完整藏文原文 · 德格版页 当前仅加载第 86 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ། །པདྨ་དཀར་པོའི་སྟན་ལ་བཞུགས། །ཆོས་འཆད་ཚུལ་དུ་བཞུགས་པར་བྲི། །དེ་ཡི་གཡས་སུ་ལྷ་མོ་ནི། །སངས་རྒྱས་སྤྱན་ཞེས་བྱ་བ་སྟེ། །ལྷ་མོ་ཅུང་ཟད་འཛུམ་པའི་ཞལ། །འོད་ཀྱི་དཀྱིལ་འཁོར་འདོམ་གང་བ། །མཚུངས་མེད་སྐུ་ནི་རབ་ཏུ་དང་། །དེ་ནི་
D494.086.0166b01.01ཤཱཀྱ་ཐུབ་པའི་ཡུམ། །དེ་ཡི་གཡས་སུ་ལྷ་མོ་ནི། །རིག་སྔགས་མཛོད་སྤུ་ཞེས་གྲགས་པ། །པདྨའི་སྟེང་ན་འདུག་པ་སྟེ། །དུང་ཟླ་ཀུནྡ་ལྟ་བུའི་མདོག །ལག་ན་ཡིད་བཞིན་ནོར་བུ་ཐོགས། །རེ་བ་ཀུན་རྫོགས་བྱེད་པ་བྲི། །དེ་ནས་སྔགས་པས་གཡོན་རོལ་དུ། །ཤཱཀྱ་སེང་
D494.086.0166b02.01གེ་སྐྱོབ་པ་ཡི། །གཙུག་ཏོར་གཟི་ཅན་བརྩོན་འགྲུས་ཆེ། །གདུགས་དཀར་པོ་དང་རྒྱལ་བའི་གཙུག །གཙུག་ཏོར་རྣམ་པར་རྒྱལ་ཉིད་དང་། །གཟི་བརྗིད་ཕུང་པོ་སྐལ་ཆེན་དང་། །རྣམ་པར་འཐོར་ཞེས་རྣམ་གྲགས་པ། །ལྔ་པོ་ཡང་དག་བྲི་བར་བྱ། །ཤཱཀྱ་ཏོག་ནི་མཐུ་ཆེན་
D494.086.0166b03.01གྱི། །གཙུག་ཏོར་ལྔ་པོ་འདི་དག་ནི། །གནས་ནི་ལྔ་རྣམས་ཉིད་དུ་ནི། །རབ་ཏུ་བསྒྲིམས་ཏེ་བྲི་བར་བྱ། །དེ་ཡི་བྱང་དུ་སོང་ནས་སུ། །གནས་གཙང་རྣམས་ནི་བྲི་བར་བྱ། །དབང་ཕྱུག་ཀུན་ཏུ་མེ་ཏོག་དང་། །འོད་ཀྱི་ཕྲེང་བ་ཉིད་དང་ནི། །ཡིད་མགྱོགས་དང་ནི་རྣམ་གྲགས་
D494.086.0166b04.01ཏེ། །དེ་དག་ཐམས་ཅད་ལེགས་པར་བྲི། །མཛོད་སྤུ་ཡི་ནི་གཡས་ལོགས་སུ། །གཙུག་ཏོར་ཆེན་པོ་ཆེར་འབྱུང་དང་། །དེ་བཞིན་གྱེན་དུ་འབྱུང་ཉིད་དང་། །སྒྲ་དབྱངས་མཐའ་ཡས་པ་ཡང་སྟེ། །གཙུག་ཏོར་གསུམ་པོ་ཁོ་ན་ནི། །བསྒྲིམས་ཏེ་ཡང་དག་བྲི་བར་བྱ། །གཙུག་
D494.086.0166b05.01ཏོར་ལྔ་པོ་སྟོབས་ཆེན་རྣམས། །དཀར་པོ་སེར་སྐྱ་སེར་པོར་བྱ། །གསུམ་པོ་གཞན་ནི་དཀར་པོ་དང་། །སེར་པོ་དང་ནི་དམར་པོར་བྱ། །ཀུན་ཀྱང་འོད་ཟེར་མང་པོ་ཅན། །རྒྱན་རྣམས་ཀུན་གྱིས་བརྒྱན་པ་ཡི། །དེ་དག་སྨོན་ལམ་སྟོབས་ཆེན་དེ། །རེ་བ་ཐམས་ཅད་རྫོགས་
D494.086.0166b06.01བྱེད་པའོ། །དེ་ནས་སྔགས་པས་མེ་ཕྱོགས་སུ། །མེ་ནི་དྲང་སྲོང་ཆེ་རྣམས་དང་། །བཅས་ཤིང་མེ་ཡི་ནང་ན་འདུག །ཐལ་བའི་སོར་རིས་གསུམ་གྱིས་མཚན། །དཔའ་བོ་ཐམས་ཅད་རབ་ཏུ་དམར། །སྙིང་ག་སུམ་མདོ་རིས་མཚན་ཅིང་། །མེ་ལྕེ་འབར་བའི་དབུས་ན་འདུག།
D494.086.0166b07.01