完整藏文原文 · 德格版页 当前仅加载第 86 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པ་བཀའ་སྩལ་ཏོ། །ངེད་ཀྱང་སྔོན་ནི་འདི་རྣམས་ཀྱིས། །བླ་མེད་བྱང་ཆུབ་རྟོགས་ནས་སུ། །མྱ་ངན་འདས་ལམ་འགྲོ་བ་ཡི། །མཉམ་པ་མེད་པའི་ཆོས་བཤད་པ། །འཇིག་རྟེན་ཁམས་ན་བཞུགས་པ་ཡི། །རྫོགས་སངས་རྒྱས་རྣམས་དཔང་དུ་གྱུར། །དེ་ནས་
D494.086.0205b01.01དཔལ་ལྡན་རྡོ་རྗེ་འཛིན། །བསམ་པ་མཆོག་རབ་མགུ་གྱུར་པ། །རྫོགས་སངས་རྒྱས་ཀྱིས་བྱིན་བརླབས་པས། །འདི་སྐད་ཅེས་ནི་ཚིག་སྨྲས་པ། །ཆོས་འདི་རྣམས་ནི་མཚན་ཉིད་མེད། །ངོ་བོ་ཉིད་མེད་གནས་མེད་པ། །ལས་དང་ཚེ་ལས་རྣམ་པར་གྲོལ། །རྫོགས་པའི་སངས་
D494.086.0205b02.01རྒྱས་འདྲ་བར་འདོད། །ཐུགས་རྗེས་མངའ་ནི་མཛད་པ་ཡི། །མགོན་པོ་རྣམས་ཀྱི་ཐབས་ཀྱིས་ནི། །རྣམ་པར་སྤྲུལ་ནས་ཆོས་རྣམས་ཀྱི། །མཚན་ཉིད་འདི་དག་རྟོགས་པར་འགྱུར། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་ཆེད་དུ་བརྗོད་པའི་ཚིགས་སུ་བཅད་པ་དེ་སྨྲས་ནས།
D494.086.0205b03.01མ་འོངས་པའི་འགྲོ་བ་རྣམས་ལ་བལྟས་ཏེ། སྙིང་རྗེ་ཆེན་པོའི་སྙིང་པོ་འབྱུང་བའི་དཀྱིལ་འཁོར་ཆེན་པོ་འདིའི་ཐེ་ཙོམ་གཅད་པའི་ཕྱིར་བཅོམ་ལྡན་འདས་རྣམ་པར་སྣང་མཛད་ལ་ཞུས་པ། སེམས་ཅན་ཀུན་གྱི་དོན་གྱི་ཕྱིར། །ཀུན་མཁྱེན་སྙུན་དང་བྲལ་བའོ། །ཐེ་ཙོམ་ཐམས་ཅད་
D494.086.0205b04.01གཅོད་མཛད་པ། །འདྲེན་པ་ཁྱེད་ལ་ཞུ་བ་ནི། །དཀྱིལ་འཁོར་གྱི་ནི་སྔོན་རོལ་དུ། །ཅི་ཞིག་བགྱི་བ་འདྲེན་པས་གསུངས། །ཐུབ་པ་ཆེན་པོ་སློབ་དཔོན་དང་། །སློབ་མའང་རྣམ་པ་དུ་རུ་བཤད། །ས་གཞི་ཅི་འདྲར་འཚལ་བར་བགྱི། །དེ་ཡང་ཅི་ལྟར་སྦྱང་བར་བགྱི། །ཅི་ལྟར་ས་ནི་
D494.086.0205b05.01དག་པར་འགྱུར། །ཅི་ལྟར་དེ་ནི་བརྟན་པ་ལགས། །སློབ་མའི་དགོས་པ་གང་གིས་བགྱི། །སྦྱང་བའང་འདྲེན་པས་བཀའ་སྩོལ་ཅིག །དག་པའི་མཚན་མ་ཅི་འདྲ་དང་། །གང་གིས་དེ་དག་བསྲུང་བར་བགྱི། །ས་ནི་གང་གིས་བྱིན་གྱིས་བརླབ། །དེར་ནི་དང་པོ་གང་གིས་བརྟག །ས་
D494.086.0205b06.01ཡི་ཆ་ལས་ཐིག་གདབ་པའི། །སྲད་བུ་རྣམ་པ་དུ་འཚལ་བགྱི། །མཆོད་པ་རྣམ་པ་དུར་འཚལ་བགྱི། །མེ་ཏོག་བདུག་སྤོས་ཅི་འདྲར་དང་། །མེ་ཏོག་དང་ནི་བདུག་སྤོས་དག །ཅི་ལྟར་དབུལ་བ་འདྲེན་པས་གསུང་། །ལྷ་བཤོས་སྦྱིན་སྲེག་ལས་རྣམས་ཀྱང་། །གང་དག་ལས་ནི་
D494.086.0205b07.01