完整藏文原文 · 德格版页 当前仅加载第 86 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
རྫས་ལ་སྭཱ་ཧཱ་ཞེས་བྱ་ཞིང་སྲེག་བླུགས་དབུལ་ལོ། །དེ་ཅི་ལྟ་བ་བཞིན་དུ་སྦྱིན་སྲེག་བྱས་ནས་བྱང་ཆུབ་ཀྱི་སེམས་ལ་སོགས་པའི་རིམ་པ་དེ་ཉིད་སྔ་མ་བཞིན་དུ་བྱའོ། །འདིར་ཡང་སྒྲུབ་པ་པོས་ཆོ་ག་སྤྱད་པ་ནི། གོས་ནི་སེར་པོ་བགོ་བར་བྱ། །བསང་བྱེད་
D494.086.0236a01.01སེར་པོ་གཙང་མ་ཐོགས། །སེམས་ནི་བརྟན་ཞིང་མཐུ་ཡང་ཆེ། །ཤིན་ཏུ་མི་སྨྲ་སེར་སྣ་མེད། །བྱང་ཆུབ་སེམས་ལ་རྟག་ཏུ་དགའ། །དུས་གསུམ་ཆོ་ག་ཐོག་མར་བྱེད། །ནས་ཆན་བཙོས་པའམ་འོ་མ་འཐུང་། །རྒྱས་པའི་ལས་ནི་བརྩམ་པར་བྱ། །གང་ཞིག་འདི་ཡིས་རྒྱས་པ་
D494.086.0236a02.01ཡི། །ལས་ནི་ལེགས་པར་རྩོམ་བྱེད་པ། །དེ་ཡི་ཡིད་ལ་གང་བསམས་པའི། །རྒྱས་པ་མྱུར་དུ་འགྲུབ་པར་འགྱུར། །རལ་གྲི་འཁོར་ལོ་རྡོ་རྗེ་དང་། །ལྡོང་རོས་མིག་བསྐུ་གི་ཝང་དང་། །ཡིད་བཞིན་ནོར་བུ་བུམ་པ་གོས། །ནོར་གྱི་ཆར་འབབ་མཆིལ་ལྷམ་དང་། །གདུགས་དང་
D494.086.0236a03.01ཤིང་རྟ་བཞོན་པ་དང་། །དེ་བཞིན་ཁང་པ་བརྩེགས་པ་དང་། །པདྨ་བུམ་པ་མདུང་རྩེ་གསུམ། །བགྲང་ཕྲེང་བེ་ཅོན་གུན་དྷེ་དང་། །པི་བང་མདུང་ཐུང་མདའ་ཡང་རུང་། །ལྷུང་བཟེད་དང་ནི་འཁར་གསིལ་ལམ། །ཡང་ན་རྫས་ནི་གང་འདོད་པ། །དཀྱིལ་འཁོར་འདིར་ནི་བསྒྲུབ་
D494.086.0236a04.01པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། རྒྱས་པའི་སྦྱིན་སྲེག་གི་ལས་ཀྱི་ཆོ་ག་རིམ་པར་ཕྱེ་བའོ།། །།དེ་ནས་གཞན་ཡང་སྦྱིན་སྲེག་འདི། །དབང་གི་ལས་ནི་རབ་སྒྲུབ་པ། །འཇིག་རྟེན་སྒྲོན་
D494.086.0236a05.01མ་མཛད་པ་ཡིས། །བརྩེ་བར་གྱུར་པའི་ཐུགས་ཀྱིས་གསུངས། །དེ་ནི་མ་ལུས་བཤད་པར་བྱས། །འབྱོར་པ་འདོད་པས་ང་ལ་ཉོན། །ཐོག་མར་ས་གཞི་བརྟག་པ་ནི། །གྲོང་ངམ་ཡང་ན་ལྗོངས་དག་གི། མེ་ཡི་ཕྱོགས་སུ་གནས་བཅས་ཏེ། །སྐྱེ་བོ་མེད་པའི་ཁང་སྟོང་ངམ། །
D494.086.0236a06.01ཤིང་གཅིག་དྲུང་ངམ་དུར་ཁྲོད་དམ། །ཡང་ན་བདེ་བྱེད་གནས་སུའམ། །མ་མོའི་གནས་སམ་ཕུག་ཀྱང་རུང་། །སྔགས་པས་དཀྱིལ་འཁོར་བྲི་བ་ནི། །མར་གྱི་ངོ་ཡི་ཚེས་དགུ་ལ། །དབང་གི་ལས་ནི་བརྩམ་པར་བྱ། །གཟའ་ནི་ཉི་མའམ་མིག་དམར་ལ། །རྒྱུ་སྐར་
D494.086.0236a07.01