完整藏文原文 · 德格版页 当前仅加载第 86 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཟེར་དག་ནི་གཉིས་བྱ་བ། །གསང་སྔགས་མགོན་ལས་བྱུང་ནས་སུ། །དེ་ནི་ཕྱོགས་བཅུ་རྣམས་སུ་སོང་། །གསང་བ་པའི་བདག་པོ་གཞན་ཡང་། །སྤྱན་རས་གཟིགས་དབང་དཀྱིལ་འཁོར་ནི། །ངེས་པས་ནན་ཏན་མཉན་པར་གྱིས། །ཀུན་ཏུ་གྲུ་བཞི་ལྷམ་པ་ལ། །དབུས་
D494.086.0210a01.01སུ་དུང་འདྲ་གཞག་པར་བྱ། །དེ་ཡི་སྟེང་དུ་པདྨ་ནི། །ས་བོན་བཅས་བྱས་རྒྱས་པར་བྲི། །དེའི་སྟེང་དུ་ཡང་རྡོ་རྗེ་ཆེ། །རྡོ་རྗེ་ལས་ཀྱང་པདྨ་ཆེ། །ཐམས་ཅད་ས་བོན་རྣམས་ཀྱིས་མཚན། །རང་གི་ས་བོན་ལེགས་པར་སྦྱར། །སྒྲོལ་མ་དང་ནི་ཁྲོ་གཉེར་ཅན། །དེ་བཞིན་གོས་དཀར་ཅན་
D494.086.0210a02.01དང་ནི། །རིག་སྔགས་ལོངས་སྤྱོད་ཅན་མ་དང་། །མཐུ་ཆེན་ཐོབ་པའང་ནན་ཏན་བྱ། །དཔལ་རྣམས་ཀུན་དང་ཕྱག་བརྙན་མ། །དཀྱིལ་འཁོར་འདི་ཡི་དབུས་སུ་ནི། །ཕྱག་རྒྱའི་མཚན་མ་དབང་ཐོབ་རྣམས། །ཁྱད་པར་དུ་ནི་བྲི་བར་བྱ། །རྟ་མགྲིན་ཅན་གྱི་བྱ་བ་ནི། །གྲུ་གསུམ་ཚུལ་
D494.086.0210a03.01དུ་འདུག་པ་སྟེ། །དཀྱིལ་འཁོར་མཚན་མ་བཟང་པོས་བཏབ། །ཉི་མ་འཆར་བའི་ཁ་དོག་འདྲ། །རིག་སྔགས་རྒྱལ་དང་བཅས་པར་ནི། །མཁས་པས་རྣམ་པར་དགོད་པར་བྱ། །གསང་བ་པའི་བདག་པོ་གཞན་ཡང་ཁྱོད་ཉིད་ཀྱི་དཀྱིལ་འཁོར་མདོར་བཤད་པར་བྱའོ། །ཀུན་ཏུ་གྲུ་
D494.086.0210a04.01བཞི་ལྷམ་པ་ལ། །རྡོ་རྗེའི་མཚན་མ་རྣམས་ཀྱིས་མཚན། །ཐམས་ཅད་སེར་པོ་ཡིད་དུ་འོང་། །དབུས་ན་པདྨ་རབ་ཏུ་གནས། །དེ་ཡི་དབུས་སུ་བྱ་བ་ནི། །བུམ་པ་ཟླ་བའི་འོད་འདྲ་བ། །འདི་ནི་མཚན་མ་རྣམས་ཀྱིས་མཚན། །ཀླད་ཀོར་གྱིས་ཀྱང་རྣམ་པར་བརྒྱན། །དེ་སྟེང་དུ་ཡང་རླུང་
D494.086.0210a05.01ཆེན་ནི། །དབྱར་གྱི་ཆར་སྤྲིན་འདྲ་བའི་མདོག །བ་དན་གཡོ་བ་སྔགས་པས་བྱ། །ཀླད་ཀོར་གྱིས་ཀྱང་རྣམ་པར་བརྒྱན། །དེ་སྟེང་དུ་ཡང་གྲུ་གསུམ་པ། །རབ་ཏུ་འཇིགས་པའི་གཟུགས་ཅན་ཏེ། །འཇིག་པར་བྱེད་པའི་མེ་འདྲ་བ། །སུམ་མདོའི་རིས་མཚན་མཚན་གྱིས་བཏབ། །འབར་
D494.086.0210a06.01ཕྲེང་འཁྲིགས་པ་འཇིགས་འཇིགས་ལྟ། །ཉི་མ་འཆར་བའི་གཟུགས་འདྲ་བའོ། །དེ་ཡི་དབུས་སུ་པདྨ་ཆེ། །དུས་མཐའི་མེ་འོད་འདྲ་བའོ། །པད་ཆེན་སྟེང་དུ་རྡོ་རྗེ་ནི། །འབར་བའི་ཕྲེང་བ་འཕྲོ་བ་ཅན། །ཧཱུྃ་ཞེས་བྱ་བའི་སྒྲ་དང་ལྡན། །དམ་པ་ས་བོན་རྣམས་ཀྱིས་མཚན། །དཔའ་བོ་
D494.086.0210a07.01