完整藏文原文 · 德格版页 当前仅加载第 86 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འཁོན་དུ་འཛིན་པ་མེད་ཅིང་སྙིང་རྗེར་གྱུར་པའི་ཡིད་ཀྱིས་བྱའོ། །མ་བྱིན་པར་ལེན་པ་ལས་སླར་ལྡོག་པར་བྱ་སྟེ། དེས་གཞན་གྱི་ཡོངས་སུ་གཟུང་བའི་ལོངས་སྤྱོད་ལ་ཆགས་པ་བསྐྱེད་པར་ཡང་མི་བྱ་ན། གཞན་གྱི་ལོངས་སྤྱོད་ལ་མ་བྱིན་པར་ལེན་པ་ལྟ་སྨོས་ཀྱང་ཅི་དགོས།
D494.086.0219a01.01གཞན་དུ་ན་སེམས་ཅན་གང་དག་སེར་སྣ་ཅན་འཇུངས་པ་སྦྱིན་པ་མི་བྱེད་ཅིང་། བསོད་ནམས་མི་བྱེད་པ་དེ་དག་མཐོང་ན། གང་ཟག་དེ་ལྟ་བུ་དག་ལ་སེར་སྣ་སྤང་བའི་ཕྱིར་བྱ་བ་ནི་མ་གཏོགས་ཏེ། བདག་གིས་ཀྱང་དེ་ལ་ཆགས་པའི་སེམས་མེད་པར་དེའི་ཆེད་དུ་སྦྱིན་པ་སྦྱིན་པར་བྱའོ། །དུས་
D494.086.0219a02.01དུས་སུ་སྦྱིན་པའི་བསྔགས་པ་བརྗོད་པར་བྱའོ། །གལ་ཏེ་བྱང་ཆུབ་སེམས་དཔའ་དེ་ལ་ཆགས་པའམ། འདོད་པའི་སེམས་བསྐྱེད་པར་གྱུར་ན། གསང་བ་པའི་བདག་པོ་དེ་ལ་བྱང་ཆུབ་སེམས་དཔའ་བྱང་ཆུབ་ཀྱི་ཡན་ལག་ལས་ཉམས་པ། ཆོས་འདུལ་བ་ལས་བཅོས་སུ་མེད་པའི་ལྟུང་བར་
D494.086.0219a03.01འགྱུར་བར་རིག་པར་བྱའོ། །འདོད་པས་ལོག་པར་གཡེམ་པ་ལས་སླར་ལྡོག་པར་བྱ་སྟེ། དེས་གཞན་གྱིས་ཡོངས་སུ་བཟུང་བའི་ཆུང་མ་དང་རིགས་དང་མཚན་མ་དང་། ཆོས་ཀྱིས་བསྲུངས་པ་རྣམས་ལ་ཆགས་སེམས་ཀྱང་བསྐྱེད་པར་མི་བྱ་ན། ཡན་ལག་མ་ཡིན་པར་སྤྱོད་པའམ།
D494.086.0219a04.01དབང་པོ་གཉིས་སྤྲོད་པ་ལྟ་སྨོས་ཀྱང་ཅི་དགོས། གཞན་དུ་ན་དངོས་པོ་དེ་ལྟ་བུ་དག་ལ་བྱ་བ་ནི་མ་གཏོགས་སོ། །{བརྫུན་,རྫུན་}དུ་སྨྲ་བ་ལས་སླར་ལྡོག་པར་བྱ་སྟེ། དེས་ཆེད་དུ་བསམས་ཏེ་གང་གིས་སངས་རྒྱས་ཀྱི་བྱང་ཆུབ་བསླུས་པར་འགྱུར་བའི་{བརྫུན་,རྫུན་}གྱི་ཚིག་སྲོག་གི་ཕྱིར་ཡང་སྨྲ་བར་མི་བྱའོ། །འདི་
D494.086.0219a05.01ལྟར་སངས་རྒྱས་ཀྱི་བྱང་ཆུབ་ལས་འདའ་བར་འགྱུར་བ་དེ་ནི། གསང་བ་པའི་བདག་པོ་བྱང་ཆུབ་སེམས་དཔའ་ཐེག་པ་ཆེན་པོ་ལ་གནས་པའི་{བརྫུན་,རྫུན་}ཆེན་པོ་ཡིན་ནོ། །གསང་བ་པའི་བདག་པོ་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་བདེན་པའི་ཚིག་ཡོངས་སུ་མི་གཏང་བར་རིག་པར་བྱའོ། །
D494.086.0219a06.01གསང་བ་པའི་བདག་པོ་གཞན་ཡང་ཚིག་རྩུབ་པོ་ལས་སླར་ལྡོག་པར་བྱ་སྟེ། དེས་སེམས་ཅན་རྣམས་ལ་མཉེན་པ་དང་། འཇམ་པ་དང་། ཡིད་ལ་བབ་པ་དེ་ལྟ་བུའི་ཚིག་སྨྲ་བར་བྱའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ་འདི་ལྟ་སྟེ། བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་
D494.086.0219a07.01