完整藏文原文 · 德格版页 当前仅加载第 86 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
བོ།།དེ་ནས་མེའི་ཐབ་ཁུང་གི་ཞབས་སུ་ཆུའི་དཀྱིལ་འཁོར་བསམས་ལ། ཆུའི་དབུས་སུ་སྔར་བཞིན་དུ་ཡི་གེ་གཞག་པ་ལས། མེའི་གཟུགས་སུ་གྱུར་པ་དུང་དང་། མེ་ཏོག་ཀུནྡ་དང་། ཟླ་བའི་མདོག་དང་འདྲ་བ། ཐོར་
D494.086.0233a01.01ཚུགས་ཅན། མིག་གསུམ་པ། ལག་པ་བཞི་པ། ལག་ན་བགྲང་ཕྲེང་དང་། རིལ་བ་སྤྱི་བླུགས་དང་། བེ་ཅོན་ཐོགས་པ་དང་། མི་འཇིགས་པ་སྦྱིན་པ་དང་། གོས་དཀར་པོ་བགོས་པ་དང་། སྲད་བུ་དཀར་པོ་སེ་རལ་ཁར་ཐོགས་པ། སྙིང་
D494.086.0233a02.01གི་སུམ་མདོའི་རིས་མཚན་ཅན། ཡི་གེ་རས་མཚན་པ། མེ་ལྕེ་དཀར་པོ་འཕྲོ་བ། ཡེ་ཤེས་ཀྱི་རང་བཞིན་ཅན་དེ་ལྟ་བུའི་མེ་ལྷ་བསམས་ལ། འཕགས་པ་མི་གཡོ་བས་བསྔགས་པའི་ཆུ་སྔར་བཤམས་པས། མེ་ལ་བསྐོར་བའི་ཐབ་ཏུ་བསང་གཏོར་
D494.086.0233a03.01བྱའོ། །རྡོ་རྗེ་དམ་པ་སྦྱིན་གྱིས་ཀྱང་ལན་གསུམ་དུ་བྱའོ། །ན་མཿས་མནྟ་བུད་དྷཱ་ནཱཾ། མྃ་སྭཱ་ཧཱ། རྡོ་རྗེ་དམ་པ་སྦྱིན་གྱིའོ། །དེ་ནས་མེ་ལ་རང་གི་གསང་སྔགས་ཀྱིས་བྱུག་སྤོས་དང་། མེ་ཏོག་ལ་སོགས་པ་དབུལ་ལོ། །དེ་ནས་མངར་གསུམ་ལས་སྲེག་བླུགས་
D494.086.0233a04.01གསུམ་བྱིན། དགང་གཟར་ཆང་པས་གཟུང་ལ། མར་གྱི་དགང་བླུགས་གསུམ་སྦྱིན་ནོ། །དེ་ནས་ཤིང་ཨུ་དུམ་བཱ་རའམ། ཨ་ཤྭཏྠའི་རྩེ་མོའི་ཡམ་སྲེག་ཤིང་གཉིས་མར་ལ་སྨྱུགས་པ་བདུན་བསྲེག་གོ། །དེ་ནས་ཡང་མར་གྱི་དགང་བླུགས་གསུམ་བྱིན་ལ།
D494.086.0233a05.01བསང་གཏོར་སྔ་མ་བཞིན་དུ་བྱའོ། །ན་མཿས་མནྟ་བུད་དྷཱ་ནཱཾ། ཨོཾབ་ར་དཱ་ག་ན་ཡེ་ཤཱནྟིཾ་ཀུ་རུ་སྭཱ་ཧཱ། དེ་བཞིན་དུ་ལྷ་ཐམས་ཅད་ལ་ཡང་སོ་སོར་སྦྱིན་སྲེག་བྱས་ལ། བསང་གཏོར་བྱའོ། །ན་མཿས་མནྟ་བུད་དྷཱ་ནཱཾ། ཧཱུཾ་ཨ་མ་ཧཱ་ཤཱནྟི་ག་ཏ་ཤཱནྟི་ཀ་ར། པྲ་
D494.086.0233a06.01ཤ་མ་དྷརྨྨ་ནིར་ཛཱ་ཏ། ཨ་བྷཱ་བ་སྭ་བྷཱུ་བ་དྷརྨྨ་ས་མནྟ་པྲཱཔྟ། ཨ་མུ་ཀ་སྱ་སྭ་སྟི། ཤཱནྟིཾ་བཾ་ཀུ་རུ་སྭཱ་ཧཱ། ཞི་བའི་གསང་སྔགས་སོ། །དེ་ནས་སངས་རྒྱས་ཐམས་ཅད་བསམས་ལ། ནང་གི་བདག་ཉིད་རྣམ་པར་དག་པས་ཅི་ལྟ་བ་བཞིན་དུ་བྱང་ཆུབ་ཀྱི་སེམས་བསྒོམ་
D494.086.0233a07.01