完整藏文原文 · 德格版页 当前仅加载第 86 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གཞི་འདི་དག་བྱང་ཆུབ་སེམས་དཔས་བསྒོམ་པར་བྱའོ། །གསང་བ་པའི་བདག་པོ་འདི་ནི་དེ་བཞིན་གཤེགས་པ་ཐམས་ཅད་ཀྱི་སོ་སོ་ཡང་དག་པར་རིག་པ་ལ་འཇུག་པ་སྒྲུབ་པའི་ཚུལ་རྣམ་པར་དག་པས་མཉམ་པ་ཉིད་ལ་འཇུག་པའི་གཞི་ཆོས་ཀྱི་རྣམ་
D494.086.0250a01.01གྲངས་ཡིན་ནོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་རྒྱ་ཆེན་པོ་རབ་འབྱམ་མཐའ་ཡས་པ་བྱིན་གྱིས་བརླབས་ནས། ནམ་མཁའ་དྲི་མ་མེད་པའི་རྒྱལ་པོ་རྣམ་པར་སྨིན་པ་ནམ་མཁའ་ལྟར་རྒྱ་ཆེ་ཞིང་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་
D494.086.0250a02.01སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དབུའི་གཙུག་ནས་དེ་བཞིན་གཤེགས་པ་ཐམས་ཅད་ཀྱི་ཡུལ་སྣང་བ་ཡུལ་བསམ་གྱིས་མི་ཁྱབ་པ་རབ་འབྱམ་སྟོན་པ་ཞེས་བྱ་བའི་འོད་ཟེར་བྱུང་ངོ་། །བྱུང་ནས་ཀྱང་དེ་བཞིན་གཤེགས་པ་ཐམས་ཅད་དང་རྗེས་སུ་
D494.086.0250a03.01མཐུན་པ་བསྟན་ཏེ། བཅོམ་ལྡན་འདས་རྣམ་པར་སྣང་མཛད་ལ་བསྐོར་བ་ལན་བརྒྱ་སྟོང་དུ་མ་བྱས་ཏེ་འཇིག་རྟེན་གྱི་ཁམས་རྣམ་པ་བཅུར་སྣང་བ་ཆེན་པོས་གསལ་བར་བྱས་ཏེ་སྟེང་གི་ནམ་མཁའ་ལ་གནས་ནས། གསང་བའི་སྙིང་པོའི་དཀྱིལ་འཁོར་ཆེན་པོ་བཤམ་པ་བྱས་
D494.086.0250a04.01ཏེ་དམ་ཚིག་ཆེན་པོ་གསུམ་གྱི་སྣང་བས། འཇིག་རྟེན་གྱི་ཁམས་ནམ་མཁའི་དབྱིངས་ཀྱི་མཐས་ཀླས་པ་སྣང་བར་བྱས་ནས་སེམས་ཅན་གྱི་ཁམས་རྣམས་ལ་དམ་ཚིག་གསུམ་གྱི་མྱུ་གུ་སྐྱེ་བར་བྱིན་གྱིས་བརླབས་ཏེ། འོད་ཟེར་དག་ནམ་མཁའ་ལས་ལྷགས་ནས་ཕྱག་ན་
D494.086.0250a05.01རྡོ་རྗེའི་སྤྱི་བོར་བབས་སོ། །འོད་ཟེར་དག་ཕྱག་ན་རྡོ་རྗེའི་སྤྱི་བོར་བབས་མ་ཐག་ཏུ་དེ་ནས་དེའི་མོད་ལ་གསང་བ་པའི་བདག་པོ་ཕྱག་ན་རྡོ་རྗེས་དེ་བཞིན་གཤེགས་པའི་ཡུལ་འབྱུང་བ་ཞེས་བྱ་བའི་ཏིང་ངེ་འཛིན་ཆེན་པོ་ཐོབ་པར་གྱུར་ཏེ། དེ་ཐོབ་པས་དེ་བཞིན་གཤེགས་པའི་
D494.086.0250a06.01ས་ལ་གཉིས་སུ་མེད་པར་གནས་པ་ཐོབ་པར་གྱུར་ཏོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེ་དེ་བཞིན་གཤེགས་པའི་ཡེ་ཤེས་ཀྱི་དགའ་བས་ཡིད་ཚིམ་པར་གྱུར་ནས། མིག་གཉིས་མི་འཛུམས་པར་བཅོམ་ལྡན་འདས་རྣམ་པར་སྣང་མཛད་ལ་ཡུད་ཙམ་ཞིག་
D494.086.0250a07.01