完整藏文原文 · 德格版页 当前仅加载第 86 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་སུ་མེད་པའི་ཕྱིར་ཧ་ནི་ཆོས་ཐམས་ཅད་ཀྱི་སྒོའོ། །གསང་བ་པའི་བདག་པོ་ང་དང་ཉ་དང་ཎ་དང་ན་དང་མ་ནི་ཏིང་ངེ་འཛིན་ཐམས་ཅད་ལ་དབང་སྒྱུར་བ་སྟེ། མཐུ་ཐམས་ཅད་དང་ལྡན་པ། རབ་ཏུ་མྱུར་བར་དགོས་པའི་དོན་རབ་ཏུ་སྒྲུབ་པར་བྱེད་པ་ཡིན་ནོ། །གསང་བ་པའི་བདག་
D494.086.0171b01.01པོ་གསང་སྔགས་ཀྱི་ཚུལ་ཏིང་ངེ་འཛིན་གྱི་སྒོ་འདི་ནི་རེ་བ་ཐམས་ཅད་ཡོངས་སུ་རྫོགས་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་རྣམ་པར་སྨིན་པའི་འབྲས་བུ་བསམ་གྱིས་མི་ཁྱབ་པ། རྣམ་པ་ཐམས་ཅད་ཀྱི་མཆོག་དང་ལྡན་པ། གསང་སྔགས་ཀྱི་དེ་ཁོ་ན་ཉིད་ཀྱི་དོན་ངེས་པ།
D494.086.0171b02.01དུས་གསུམ་ལས་ཤིན་ཏུ་འདས་པ། ནམ་མཁའ་ལྟར་དྲི་མ་མེད་པ་སྟེ། བསམ་ཡས་སེམས་ཀྱི་ས་ལ་གནས། །ལས་དང་བྱ་བ་དག་ལས་བྱུང་། །སྤྱད་པའི་ས་ནི་རྗེས་ཐོབ་ནས། །བསམ་ཡས་འབྲས་བུ་སྦྱིན་པར་བྱེད། །འདི་ནི་དེ་ཉིད་དམ་པ་སྟེ། །སངས་རྒྱས་ཀུན་གྱིས་
D494.086.0171b03.01རབ་ཏུ་བསྟན། །གསང་སྔགས་ཆོ་ག་འདི་ཤེས་ནས། །སྔགས་པས་དངོས་གྲུབ་ཐོབ་པར་འགྱུར། །སྒྲ་ཞེས་བྱ་བ་དེ་ཉིད་མཆོག །གསང་སྔགས་རྣམས་ཀྱི་གསང་སྔགས་མཚན། །སྔགས་པས་ཡིད་ལ་སེམས་ན་ནི། །འཆི་འཕོ་མེད་པའི་གནས་འཐོབ་བོ། །དེ་ནས་
D494.086.0171b04.01བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསང་སྔགས་ཀྱི་མཚན་ཉིད་ཀྱི་ཚུལ་བསམ་གྱིས་མི་ཁྱབ་པའི་ཆོས་ཀྱི་རྣམ་གྲངས་བསྟན་པ། བཅོམ་ལྡན་འདས་ངོ་མཚར་ལགས་སོ། །དེ་ནི་ཉན་ཐོས་དང་རང་སངས་
D494.086.0171b05.01རྒྱས་ཐམས་ཅད་དང་ཐུན་མོང་མ་ལགས་ཏེ། བཅོམ་ལྡན་འདས་གང་དག་གསང་སྔགས་ཀྱི་ཚུལ་འདི་ལ་དད་པའི་སེམས་ཅན་དེ་དག་ཀྱང་ཐུན་མོང་མ་ལགས་པའི་ཡོན་ཏན་དང་ལྡན་པར་འགྱུར་རོ། །བཅོམ་ལྡན་འདས་གཞན་ཡང་དཀྱིལ་འཁོར་གྱི་ཡོ་བྱད་ཀྱི་ཆོ་ག་བཤད་དུ་གསོལ།
D494.086.0171b06.01དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །དེ་ནས་སྔགས་པ་དེ་ཡིས་སུ། །མེ་ཏོག་སེར་པོ་དཀར་པོ་དམར། །ཡིད་དུ་འོང་བས་ནན་ཏན་དུ། །ལྷ་རྣམས་ལ་ནི་མཆོད་པ་བྱ། །པདྨའམ་ཡང་ན་ཨུཏྤ་
D494.086.0171b07.01