完整藏文原文 · 德格版页 当前仅加载第 86 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
སྡོམ་བརྩོན་བདག་ཉིད་ས་སྟེང་དུ། །ཀུ་ཤ་བཏིང་བའི་སྟན་ལ་འདུག །ཡང་ན་ཚོན་རྩི་དམར་པོ་མཆོག །རབ་ཏུ་བཟང་པོ་བླངས་ནས་སུ། །དེ་ཡིས་མེ་ཡི་གནས་རྣམས་ཀུན། །སྔགས་པས་མདོ་རུ་བྲི་བར་བྱ། །ཀུ་ཤ་དག་གིས་གཡས་ཕྱོགས་
D494.086.0173a01.01ནས། །ཐམས་ཅད་ཁོར་ཡུག་དགྲམ་པ་ནི། །མང་པོས་བསྐོར་བའི་ཚུལ་དུ་དགྲམ། །སྤོས་ཀྱི་ཆུ་ཡིས་བསང་གཏོར་བྱ། །དེ་ནས་སེམས་ཅན་ཕན་བྱེད་པའི། །མེ་ནི་ཐབ་ཁུང་ནང་བསམས་ཏེ། །བརྟུལ་ཞུགས་བཟང་པོས་དགང་བླུགས་མཆོག །གསང་
D494.086.0173a02.01སྔགས་འདི་ཡིས་སྦྱིན་པར་བྱ། །ན་མཿས་མནྟ་བུད་དྷཱ་ནཱཾ། ཨགྣ་ཡེ་སྭཱ་ཧཱ། དེ་ནས་སློབ་མ་རེ་རེ་ནས། །མཁས་པས་ལག་པ་གཡོན་པ་ཡིས། །གཡས་པའི་མཐེ་བོང་བཟུང་ནས་སུ། །མཉམ་པར་བཞག་པས་སྦྱིན་སྲེག་བྱ། །ཡིད་ནི་མཉམ་པར་བཞག་ནས་སུ། །སྲེག་བླུགས་
D494.086.0173a03.01རེ་རེ་ལས་ཀྱང་ནི། །གསང་སྔགས་ཆོ་ག་བཞིན་ཟློས་ཤིང་། །ཉི་ཤུ་རྩ་གཅིག་སྦྱིན་སྲེག་བྱ། །ན་མཿས་མནྟ་བུད་དྷཱ་ནཱཾ། ཨོཾ་མ་ཧཱ་ཤཱནྟ་ག་ཏ་ཤཱནྟི་ཀ་ར་པྲ་ཤ་མ་དྷརྨྨ་ནི་ར་ཛཱ་ཏ། ཨ་བྷཱ་བ་སྭ་བྷཱ་བ་དྷརྨྨ་ས་མ་ཏཱ་པྲཱཔྟེ་སྭཱ་ཧཱ། སྦྱིན་སྲེག་རྗེས་ལ་སྔགས་པ་ཡིས། །སློབ་མ་རྣམས་ལ་ཡོན་བསླང་བ། །
D494.086.0173a04.01གསེར་དང་དངུལ་དང་རིན་ཆེན་དང་། །རྟ་དང་དེ་བཞིན་གླང་པོ་དང་། །རྔ་མོ་བ་ལང་མ་ཧེ་གོས། །གཞན་ཡང་དངོས་པོ་ཅི་ཡང་རུང་། །དེ་ཚེ་སློབ་མས་གུས་པར་ནི། །དད་པ་རབ་ཏུ་ལྡན་པ་ཡིས། །སེམས་ལ་དགའ་བ་བསྐྱེད་ནས་སུ། །བླ་མ་ལ་ནི་ཡོན་དབུལ་ལོ། །ཡང་ན་ཅི་ནས་བླ་
D494.086.0173a05.01མ་དེ། །རབ་ཏུ་མགུ་བར་འགྱུར་བར་བྱ། །དེ་ལྟར་བྱས་ནས་བདག་བསྲུང་སྟེ། །སློབ་མ་དེ་བོས་བསྒོ་བ་ནི། །འདི་ནི་བསོད་ནམས་ཞིང་ཡིན་ཞེས། །སེམས་ཅན་ཀུན་གྱི་དོན་གྱི་ཕྱིར། །སྐྱོབ་པ་རྣམས་ནི་ཀུན་གྱིས་གསུངས། །རྣམ་དག་ཡོན་ཏན་རྒྱས་པ་ཡི། །དགེ་འདུན་ལ་ནི་
D494.086.0173a06.01ཀུན་གྱིས་བྱིན། །དགེ་འདུན་ལ་ཕུལ་འབྲས་བུ་ཆེ། །སྐྱེས་བུ་མཁས་པ་གང་དག་གིས། །དགེ་འདུན་ལ་ནི་ཡོན་ཕུལ་ན། །ལོངས་སྤྱོད་ཆེན་པོ་མི་ཟད་པ། །འཇིག་རྟེན་འཐད་པ་སྐྱེ་བར་འགྱུར། །དེ་བས་ཐམས་ཅད་མཐུན་པར་ནི། །སེམས་ལ་དགའ་བ་བསྐྱེད་ནས་སུ། །སངས་རྒྱས་བསྔགས་པའི་
D494.086.0173a07.01