完整藏文原文 · 德格版页 当前仅加载第 86 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་ཕུལ་ལོ། །གསང་སྔགས་ཚུལ་ལ་ལེགས་གནས་གང་། །རྫོགས་སངས་རྒྱས་ཀྱིས་བསྔགས་པ་ཡི། །ཡང་དག་ཉིད་འདི་སྒོམ་འགྱུར་བ། །དེ་དག་སངས་རྒྱས་ཉིད་དུ་འགྱུར། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་
D494.086.0240b01.01བཅོམ་ལྡན་འདས་རྣམ་པར་སྣང་མཛད་ཀྱི་བྱིན་གྱིས་བརླབས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཟློས་པ་རྣམ་རྟོག་ལས་འདས་པའི། །མ་འདྲེས་སེམས་ནི་ཉིད་ཀྱིས་སུ། །དངོས་གྲུབ་ཀྱང་ནི་འཐོབ་འགྱུར་ན། །འདུས་བྱས་ཆོས་ལྟ་སྨོས་ཅི་འཚལ། །གང་གིས་
D494.086.0240b02.01རྟ་དང་འདྲ་བའི་སེམས། །མཉམ་པར་གཞག་པས་བཏུལ་ནས་སུ། །བྱམས་དང་སྙིང་རྗེ་བརྟན་བྱས་ན། །དངོས་གྲུབ་བརྟན་པ་མོད་ལ་འཐོབ། །ཆོས་རྣམས་རྟག་ཏུ་མ་སྐྱེས་པ། །དེ་ཡི་ས་བོན་ཨ་ཡི་མཆོག །རྒྱལ་བ་དམ་པ་རྣམས་ཀྱིས་གསུངས། །ཨ་ནི་སྟོང་པ་ཉིད་ཅེས་བགྱི། །
D494.086.0240b03.01ཡི་གེའི་ཕྱི་མོ་ཕྱི་མོ་ཀུན། །དེ་བཞིན་འདྲེན་ལྡན་གང་གི་ཕྱིར། །མི་འགྱུར་མི་འགྱུར་དང་ལྡན་པ། །དེ་ཕྱིར་བསམ་པར་བགྱི་བ་ལགས། །ཨ་དང་ཨུ་ཞེས་པ་དང་ནི། །རྀ་དང་ལྀ་དང་ཨཾ་མཆོག་སྣང་། །ཨ་མཆོག་སྣང་བའི་དམ་པ་སྟེ། །འདི་ལས་ཐར་པ་ཐོབ་ཅེས་བཤད། །ཀ་ཡི་
D494.086.0240b04.01རིས་དང་ཙ་ཡི་རིས། །དེ་བཞིན་ཊ་ཡི་རིས་མཆོག་དང་། །ཏ་ཡི་རིས་དང་པ་ཡི་རིས། །མཐུན་པའི་སྒྲར་བཅས་ལྔ་དང་ནི། །ཡ་ར་ལ་བ་ཤ་ལ་སོགས། །ཐམས་ཅད་རྒྱལ་མཆོག་ཡོངས་སུ་རྫོགས། །འདི་དག་རྒྱ་ཆེན་དོན་གྱི་མཆོག །རྣམ་པ་མང་པོའི་དོན་རྣམས་བགྱིད། །
D494.086.0240b05.01ཨ་ཞེས་བགྱི་བས་བྱང་ཆུབ་འཐོབ། །དེ་བཞིན་ཨི་ནི་འགུགས་པ་སྟེ། །ཨུ་ཞེས་བགྱི་བས་གསོད་པ་འགྲུབ། །རྀ་ནི་དབང་གི་ལས་ལ་སྟེ། །ཨོ་ནི་སྲིན་པོ་འཇོམས་པ་ལགས། །ཨཻ་ཞེས་བགྱི་བ་འཆིང་བར་བཞེད། །ཨཽ་ནི་ཀླུ་ཡི་སྙིང་པོ་སྟེ། །ཀུན་ཀྱང་མཆོག་དང་དམ་
D494.086.0240b06.01པ་ལགས། །ཡི་གེ་འདྲེན་པ་ཐམས་ཅད་དང་། །ར་དང་ཚེག་དྲག་ལྡན་པ་ནི། །ཆོས་ཀྱི་དབྱིངས་དང་རྟག་ལྡན་པར། །བསམ་གཏན་བཟླས་བྱས་དངོས་གྲུབ་འཐོབ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་
D494.086.0240b07.01