完整藏文原文 · 德格版页 当前仅加载第 86 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནམ་མཁའི་སྤྱན་གྱི་ཕྱག་རྒྱ་ཅན་གཙུག་ཏོར་འདྲ་བ་པདྨའི་སྟེང་དུ་འདུག་པར་བྲིའོ། །བཅོམ་ལྡན་འདས་མའི་འོག་ལོགས་སུ་རྡོ་རྗེ་དམ་པ་སྦྱིན་གྱི་ཕྱག་རྒྱ་ཨུཏྤ་ལའི་སྟེང་དུ་རྡོ་རྗེ་གཞག་པ་བྲིའོ། །འཕགས་
D494.086.0248a01.01པ་ཀུན་དུ་བཟང་པོའི་བྱང་ཕྱོགས་སུ་བྱམས་པའི་ཕྱག་རྒྱ་རིལ་བ་སྤྱི་བླུགས་བྲིའོ། །བཅོམ་ལྡན་འདས་ཀྱི་ནུབ་ཕྱོགས་སུ་སྤྱན་རས་གཟིགས་དབང་ཕྱུག་གི་ཕྱག་རྒྱ་པདྨ་བྲིའོ། །བཅོམ་ལྡན་འདས་ཀྱི་བྱང་ཕྱོགས་སུ་མཐའ་ཡས་པ་འཕྲོ་བ་རྒྱ་ཆེན་པོ་མི་གཡོ་བ་རྒྱལ་པོའི་ཕྱག་རྒྱ་བྲིའོ། །
D494.086.0248a02.01བྱང་ཆུབ་སེམས་དཔའ་རྣམས་ཀྱི་ལྷོ་ཕྱོགས་སུ་རྡོ་རྗེ་འཛིན་ཐམས་ཅད་ཀྱི་ཕྱག་རྒྱ་བྲིའོ། །དེ་ནས་ཕྱི་རོལ་གྱི་དཀྱིལ་འཁོར་ཆ་གསུམ་དུ་བྱས་པ་ལ་འཁོར་སའི་སྣམ་བུ་བོར་ཏེ། ཤར་ཕྱོགས་སུ་ཕོ་ཉའི་ཚོགས་ཐམས་ཅད་ཀྱི་ཕྱག་རྒྱ་བྲིའོ། །དེ་དག་གི་ཤར་ལྷོའི་མཚམས་སུ་ཕོ་ཉ་མོ་
D494.086.0248a03.01ཐམས་ཅད་ཀྱི་ཕྱག་རྒྱ་བྲི་སྟེ། ཕོ་ཉ་མོ་རྣམས་ཀྱི་ཕྱག་རྒྱ་ནི་ལྕགས་ཀྱུའོ། །ཚོགས་རྣམས་ཀྱི་ཕྱག་རྒྱ་ནི་ཞགས་པའོ། །ལྷོ་དང་བྱང་གི་ངོས་སུ་བྲན་ཕོ་བྲན་མོ་རྣམས་ཀྱི་ཕྱག་རྒྱ་བྲི་སྟེ་དེ་ལ་བྲན་ཕོ་རྣམས་ཀྱི་ཕྱག་རྒྱ་ནི་རལ་གྲིའོ། །བྲན་མོ་རྣམས་ཀྱི་ཕྱག་རྒྱ་ནི་ཁད་ག་རི་དང་རྡོ་རྗེའི་
D494.086.0248a04.01ཁབ་བྲིའོ། །དེ་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་གོ། །བཀླགས་ནས་ལངས་ལ་དཀྱིལ་འཁོར་བསྐོར་བ་བྱས་ཏེ་སངས་རྒྱས་བཅོམ་ལྡན་འདས་རྣམས་ལ་ཕྱག་ཀྱང་བྱས་ལ་སློབ་མ་བྱང་ཆུབ་ཏུ་སེམས་བསྐྱེད་པ་དད་པ་ཅན་གཙང་སྦྲ་ཆེ་བ་ཡི་
D494.086.0248a05.01དམ་ལ་བརྟན་པ་སྡོམ་པ་བཟུང་བ་འགྲོ་བ་ཐམས་ཅད་ཡོངས་སུ་བསྐྱབ་པའི་བསམ་པ་ཅན་སྙིང་རྗེ་ཆེ་བ་གདོང་རས་ཀྱིས་གཡོགས་པ་ལག་པ་མི་སྟོང་པ་དེ་ལ་སེམས་རྩེ་གཅིག་ཏུ་དམིགས་པ་རྣམས་དཀྱིལ་འཁོར་བསྐོར་བ་བྱས་ཏེ་དཀྱིལ་འཁོར་གཉིས་པའི་སྒོ་ཁར་འགྲེང་ལ་གང་བའི་ཕྱག་
D494.086.0248a06.01རྒྱའམ་ཆོས་འབྱུང་བའི་ཕྱག་རྒྱའམ་དམ་ཚིག་གི་ཕྱག་རྒྱ་བཅིངས་ཏེ་དམ་ཚིག་བརྗོད་ལ་དཀྱིལ་འཁོར་དུ་གཟུད་དོ། །དེ་ནས་མེ་ཏོག་འདོར་དུ་གཞུག་གོ། །མེ་ཏོག་གར་བབ་པ་དེར་དེའི་ལྷ་ཡིན་ནོ། །དེ་ལྟར་དམ་ཚིག་བརྟན་པ་ཅན་གྱིས་སློབ་དཔོན་ལ་སྟོན་པའི་འདུ་ཤེས་བསྐྱེད་
D494.086.0248a07.01