完整藏文原文 · 德格版页 当前仅加载第 86 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ཏོ། །གསང་བ་པའི་བདག་པོ་དེ་ལྟར་ན་ཏིང་ངེ་འཛིན་སྒྲུབ་པའི་སྒོར་རེ་རེ་ལས་ཀྱང་ཏིང་ངེ་འཛིན་སྒྲུབ་པའི་སྒོ་སུམ་ཅུ་རྩ་གཉིས་སུ་རིག་པར་བྱའོ། །གསང་བ་པའི་བདག་པོ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཡིན་པ་དེ་དག་ཀྱང་། འདི་དག་ཉིད་ལས་བྱུང་བ་
D494.086.0225a01.01ལ་ལྟོས། ང་དང་ཉ་དང་ཎ་དང་ན་རྣམས་ནི་ཏིང་ངེ་འཛིན་ཐམས་ཅད་ལ་དབང་བྱེད་པ་སྟེ། དེ་རྣམས་ལས་ཡང་དག་པར་རྫོགས་པའི་སངས་རྒྱས་ཀྱི་དཔེ་བྱད་བཟང་པོ་རྣམས་ཀྱང་མངོན་པར་བསྒྲུབ་པར་བལྟའོ། །གསང་བ་པའི་བདག་པོ་དེ་ལྟ་བས་ན་བྱང་ཆུབ་སེམས་དཔའ་གསང་སྔགས་ཀྱི་
D494.086.0225a02.01སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས། འདི་ལྟར་སངས་རྒྱས་ཀྱི་དགོངས་པ་མཐར་ཕྱིན་པ། སེམས་བཅུ་རྣམ་པ་བཅུར་བསྒྱུར་བའི་ཚད་ལས་ཡི་གེ་བརྒྱ་འབྱུང་བའི་དམ་ཚིག་བསྟན་པར་ཤེས་པར་བྱའོ། །རྫོགས་སངས་རྒྱས་ཀྱིས་འདི་དག་ཀུན། །ཆུབ་པར་བྱས་ཤིང་རྒྱས་
D494.086.0225a03.01པར་བྱས། །ང་ལའང་ཐམས་ཅད་ཡོད་པས་ན། །ང་ནི་རྒྱལ་མཆོག་ཀུན་སངས་རྒྱས། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། བདག་ཉིད་སྒྲུབ་པའི་རིམ་པར་ཕྱེ་བའོ།། །།གསང་བ་པའི་བདག་པོ་གཞན་
D494.086.0225a04.01ཡང་འདི་དག་ཐམས་ཅད་ནི་ཏིང་ངེ་འཛིན་གྱི་ཚུལ་སྒྲུབ་པའི་ཚིག་རྣམས་ཏེ། སྟོང་པ་ཉིད་འདིས་བྱིན་གྱིས་བརླབས་ན་ཆོས་ཐམས་ཅད་ལ་དབང་མཛད་པ་རྫོགས་པའི་སངས་རྒྱས་ཅི་ལྟ་བ་བཞིན་དུ་འགྱུར་རོ། །དེ་བས་ཡི་གེ་ལྷ་ཡིན་ཏེ། །ཨ་ཞེས་བྱ་བ་གོ་འཕང་མཆོག །ཡི་གེ་རྣམས་
D494.086.0225a05.01ཀྱིས་ཡོངས་བསྐོར་ཅིང་། །ཐམས་ཅད་དུ་ཡང་རྣམ་པར་སྣང་། །ལྷ་དེ་མཚན་ཉིད་མེད་པ་སྟེ། །མཚན་གཞི་མཚན་ཉིད་སྤངས་པ་ཡིན། །མཚན་ཉིད་མེད་པའི་ལྷ་ལས་ནི། །མཚན་ཉིད་འདི་དག་བྱུང་བར་གྱུར། །སྒྲ་ལས་སུ་ནི་ཡི་གེ་བྱུང་། །ཡི་གེ་ལས་ནི་གསང་སྔགས་
D494.086.0225a06.01བྱུང་། །སྔགས་ལས་འབྲས་བུ་འབྱུང་བར་ཡང་། །སྐྱོབ་པ་རྣམས་ནི་ཀུན་གྱིས་གསུངས། །སྒྲ་ནི་སྟོང་པར་ཤེས་བྱ་སྟེ། །འགྲོ་བ་རྣམ་པ་ཐམས་ཅད་དུ། །མི་རྟོག་བཞིན་དུ་ཅི་ལྟ་བར། །དེས་ནི་འདི་ཀུན་སྟོང་པ་ཡིན། །སྟོང་མིན་སྒྲ་ཡང་ཡོད་པ་ཡིན། །སྦྱོར་བ་དག་ཀྱང་ཀུན་
D494.086.0225a07.01