完整藏文原文 · 德格版页 当前仅加载第 86 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་རྗེ་ཅན་དུལ་བ་རྟེན་ཅིང་འབྲེལ་པར་འབྱུང་བ་རྣམ་པར་དབྱེ་བ་ལ་མཁས་པ། སྡོམ་པ་བཟུང་བ། རང་གི་བསླབ་པ་ལ་གནས་པ། །ཐབས་ལ་མཁས་ཤིང་རབ་ཏུ་བརྟན། །དུས་དང་དུས་མ་ཡིན་པའང་ཤེས། །འཇིགས་པ་མེད་ཅིང་མཁས་ལ་གཏོང་། །བཟོད་དང་ལྡན་
D494.086.0182a01.01ཞིང་བྱམས་པའི་ཡིད། །གསང་སྔགས་སྤྱོད་ལ་རབ་ཏུ་བརྩོན། །གསང་སྔགས་དེ་ཉིད་དོན་ལ་མཁས། །བསམ་གཏན་བྱེད་ལ་དགའ་བ་ཡིན། །སྒྲུབ་པ་པོ་ནི་སྒྲུབ་ལ་ཤིས། །གསང་བ་པའི་བདག་པོ་དེ་ལ་འདོད་པའི་ཁམས་ཀྱི་དབང་ཕྱུག་ལ་མྱོས་པར་བྱེད་པ་ཞེས་བྱ་བའི་རིག་སྔགས་
D494.086.0182a02.01ཡོད་དེ། དེས་འདོད་པ་ན་སྤྱོད་པའི་ལྷའི་བུ་ཐམས་ཅད་མྱོས་པས་བརྒྱལ་བར་བྱེད་ཅིང་། མེ་ཏོག་མང་པོ་སྣ་ཚོགས་དང་ལྡན་པའི་ས་ཕྱོགས་ཉམས་དགའ་བ་རྣམས་ཀྱང་སྟོན་ལ། ཡོངས་སུ་སྤྱད་པ་དང་ཉེ་བར་སྤྱད་པ་རྣམ་པ་ཐ་དད་པ་སྣ་ཚོགས་རྣམས་ཀྱང་མངོན་པར་སྤྲུལ་ནས། གཞན་
D494.086.0182a03.01འཕྲུལ་དབང་བྱེད་ཀྱི་ལྷ་རྣམས་ལ་ཡང་སྦྱིན་ལ། བདག་ཉིད་ཀྱང་ཡོངས་སུ་སྤྱོད་དོ། །འདི་ལྟ་སྟེ། ལྷའི་བུ་དབང་ཕྱུག་ཆེན་པོ་ལ་ཡིད་མགྱོགས་ཞེས་བྱ་བའི་རིག་སྔགས་ཡོད་དེ། དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སེམས་ཅན་གྱི་དགོས་པ་བྱེད་ཅིང་། ཉེ་བར་
D494.086.0182a04.01སྤྱད་པ་དང་། ཡོངས་སུ་སྤྱད་པ་ཐམས་ཅད་ཀྱང་མངོན་པར་སྤྲུལ་ནས། གནས་གཙང་མའི་རིས་ཀྱི་ལྷའི་བུ་རྣམས་ལ་ཡང་སྦྱིན་ལ་བདག་ཉིད་ཀྱང་ཀུན་ཏུ་སྤྱོད་དོ། །འདི་ལྟ་སྟེ། དཔེར་ན་མིག་འཕྲུལ་མཁན་ནི་གསང་སྔགས་རྣམས་ཀྱིས་ཀུན་དགའི་ར་བ་དང་། མཚོ་དང་། འབབ་
D494.086.0182a05.01ཆུ་དང་། མི་ལ་སོགས་པ་རྣམ་པ་ཐ་དད་པ་སྣ་ཚོགས་སྟོན་ཏོ། །འདི་ལྟ་སྟེ་དཔེར་ན། ལྷ་མ་ཡིན་རྣམས་ནི་གསང་སྔགས་ཀྱི་སྒྱུ་མ་རྣམས་སྟོན་ཏོ། །འདི་ལྟ་སྟེ་དཔེར་ན། གསང་སྔགས་དག་གིས་ནི་དུག་དང་རིམས་ལ་སོགས་པ་མེད་པར་འགྱུར་རོ། །འདི་ལྟ་སྟེ་མ་མོ་ཞེས་བྱ་
D494.086.0182a06.01བའི་ལྷ་མོ་རྣམས་ནི་གསང་སྔགས་ཀྱིས་སེམས་ཅན་རྣམས་ལ་ནད་འགོ་བ་གཏོང་ངོ་། །འདི་ལྟ་སྟེ་དཔེར་ན། གསང་སྔགས་ཀྱིས་ནི་མེའི་ཚ་བ་མེད་པར་བྱས་ནས་གྲང་བར་བྱེད་པར་འགྱུར་རོ། །རིགས་ཀྱི་བུ་དག་དཔེའི་ཚིག་འདི་རྣམས་ཀྱིས་གསང་སྔགས་ཀྱི་མཐུ་ལ་མངོན་པར་དད་པར་
D494.086.0182a07.01