完整藏文原文 · 德格版页 当前仅加载第 86 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འདུག །རབ་ཏུ་འཛུམ་པའི་བཞིན་དུ་གནས། །འོད་ཟེར་མཚན་ཉིད་བཟང་པོ་ཡིས། །ཀུན་ཏུ་འཁོར་བར་སྔགས་པས་བྲི། །དེ་ཡི་བྱང་དུ་གཞོན་ནུ་ནི། །དྲ་བའི་འོད་ཅན་ལག་པ་ན། །རིན་ཆེན་དྲ་བ་ཐོགས་པ་སྟེ། །སྣ་ཚོགས་པ་ཡི་རྒྱན་གྱིས་བརྒྱན། །པདྨ་དམར་
D494.086.0167b01.01པོའི་སྟན་ལ་འདུག །རྒྱལ་བའི་སྲས་ལ་བལྟ་བ་བྲི། །རྡོ་རྗེ་དམ་པ་སྦྱིན་པ་ཡི། །གཡོན་དུ་ཕོ་ཉ་མོ་ལྔ་བྲི། །སྐྲ་ཅན་དང་ནི་ཉེ་སྐྲ་ཅན། །སྣ་ཚོགས་མ་དང་ནོར་ཅན་མ། །དེ་བཞིན་འགུགས་མ་ཞེས་བྱ་བ། །འདི་དག་བློ་ལྡན་ཕོ་ཉ་མོའོ། །དེ་དག་གི་ནི་འོག་ཟད་དུ། །
D494.086.0167b02.01ཕྱག་བརྙན་མ་ནི་ལྔ་རྣམས་དང་། །གཞོན་ནུ་དྲ་བའི་འོད་ཅན་གྱི། །འཁོར་གཉིས་པོ་ཡང་བྲི་བར་བྱ། །དེ་ནས་སྔགས་པས་ལྷོ་ཕྱོགས་སུ། །བྱང་ཆུབ་སེམས་དཔའ་གྲགས་ཆེན་པོ། །སྒྲིབ་པ་ཐམས་ཅད་རྣམ་སེལ་གཙོ། །ཡིད་བཞིན་ནོར་བུ་ཐོགས་པ་བྲི། །དེ་
D494.086.0167b03.01ཡི་ཆ་གཉིས་བོར་ནས་ནི། །དཔའ་བོ་ངོ་མཚར་ཅན་དང་ནི། །སེམས་ཅན་ཀུན་ལ་མི་འཇིགས་སྦྱིན། །ངན་སོང་ཐམས་ཅད་སྤོང་བ་དང་། །དེ་བཞིན་སྐྱོང་སེམས་བློ་གྲོས་དང་། །བློ་ཅན་སྙིང་རྗེས་གདུངས་པ་དང་། །བྱམས་པ་མངོན་དུ་འབྱུང་བ་དང་། །གདུང་བ་ཐམས་
D494.086.0167b04.01ཅད་ཞི་བྱེད་དང་། །དེ་བཞིན་བློ་གྲོས་བསམ་ཡས་ཏེ། །མཁས་པས་བརྒྱད་པོ་བྲི་བར་བྱ། །བྱང་གི་ཕྱོགས་སུ་སོང་ནས་ནི། །ས་ཡི་སྙིང་པོ་འབར་དང་བཅས། །བཟོད་དང་དེས་པ་ཕུན་ཚོགས་བྲི། །དེ་ཡི་སྟན་ནི་མཁས་པ་ཡིས། །འབྱུང་ཁུངས་ཀུན་དང་ལྡན་པ་ཡིས། །
D494.086.0167b05.01རིན་ཆེན་ཀུན་གྱིས་ཉེར་བརྒྱན་པ། །དེ་ཡི་སྟེང་ན་རིན་ཆེན་བཞིའི། །པདྨ་ཡང་དག་གནས་པ་ནི། །ཡིད་དུ་འོང་བ་བསམ་བྱ་སྟེ། །བྱང་ཆུབ་སེམས་དཔའ་གྲགས་ཆེན་པོ། །དེ་ཡི་སྟེང་ན་འདུག་པར་བྲི། །དེ་ཡི་འཁོར་ནི་ཡོན་ཏན་གཙོ། །མཐའ་ཡས་ཤིན་ཏུ་གྲངས་མེད་
D494.086.0167b06.01དེ། །དེ་ཡི་ནང་ན་བྱང་ཆུབ་སེམས། །རིན་ཆེན་འབྱུང་གནས་རིན་ཆེན་ལག །ས་འཛིན་ཉིད་དང་ལག་ན་ནི། །རིན་ཆེན་ཕྱག་རྒྱ་ཅན་དང་ནི། །ལྷག་པའི་བསམ་པ་བརྟན་པ་ཉིད། །གྲགས་ཆེན་འདི་དག་བྲི་བར་བྱ། །དེ་བཞིན་སྔགས་པས་ནུབ་ཕྱོགས་སུ། །དཔའ་
D494.086.0167b07.01