完整藏文原文 · 德格版页 当前仅加载第 86 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕྱི་རོལ་ཏུ་གཏོར་མ་སྦྱིན་ནོ། །དེ་ནས་བཙོ་བླག་མཁན་གྱི་ཁྱིམ་ནས་མེ་བླངས་ལ་སྔ་མ་བཞིན་བསང་གཏོར་བྱ། སེང་ལྡེང་གི་ཤིང་ངམ་ཨ་ཤོ་ཀའམ་ཤིང་ཀ་ར་བཱི་རས་མེ་སྤར་ལ། དེ་བཞིན་དུ་བདག་ཉིད་རྣམ་པར་སྣང་མཛད་དུ་བྱིན་གྱིས་བརླབས་ཏེ།
D494.086.0237a01.01མེའི་ཐབ་ཁུང་གི་ཞབས་སུ་མེའི་དཀྱིལ་འཁོར་བསམས་ལ་ཡི་གེར་གཞག་གོ། །ཡི་གེ་ར་དེ་ཡང་འབར་བའི་ཕྲེང་བ་ལ་འོད་འཕྲོ་བ་ལས་མེའི་གཟུགས་སུ་གྱུར་པར་བསམ་པ་ནི། ཉི་མ་འཆར་བ་འདྲ་བ་གདུལ་དཀའ་བ་མིག་གསུམ་པ་ཐོར་ཚུགས་ཁམ་པ་ལག་པ་བཞི་པ་ལག་
D494.086.0237a02.01ན་བེ་ཅོན་དང་ཞགས་པ་དང་བགྲང་ཕྲེང་དང་གུན་དྷེ་ཐོགས་པ། གོས་དམར་པོ་གྱོན་ཞིང་སྲད་བུ་དམར་པོ་སེ་རལ་ཁར་ཐོགས་པ་ཡི་གེ་རས་མཚན་པ། མེ་ལྕེ་འབར་བ་དམར་པོའི་འོད་འཕྲོ་བ་དེ་ལྟ་བུའི་མེ་བསམས་ཏེ་བསང་གཏོར་བྱས་ལ་མཆོད་ཡོན་ཕུལ་ཏེ་རང་གི་གསང་སྔགས་ཀྱིས་
D494.086.0237a03.01བྱུག་སྤོས་དང་མེ་ཏོག་ལ་{སྩོགས་,སོགས་}པ་བྱིན་ལ། དེ་ནས་ཤིང་ཀ་ར་བཱི་རའི་ཡམ་སྲེག་ཤིང་ཡུངས་མར་དང་ཙནྡན་དམར་པོ་ལ་སྨྱུགས་པའི་སྲེག་བླུགས་བདུན་སྦྱིན་ནོ། །དེ་ནས་དཀྱིལ་འཁོར་དུ་བཀོད་པའི་ལྷ་རྣམས་ལ་སྲེག་བླུགས་བདུན་ཕུལ་ཏེ། སྔ་མ་བཞིན་དུ་བདག་གི་
D494.086.0237a04.01ལྷའི་གཟུགས་བསམས་ལ་གཞག་སྟེ། དེ་བཞིན་དུ་སྲེག་བླུགས་ཕུལ་ལ་ཆོ་ག་ལས་བྱུང་བའི་རྫས་རྣམས་སྦྱིན་སྲེག་བྱའོ། །མཇུག་ཏུ་ཡང་བྱང་ཆུབ་ཀྱི་སེམས་བསྒོམ་པ་ལ་སོགས་པའི་ཆོ་ག་དེ་བཞིན་དུ་བྱའོ། །ཆོ་ག་འདི་ཡང་དཀྱིལ་འཁོར་གྱི་ཡོ་བྱད་ཐམས་ཅད་དམར་པོར་
D494.086.0237a05.01བྱའོ། །མེའི་གནས་ཀྱང་དུས་གསུམ་དུ་ཙནྡན་དམར་པོས་བྱུག་ཅིང་མེ་ཏོག་དམར་པོ་སིལ་མས་དགྲམ་མོ། །དཔལ་ལྡན་གོས་ནི་དམར་པོ་བགོས། །བྱུག་སྤོས་ཕྲེང་བ་དམར་པོས་བརྒྱན། །སྲད་བུ་དམར་པོ་སེ་རལ་ཐོགས། །བྱང་ཆུབ་སེམས་ཀྱི་བྱེ་བྲག་ཤེས། །ཟས་སུ་
D494.086.0237a06.01སྲན་ཆུང་ཅི་ཚེ་ཟ། །ཡང་ན་ཟས་སུ་ཤིང་ཏོག་ཟ། །དགའ་ཞིང་འཛུམ་མུལ་མི་སྨྲ་ཐུབ། །སེམས་དང་སེམས་ནི་རྗེས་སུ་སྦྱོར། །རྟག་ཏུ་བཟླས་དང་སྦྱིན་སྲེག་བྱེད། །ལྷ་ཡི་གཟུགས་ནི་སེམས་པ་ཡི། །མི་ཡིས་དབང་དུ་བྱ་བ་ཡི། །དངོས་གྲུབ་མ་ལུས་བརྩམ་པར་བྱ། །
D494.086.0237a07.01