完整藏文原文 · 德格版页 当前仅加载第 86 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །སློབ་དཔོན་གྱིས་ཀྱང་བུའི་འདུ་ཤེས་བསྐྱེད་པར་བྱའོ། །དེ་ནས་སེམས་ཀྱི་རྒྱུད་རབ་དང་འབྲིང་དང་ཐ་མ་ལ་བལྟས་ནས་གསང་སྔགས་སྤྱད་པ་ལ་འཇུག་པའི་རྣལ་འབྱོར་གྱི་ཆོ་ག་སྦྱིན་ནོ། །དེ་ལྟར་བྱས་ན་དཀྱིལ་འཁོར་ཆེན་པོ་བཀོད་པ་འདིར་དམ་ཚིག་མཐོང་བར་འགྱུར་རོ། །
D494.086.0248b01.01འཇིག་རྟེན་དང་འཇིག་རྟེན་ལས་འདས་པའི་དཀྱིལ་འཁོར་དུ་ཞུགས་ཀྱང་རུང་མ་ཞུགས་ཀྱང་རུང་དམ་ཚིག་ཏུ་ཞུགས་པར་འགྱུར་རོ། །དེ་ལྟར་དཀྱིལ་འཁོར་ཆེན་པོར་བྱིན་གྱིས་བརླབས་ཤིང་སྡིག་པ་ཐམས་ཅད་དང་བྲལ་བ་དེ་བཞིན་གཤེགས་པའི་རིགས་ལས་བྱུང་བ། སེམས་ཅན་
D494.086.0248b02.01གྱི་ཁམས་མཐའ་ཡས་པ་ཡོངས་སུ་བསྐྱབ་པ་ཡིད་ལ་བྱེད་པ་དེས་གསང་སྔགས་སྤྱད་པའི་རྣལ་འབྱོར་གྱི་ཆོ་ག་རྗེས་སུ་དྲན་པར་བྱའོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་ཀྱི་གནས་ན་འཁོད་པའི་བྱང་ཆུབ་སེམས་དཔའ་སེམས་དཔའ་
D494.086.0248b03.01ཆེན་པོ་རྣམས་ལ་བྱམས་པ་ཆེན་པོ་དང་ཐུགས་རྗེ་ཆེན་པོའི་སྤྱན་གཉིས་ཀྱིས་གཟིགས་ནས། ཞལ་ཅུང་ཟད་འཛུམ་ཞིང་དེ་བཞིན་གཤེགས་པའི་སོ་སོ་ཡང་དག་པར་རིག་པ་ལ་འཇུག་པའི་ཚུལ་གྱིས་བླ་ན་མེད་པའི་ཆོས་ཀྱི་དབྱིངས་ཤིན་ཏུ་རྣམ་པར་དག་པར་བསྟན་པར་
D494.086.0248b04.01བཞེད་དེ། སྲིད་པའི་རྒྱ་མཚོ་ཐམས་ཅད་ལས་བསྒྲལ་བར་ཡི་དམ་བཅས་པ་ཞེས་བྱ་བའི་བཞད་པ་ཆེན་པོ་མཛད་ནས་གཙུག་ཏོར་ཆེན་པོའི་དཀྱིལ་འཁོར་ནས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་ཡུལ་འབྱུང་བ་ཞེས་བྱ་བའི་འོད་ཟེར་བྱུང་ངོ་། །འོད་ཟེར་དེ་
D494.086.0248b05.01བྱུང་ནས་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ནམ་མཁའི་དབྱིངས་ཀྱིས་ཀླས་པ་ན་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ན་འཁོད་པའི་བྱང་ཆུབ་སེམས་དཔའ་ཐམས་ཅད་ནི་སྣང་བར་བྱས་ཆོས་ཀྱི་དབྱིངས་བསམ་གྱིས་མི་ཁྱབ་པ་ལ་འཇུག་
D494.086.0248b06.01པའི་ཡུལ་ནི་བསྟན། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་རྣམས་ལ་ནི་བལྟས་ཆོས་ཀྱི་དབྱིངས་རྣམ་པར་དག་པ་མཐའ་ཡས་པ་ནི་དམིགས་པར་བྱས། ཆོས་ཀྱི་དབྱིངས་རྣམ་པར་རོལ་པ་ནམ་མཁའ་དང་མཉམ་པའི་རྗེས་སུ་འགྲོ་བ་ཆོས་མཉམ་པ་ཉིད་བསྟན་
D494.086.0248b07.01