完整藏文原文 · 德格版页 当前仅加载第 86 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ལ་བདག་འདི་སྙམ་དུ་དེང་བཅོམ་ལྡན་འདས་བདག་ཅག་ལ་སོ་སོ་ཡང་དག་པར་རིག་པ་ཆེན་པོ་ལ་འཇུག་པའི་ཚུལ་སྒྲུབ་པ་རྣམ་པར་དག་པའི་གཞི་ཆོས་ཀྱི་རྣམ་གྲངས་དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བཤད་པ་བཞེད་པ་ནི་
D494.086.0249b01.01བདག་ཅག་གིས་རྙེད་པ་ལེགས་པར་རྙེད་དོ་སྙམ་བགྱིད་དོ། །བཅོམ་ལྡན་འདས་དེ་ལྟ་བས་ན་ལེགས་ལགས་ཀྱིས། བདག་ཅག་ལ་ཐུགས་བརྩེ་བའི་སླད་དུ་སོ་སོ་ཡང་དག་པར་རིག་པ་ཆེན་པོ་ལ་འཇུག་པའི་ཚུལ་སྒྲུབ་པ་རྣམ་པར་དག་པའི་གཞི་དེ་བཞིན་གཤེགས་པ་ཐམས་ཅད་མངོན་
D494.086.0249b02.01པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་ཆོས་ཀྱི་རྣམ་གྲངས་བཤད་དུ་གསོལ། དེ་ནི་དུས་སླད་མའི་འགྲོ་བ་རྣམས་ལ་ཡང་སྣང་བར་བགྱིད་པར་འགྱུར་བ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་
D494.086.0249b03.01འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་ལེགས་སོ་ལེགས་སོ། །གང་ཁྱོད་དོན་འདི་འདྲི་བ་ནི་ཡང་ལེགས་སོ། །གསང་བ་པའི་བདག་པོ། །དེའི་ཕྱིར་ལེགས་པར་ཉོན་ལ་རབ་ཏུ་ཡིད་ལ་ཟུང་ཤིག་དང་ངས་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་སོ་སོ་
D494.086.0249b04.01ཡང་དག་པར་རིག་པ་ལ་འཇུག་པ་སྒྲུབ་པའི་ཚུལ་རྣམ་པར་དག་པར་མཉམ་པ་ཉིད་ལ་འཇུག་པ་རྣམ་པར་དག་པའི་གཞི་ཆོས་ཀྱི་རྣམ་གྲངས་དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བཤད་པར་བྱའོ། །བཅོམ་ལྡན་འདས་དེ་ལྟར་འཚལ་
D494.086.0249b05.01ལོ་ཞེས་གསོལ་ནས། གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་པ་དང་བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་སྟོང་པ་ཉིད་ཀྱི་གཞི་ནི་མངོན་པར་རྫོགས་པར་བྱང་ཆུབ་པའི་གཞིའོ། །ནམ་མཁའ་དང་
D494.086.0249b06.01མཉམ་པའི་གཞི་ནི་མངོན་པར་རྫོགས་པར་བྱང་ཆུབ་པའི་གཞིའོ། །མཚན་ཉིད་མེད་པའི་གཞི་ནི་མངོན་པར་རྫོགས་པར་བྱང་ཆུབ་པའི་གཞིའོ། །དེ་བཞིན་གཤེགས་པའི་གཞི་ནི་མངོན་པར་རྫོགས་པར་བྱང་ཆུབ་པའི་གཞིའོ། །དེ་ལྟར་མངོན་པར་རྫོགས་པར་བྱང་ཆུབ་
D494.086.0249b07.01