完整藏文原文 · 德格版页 当前仅加载第 86 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
མོ། བཞིན་ཁྲོ་གཉེར་བསྙེར་བ། སྨད་གཡོགས་ནག་པོ་གྱོན་པ་ཐོར་ཚུགས་དང་ཅོད་པན་ཅན་ཐམས་ཅད་དང་ལྡན་པའི་འཇིག་རྟེན་གྱི་ཁམས་རང་གི་འབར་བས་མངོན་པར་སྣང་བར་བྱེད་པ། ལག་ན་དབྱུག་པ་ཐོགས་པ། བགེགས་ཆེན་པོ་མེད་པར་བྱེད་པའི་ཕྱག་རྒྱའམ།
D494.086.0194a01.01ཡི་གེར་བྲིའོ། །དེ་ལ་ཡི་གེའི་འབྲུ་ནི་འདིའོ། །ཀྵ། དེ་དག་ཐམས་ཅད་ཀྱང་འཁོར་དང་བཅས་པ། ཕྱག་བརྙན་དང་བཅས་པར་པདྨ་དཀར་པོ་ལ་འདུག་པར་བྲིའོ། །དེ་ལྟར་བློ་ཅན་གྱིས་བཀོད་ནས། །སྔགས་པ་སྔགས་ལ་གཞོལ་བ་ཡིས། །ཆོ་ག་བཞིན་དུ་ཕྱིར་བྱུང་ནས། །གཉིས་
D494.086.0194a02.01པའི་ཆ་ནི་ངེས་པ་ལ། །ཤཱཀྱའི་རིགས་ནི་དགའ་བྱེད་པ། །ཐུབ་པའི་རྒྱལ་པོ་བྲི་བར་བྱ། །མགོན་པོ་ན་བཟའ་ངུར་སྨྲིག་མནབས། །མཚན་མཆོག་སུམ་ཅུ་རྩ་གཉིས་ལྡན། །བསྟན་པ་ཡི་ནི་དོན་མཛད་ལྷ། །སེམས་ཅན་ཀུན་ལ་མི་འཇིགས་སྦྱིན། །སྔགས་པས་ཕྱག་རྒྱ་དགོད་པ་
D494.086.0194a03.01ནི། །ལྷུང་བཟེད་ཆོས་གོས་ལ་སོགས་པའམ། །ཡང་ན་མཁས་པས་ཡི་གེར་བཞག། །དེ་ཡི་ཆོ་ག་དམ་པ་འདིའོ། །བྷ། དེ་ནས་ཕྱི་རོལ་གྱི་དཀྱིལ་འཁོར་དུ་བདག་ཉིད་ཆོས་ཀྱི་དབྱིངས་ཀྱི་ངོ་བོ་ཉིད་དུ་བྱིན་གྱིས་བརླབས་ལ། བྱང་ཆུབ་ཀྱི་སེམས་སུ་གྱུར་པའི་ཡིད་ཀྱིས་ཆ་གསུམ་བོར་
D494.086.0194a04.01ཏེ། བཅོམ་ལྡན་འདས་རྣམ་པར་སྣང་མཛད་ལན་གསུམ་རྗེས་སུ་དྲན་པར་བྱས་ནས་ཚོན་དེ་ཉིད་བླངས་ཏེ། ཤར་ཕྱོགས་ཀྱི་ཆ་གསུམ་པར་རྡོ་རྗེ་དམ་པ་སྦྱིན་པ་གཞོན་ནུའི་གཟུགས་ཅན་ལག་པ་གཡོན་པ་ན་ཨུཏྤལ་མཐིང་གའི་སྟེང་ན་རྡོ་རྗེ་ཅན་ཐོགས་པ། རྒྱན་ཐམས་ཅད་ཀྱིས་བརྒྱན་པ།
D494.086.0194a05.01དར་རམ་རས་ཀྱི་སྨད་གཡོགས་གྱོན་པ། དར་ལའི་སྟོད་གཡོགས་ཅན། ཁ་དོག་གུར་གུམ་ལྟ་བུ། སྤྱི་བོར་ཟུར་ཕུད་ལྔ་པ་དེའི་ཕྱག་རྒྱ་འམ་ཡི་གེར་བྲིའོ། །དེའི་སྔགས་ནི་འདིའོ། །ན་མཿས་མནྟ་བུད་དྷཱ་ནཱཾ། མྃ། དེའི་གཡས་ཕྱོགས་སུ་དྲ་བ་ཅན་གྱི་འོད་གཞོན་ནུའི་གཟུགས་ཅན་རྣམ་པ་
D494.086.0194a06.01ཐམས་ཅད་ཀྱི་མཆོག་དང་ལྡན་པ། ལག་ན་རིན་པོ་ཆེའི་དྲ་བའམ། ལྕགས་ཀྱུ་ཐོགས་པ་ཕྱག་རྒྱའམ་ཡི་གེའི་འབྲུར་བྲིའོ། །དེ་ལ་ཡི་གེའི་འབྲུ་ནི་འདིའོ། །ཚ། དེ་ནས་ལྷོ་ཕྱོགས་སུ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ཞེས་བྱ་བ་གསེར་གྱི་ཁ་དོག་འདྲ་བ། ཐོར་
D494.086.0194a07.01