完整藏文原文 · 德格版页 当前仅加载第 86 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་དེའི་དུས་ལ་བབ་བོ། །བདེ་བར་གཤེགས་པ་དེའི་ཚོད་ལ་བབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་སྟོབས་ཐོགས་པ་མེད་པའི་གནས་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D494.086.0195b01.01སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་རིག་སྔགས་ཀྱི་རྒྱལ་མོ་ཐམས་ཅད་དུ་ཐོགས་པ་མེད་པའི་སྟོབས་ཅན། མི་མཉམ་པ་དང་མཉམ་པའི་སྟོབས་ཅན། དམ་ཚིག་ལ་འཇུག་པར་བྱེད་པ། སྟོབས་གསུམ་དང་ལྡན་པ་བྱུང་ངོ་། །ན་མཿས་མནྟ་བུད་དྷཱ་ནཱཾ། ཨ་
D494.086.0195b02.01ས་མེ་ཏྲི་ས་མེ། ས་མ་ཡེ་སྭཱ་ཧཱ། གསང་བ་པའི་བདག་པོ་རིག་སྔགས་ཀྱི་རྒྱལ་མོ་འདི་ནི་དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་སྟོན་པར་བྱེད་པ། ཆོས་གསུམ་གྱི་ལམ་གྱི་མཚམས་ལས་མི་འདའ་བར་བྱེད་པ། ས་དང་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དེ་ཡིན་
D494.086.0195b03.01ཏེ། དེའི་ཕྱག་རྒྱ་ནི་འདི་ཡིན་ནོ། །ལག་པ་གཉིས་ཐལ་མོ་ཁོང་སྟོང་དུ་སྦྱར་ལ། མཐེ་བོ་གཉིས་བསྒྲེང་ངོ་། །རྒྱ་འདི་ཕྱག་རྒྱ་ཆེན་པོ་སྟེ། །སངས་རྒྱས་སྐྱོབ་པ་ཀུན་གྱི་ཡིན། །སངས་རྒྱས་ཀུན་གྱི་དམ་ཚིག་ནི། །ཕྱག་རྒྱ་འདི་ལ་རབ་ཏུ་གནས། །ལག་པ་དག་ནི་གཉིས་ཀ་ཡང་། །
D494.086.0195b04.01བློ་དང་ལྡན་པས་ཁུ་ཚུར་བཅངས། །མཐེ་བོ་གཉིས་ནི་ནང་དུ་གཞུག །མཛུབ་མོ་གཉིས་ནི་བསྒྲེང་བར་བྱ། །རྒྱ་འདི་ཕྱག་རྒྱ་ཆེན་པོ་སྟེ། །ཆོས་དབྱིངས་རྣམ་པར་སྤྱོད་པའོ། །གསང་སྔགས་ནི། ན་མཿས་མནྟ་བུད་དྷཱ་ནཱཾ། དྷརྨྨ་དྷཱ་ཏུ་སྭ་བྷཱ་བ་ཨཱཏྨ་ཀོ྅་ཧྃ། དེ་བཞིན་དུ་ལག་པ་གཉིས་ཀྱི་
D494.086.0195b05.01སོར་མོ་ཐམས་ཅད་བཟློག་སྟེ་བསྣོལ་ལ་མཐེ་བོ་གཉིས་སྤྲད་དོ། །ཕྱག་རྒྱ་དཔལ་དང་ལྡན་པ་འདི། །ཆོས་ཀྱི་འཁོར་ལོ་ཞེས་སུ་བསྒྲགས། །འཇིག་རྟེན་མགོན་པོ་སྐྱོབ་རྣམས་ཀྱི། །འཁོར་ལོ་རབ་ཏུ་འདི་བསྐོར་རོ། །གསང་སྔགས་ནི། ན་མཿས་མནྟ་བུད་དྷཱ་ནཱཾ། བཛྲ་ཨཱཏྨ་ཀོ྅ཧྃ།
D494.086.0195b06.01དེ་བཞིན་དུ་ལག་པ་གཉིས་ཕྱག་འཚལ་བའི་ཐལ་མོ་སྦྱར་ལ་མཛུབ་མོ་གཉིས་མཐེ་བོ་གཉིས་ཀྱི་སྟེང་དུ་གཞག་སྟེ། རལ་གྲི་ལྟ་བུར་བྱའོ། །སངས་རྒྱས་སྐྱོབ་པ་ཐམས་ཅད་ཀྱི། །ཕྱག་རྒྱ་ཆེན་པོ་རལ་གྲིའི་རྒྱ། །འདིས་ནི་ལྷན་ཅིག་སྐྱེས་པ་ཡི། །འཇིག་ཚོགས་ལྟ་བ་གཅོད་པར་བྱེད། །གསང་
D494.086.0195b07.01