完整藏文原文 · 德格版页 当前仅加载第 86 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །ནཱ་ག་གེ་སར་པུ་ན་ག །ཙམ་པ་ཨ་ཤོ་ཏི་ལ་ཀ། པ་ཏ་ལ་དང་ས་ལའང་རུང་། །དེ་ལ་སོགས་པའི་མེ་ཏོག་རྣམས། །ཡིད་དུ་འོང་ཞིང་བལྟ་ན་སྡུག །བཀྲ་ཤིས་པ་ལ་སྔགས་པ་ཡིས། །མཁས་པས་ནན་ཏན་མཆོད་པར་བྱ། །ཙནྡན་ཏ་གར་སྤྲྀ་ཀ་དང་། །
D494.086.0172a01.01གུར་ཀུམ་དང་ནི་རུ་རྟའང་རུང་། །སྤོས་མཆོག་རབ་ཏུ་བཟང་པོ་ནི། །སྣ་ཚོགས་ཡིད་དུ་འོང་བ་དབུལ། །ཨ་ག་རུའམ་སྒྲོན་ཤིང་ངམ། །ག་པུར་དང་ནི་ཙནྡན་དང་། །སཱ་ལའི་ཐང་ཆུ་བཀྲ་ཤིས་པའམ། །ཤི་རི་བ་ས་ཀ་ཡང་རུང་། །གཞན་ཡང་བདུག་སྤོས་སྣ་ཚོགས་པ། །བཀྲ་
D494.086.0172a02.01ཤིས་འཇིག་རྟེན་རྣམ་གྲགས་པ། །ཡིད་འོང་སྔགས་པས་ཆོ་ག་བཞིན། །ལྷ་རྣམས་ལ་ནི་དབུལ་བར་བྱ། །དེ་ནས་གཞན་ཡང་སེམས་དཔའ་ཆེ། །ལྷ་བཤོས་ལས་ཀྱི་ཆོ་ག་ཉོན། །འོ་ཐུག་འབྲས་ཆན་ཞོ་སྦྱར་ནས། །ལ་ཕུག་དང་ནི་ཁུར་སྐྱ་དང་། །གོར་བོད་ཀ་ར་ཡིད་འོང་
D494.086.0172a03.01དང་། །ཁཎྜའི་བཅའ་བ་བཟང་པོ་དང་། །པུ་རི་ཀ་དང་ཀ་རི་ཀ །དེ་བཞིན་མ་ཐུ་ཤི་ར་དང་། །ཕེ་ན་ཨ་ཤོག་བར་ཏི་དང་། །པར་པ་ཏ་ཡང་དབུལ་བར་བྱའོ། དེ་ལ་སོགས་པའི་བཟའ་བ་དང་། །ཤིང་ཏོག་རྣམས་ནི་སྣ་ཚོགས་དང་། །ཧྭགས་དང་ལི་ཁ་ར་རྣམས་དང་། །བུ་རམ་
D494.086.0172a04.01སྦྲང་རྩི་མར་དག་དང་། །བཏུང་བ་རྣམ་པ་སྣ་ཚོགས་དང་། །ཞོ་དང་འོ་མ་རྒྱས་པར་དབུལ། །མར་མེ་རྣམ་པ་སྣ་ཚོགས་པ། །གཙང་ཞིང་ཤིན་ཏུ་བཟང་པོ་ཡི། །འབྲུ་མར་རབ་ཏུ་དྲི་ཞིམ་པས། །རབ་ཏུ་བཀང་སྟེ་དབུལ་བར་བྱ། །ཕྱོགས་སུ་གདུགས་དང་བ་དན་རྣམས། །
D494.086.0172a05.01ཁ་དོག་སྣ་ཚོགས་རབ་ཏུ་བསྒྲེང་། །རྟ་བབས་བཟང་པོ་རྣམས་ཀྱང་ནི། །དྲིལ་བུ་དང་བཅས་རབ་ཏུ་དབུལ། །ཡང་ན་ཡིད་ཀྱི་མཆོད་པ་ནི། །ཐམས་ཅད་ནན་ཏན་བསྐྱེད་དེ་བྱ། །དེ་ནས་བུམ་པ་བརྒྱད་དམ་ནི། །བཅུ་དྲུག་རྒྱས་པར་བླངས་ནས་སུ། །སྨན་དང་རིན་ཆེན་ཐམས་
D494.086.0172a06.01ཅད་བླུགས། །སྤོས་ཀྱི་ཆུས་ནི་རབ་ཏུ་བཀང་། །ལྡུམ་བུ་དག་གིས་ཁ་བརྒྱན་ཏེ། །དེ་བཞིན་འབྲས་བུས་ཁ་ཡང་དགང་། །མེ་ཏོག་སྤོས་ལ་སོགས་པས་བརྒྱན། །ཤིན་ཏུ་བཟང་པོ་བསྲུང་བ་བྱས། །མགྲིན་པ་རས་ཀྱིས་བཅིངས་པ་རྣམས། །མཁས་པས་རྣམ་པར་དགོད་
D494.086.0172a07.01