完整藏文原文 · 德格版页 当前仅加载第 86 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་དེ་ཉིད་ལས་མཐེ་བོ་ནང་དུ་གཞུག་གོ། །འོད་ཀྱི་ཕྲེང་བ་ཅན་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་དང་མཐེའུ་ཆུང་གཉིས་མེ་ཏོག་འཛིན་པ་ལྟ་བུར་བྱའོ། །ཡིད་མགྱོགས་ཀྱི་ཕྱག་རྒྱའོ། །ལག་པ་གཡས་པའི་སྲིན་ལག་གི་སྟེང་དུ་མཐེ་བོ་གཞག་ལ། མཛུབ་མོ་
D494.086.0202a01.01དང་གུང་མོ་དང་མཐེའུ་ཆུང་གསུམ་བརྐྱང་སྟེ་རྣ་བའི་སྟེང་དུ་གཞག་གོ། །ལག་པ་གཡོན་པ་ཡང་དེ་བཞིན་དུ་བྱ། སྒྲ་རྣམ་པར་སྒྲོགས་པའི་ཕྱག་རྒྱའོ། །ལག་པ་གཉིས་གཅིག་ཏུ་སྦྱར་ལ། མཐེ་བོ་གཉིས་རྩེ་སྤྲད་དེ་ཟླུམ་པོ་བྱ། སོར་མོ་ལྷག་མ་རྣམས་ཀྱི་རྩེ་མོ་དགུག་པ་ནི་བུམ་པའི་
D494.086.0202a02.01ཕྱག་རྒྱའོ། །དེ་བཞིན་དུ་ལག་པ་གཡས་པ་མི་འཇིགས་པ་སྦྱིན་པའི་ཚུལ་དུ་བྱས་ལ་མཐེ་བོ་ནང་དུ་གཞག་པ་ནི་མི་གཉེར་བའི་ཕྱག་རྒྱའོ། །ལག་པ་དེ་ཉིད་མི་འཇིགས་པ་སྦྱིན་པ་ལྟ་བུར་བྱས་ལ་མཐེའུ་ཆུང་གི་ཚིགས་གཉིས་པར་གཞག་གོ། །དྲང་སྲོང་རྣམས་ཀྱི་སྤྱིའི་ཕྱག་རྒྱ་སྟེ། {གོ་རིམས་,གོ་རིམ་}
D494.086.0202a03.01ནི་ཅི་ལྟར་རིགས་པར་བྱའོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་མཛུབ་མོ་དང་མཐེའུ་ཆུང་གཉིས་ནང་དུ་བཅུག་སྟེ། ལྷག་མ་རྣམས་གཅིག་ཏུ་བསྡུས་ལ་བསྟོད་དེ་གཟུང་བ་ནི་གཤིན་རྗེའི་བེ་ཅོན་གྱི་ཕྱག་རྒྱའོ། །ལག་པ་གཡས་པ་ཁ་བུབ་སྟེ། དྲིལ་བུ་འདྲ་བར་བྱས་པ་ནི་
D494.086.0202a04.01འཆི་བདག་གི་ཕྱག་རྒྱ་སྟེ་དྲིལ་བུའོ། །དེ་བཞིན་དུ་ལག་པ་གཡོན་ཁུ་ཚུར་བཅངས་ལ། མཛུབ་མོ་དང་གུང་མོ་གཉིས་བསྒྲེང་བ་ནི་དུས་མཚན་མོའི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་གྱེན་དུ་བསྒྲེང་བ་ནི་དྲག་མོའི་ཕྱག་རྒྱ་སྟེ་ཏྲི་ཤཱུ་ལའོ། །ཕྱག་རྒྱ་དེ་ཉིད་ལས་པདྨ་འཛིན་པའི་ཚུལ་
D494.086.0202a05.01དུ་བྱས་པ་ནི་ཚངས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གུང་མོའི་རྒྱབ་ཀྱི་ཚིགས་གསུམ་པོར་སྤྲད་པ་ནི་གཞོན་ནུ་མའི་མདུང་ཐུང་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་མཐེ་བོའི་རྩེ་མོར་གཞག་གོ། །ཁྱབ་འཇུག་མའི་འཁོར་ལོའི་ཕྱག་རྒྱའོ། །ཕྱག་རྒྱ་དེ་ཉིད་
D494.086.0202a06.01ལས་མཐེ་བོ་གྱེན་དུ་བསྒྲེང་ངོ་། །ཕག་མོའི་ཕྱག་རྒྱ་སྟེ་ཐོ་བའོ། །ཕྱག་རྒྱ་དེ་ཉིད་ལས་ལག་པ་སྣོད་ལྟ་བུར་བྱའོ། །ཙ་མུཎྜིའི་ཕྱག་རྒྱ་སྟེ་ཐོད་པའོ། །བདེན་བྲལ་གྱི་ཕྱག་རྒྱ་རལ་གྲི་ནི་སྔ་མ་བཞིན་ནོ། །ཁྱབ་འཇུག་གི་ཕྱག་རྒྱ་འཁོར་ལོ་ཡང་སྔ་མ་བཞིན་ནོ། །དེ་བཞིན་དུ་ལག་པ་
D494.086.0202a07.01