完整藏文原文 · 德格版页 当前仅加载第 86 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །རྒྱལ་བའི་མཆོག་ཏུ་ཤེས་པར་བྱ། །ཐོག་མ་ནས་ནི་ཞི་བའི་ཆོས། །ངོ་བོ་ཉིད་ནི་མེད་པ་ལ། །གང་གིས་སེམས་ནི་རི་རབ་བཞིན། །གནས་པ་དེ་ནི་བདེན་པ་མཐོང་། །འདི་བདེན་འདི་ནི་ཡང་དག་པ། །དེ་བཞིན་དུ་ནི་མི་བསླུ་བ། །ཅི་ལྟར་སངས་རྒྱས་བདེན་གཟིགས་པ། །
D494.086.0208b01.01དེ་བཞིན་སྔོན་ནི་ངས་མཐོང་བའི། །བྱང་ཆུབ་སེམས་ཐོབ་གང་ཡིན་དེ། །དངོས་གྲུབ་དེ་ལས་གཞན་ཅི་དགོས། །དེ་ལས་གཞན་དུའང་དངོས་གྲུབ་ནི། །རྣམ་པ་དག་ནི་ལྔར་འདོད་དེ། །སྤྱོད་པའི་རྗེས་སུ་འཇུག་པ་དང་། །དེ་བཞིན་ས་ནི་གནོན་པ་དང་། །འཇིག་རྟེན་མངོན་ཤེས་ལྔར་
D494.086.0208b02.01འདོད་དང་། །སངས་རྒྱས་ཉིད་དང་གང་གཞན་ནོ། །རྒྱུད་ལས་རྒྱུད་དུ་གྱུར་པ་ཡི། །ལས་ནི་ཅི་སྲིད་མ་ཉམས་ཤིང་། །རྣམ་སྨིན་རྣམ་པར་མི་སྨིན་པ། །དངོས་གྲུབ་དག་གི་དུས་སུ་འདོད། །མདོར་ན་གང་ཚེ་དུས་གཅིག་ཏུ། །ལས་དང་སྐྱེ་བ་འཕངས་གྱུར་པ། །དེ་ཚེའང་སྔགས་
D494.086.0208b03.01པས་དངོས་གྲུབ་ནི། །ཡིད་ལས་ཡང་དག་བྱུང་བ་འཐོབ།། །།བམ་པོ་དྲུག་པ། གྲུབ་ནས་མཁའ་ལ་འགྲོ་བ་ནི། །ཅི་ལྟར་སྒྱུ་མ་འཇིགས་མེད་བཞིན། །སྔགས་ཀྱི་དྲ་བས་རྨོངས་བྱེད་པ། །ཅི་ལྟར་མིག་འཕྲུལ་ཆེན་པོ་བཞིན། །གང་ལ་ལུས་དང་ངག་མེད་པ། །དྲི་ཟའི་
D494.086.0208b04.01གྲོང་ཁྱེར་ཅི་བཞིན་ཏེ། །དེ་བཞིན་མི་སྣང་འགྱུར་ཞེས་བྱ། །དེ་ནི་དེ་ན་གནས་པ་ཡིན། །ཅི་ལྟར་ཉལ་བའི་རྨི་ལམ་ན། །སུམ་ཅུ་རྩ་གསུམ་གནས་སུ་ཕྱིན། །ལུས་ཀྱང་སྤངས་པ་མ་ཡིན་ལ། །དེ་ཉིད་ཀྱིས་ཀྱང་དེ་མ་སོང་། །དེ་བཞིན་རྣལ་འབྱོར་ཉིད་ཀྱིས་ཀྱང་། །སྔགས་
D494.086.0208b05.01པ་སྔགས་ལ་གནས་པ་དག །བསོད་ནམས་བྱ་བའི་ལས་རྣམས་ཀྱིས། །འཇའ་དང་འདྲ་བའི་ལུས་ཀྱང་འཐོབ། །ལུས་དང་ངག་ཡིད་ལས་བྱུང་བའི། །གསང་སྔགས་ཡིད་བཞིན་ནོར་བུ་འདྲ། །དེ་ལས་རྣམ་པར་བསམས་པའི་དོན། །མ་བརྟགས་པར་ཡང་འབྱུང་བར་འགྱུར། །
D494.086.0208b06.01ཅི་ལྟར་ནམ་མཁའ་ཕྱོགས་རྣམས་སུ། །འདུས་བྱས་སྤྱོད་ཡུལ་ཐམས་ཅད་ཀྱིས། །མི་གོས་དེ་བཞིན་སྔགས་པ་ཡང་། །རྟོག་པའི་སྤྱོད་ཡུལ་ཀུན་གྱིས་སོ། །འདི་ཀུན་འདུ་ཤེས་ཙམ་དུ་ནི། །ནམ་ཞིག་དེ་ལྟར་བསྒོམས་གྱུར་ཅིང་། །རྣམ་པར་བསྒོམས་ན་སྔགས་པ་དེ། །
D494.086.0208b07.01