཱ་ཧཱ། ཕྱག་རྒྱ་དེ་ཉིད་
D494.086.0202b04.01ལས་སྲིན་ལག་བརྐྱང་ངོ་། །དྲི་ཟའི་ཕྱག་རྒྱ་སྟེ་གསང་སྔགས་ལ། བི་ཤུདྡྷ་སྭ་ར་བ་ཧི་ནེ་སྭཱ་ཧཱ། ཕྱག་རྒྱ་དེ་ཉིད་ལས་མཛུབ་མོ་དགུག་གོ། །གནོད་སྦྱིན་ཐམས་ཅད་ཀྱི་ཕྱག་རྒྱ་སྟེ། གསང་སྔགས་ལ། ཡཀྵེ་ཤྭ་ར་སྭཱ་ཧཱ། ཕྱག་རྒྱ་དེ་ཉིད་ལས་མཐེ་བོ་དང་མཐེའུ་ཆུང་གཉིས་རྩེ་མོ་སྦྱར་
D494.086.0202b05.01རོ། །གནོད་སྦྱིན་མ་རྣམས་ཀྱི་ཕྱག་རྒྱ་སྟེ། གསང་སྔགས་ལ། ཡཀྵ་བིདྱཱ་དྷཱ་རཱི་སྭཱ་ཧཱ། ཕྱག་རྒྱ་དེ་ཉིད་ལས་གུང་མོ་བརྐྱང་ངོ་། །ཤ་ཟ་རྣམས་ཀྱི་ཕྱག་རྒྱ་སྟེ། གསང་སྔགས་ལ། པི་ཤཱ་ཙེ་ག་ཏི་སྭཱ་ཧཱ། གུང་མོ་དེ་ཉིད་བཀུག་ལ་གཟུང་ངོ་། །ཤ་ཟ་མོ་རྣམས་ཀྱི་ཕྱག་རྒྱ་སྟེ། གསང་
D494.086.0202b06.01སྔགས་ལ། མི་ཙི་མི་ཙི་སྭཱ་ཧཱ། དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་མཐེ་བོ་གཉིས་གྱེན་དུ་བསྒྲེང་སྟེ་གཟུང་ངོ་། །གཟའ་ཐམས་ཅད་ཀྱི་ཕྱག་རྒྱ་སྟེ། གསང་སྔགས་ལ། ན་མཿས་མནྟ་བུད་དྷཱ་ནཱཾ། གྲ་ཧེ་ཤྭརྱ་པྲཱཔྟ་ཛྱོ་ཏིར་མ་ཡ་སྭཱ་ཧཱ། ཕྱག་རྒྱ་དེ་ཉིད་ལས་གུང་མོ་དང་མཐེ་བོ་
D494.086.0202b07.01