完整藏文原文 · 德格版页 当前仅加载第 86 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག །བ་ཞེས་བྱ་བ་ཚིག་ཏུ་བཤད། །ར་ཞེས་བྱ་བ་མེ་ཞེས་བརྗོད། །ཧཱུྃ་ཞེས་བྱ་བ་ཁྲོ་བོར་བཤད། །ཁ་ནི་ནམ་མཁར་ཤེས་པར་བྱ། །ཀླད་ཀོར་སྟོང་པའི་མཆོག་ཅེས་བྱ། །གང་ཤེས་སློབ་དཔོན་ཞེས་བྱ་བ། །འདི་ནི་ཡང་དག་དམ་པ་ཡིན། །དེ་བས་རྣམ་པ་ཐམས་ཅད་དུ། །
D494.086.0217b01.01རྫོགས་སངས་རྒྱས་སྔགས་ཞེས་འདི་ལ། །རྟག་ཏུ་བརྩོན་པར་བྱས་ན་ནི། །འཆི་འཕོ་མེད་པའི་གོ་འཕང་འཐོབ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། སློབ་དཔོན་གྱི་དེ་ཁོ་ན་ཉིད་ཤེས་པ་རིམ་པར་ཕྱེ་བའོ།། །།
D494.086.0217b02.01ཡི་གེ་ཅི་ལྟར་དགོད་པ་དག །རྫོགས་སངས་རྒྱས་ཀྱིས་ལེགས་བསྟན་པ། །དེ་བས་ཀུན་ཏུ་མཉན་པར་གྱིས། །ཀ་ནི་ལྐོག་མར་ཤེས་པར་བྱ། །ཁ་ནི་རྐན་ལ་གཞག་པར་བྱ། །ག་ནི་མགྲིན་པར་ཤེས་པར་བྱ། །གྷ་ནི་མགུལ་པའི་གནས་སུ་གཞག །ཙ་ནི་ལྕེ་ལ་གཞག་པར་
D494.086.0217b03.01བྱ། །ཚ་ནི་ལྕེ་ཡི་དབུས་སུ་གཞག །ཛ་ནི་ལྕེ་ཡི་རྩེ་མོ་ལ། །ཛྷ་ནི་ལྕེ་ཡི་རྩ་བ་ལ། །ཊ་ནི་བྱིན་པར་ཤེས་པར་བྱ། །ཋ་ནི་བརླ་ལ་གཞག་པར་བྱ། །ཌ་ནི་རྐེད་པར་གཞག་པར་བཤད། །ཌྷ་ནི་རྐང་པ་གཉིས་ལ་གཞག །ཏ་ནི་ཆུ་སོར་གཞག་པར་བཤད། །ཐ་ནི་ལྟོ་བར་
D494.086.0217b04.01ཤེས་པར་བྱ། །ད་ནི་མཆན་ཁུང་གཉིས་སུ་གཞག །དྷ་ནི་རྩིབ་ལོགས་གཉིས་སུ་གཞག །པ་ནི་རྒྱབ་ཏུ་ཤེས་པར་བྱ། །ཕ་ནི་བྲང་དུ་ཤེས་པར་བྱ། །བ་ནི་དཔུང་མགོ་གཉིས་སུ་གཞག །བྷ་ནི་ལག་པ་གཉིས་སུ་གཞག །མ་ནི་ཡིད་ཀྱི་གནས་སུ་གཞག །དེ་ཚེ་ཚུལ་
D494.086.0217b05.01བཞིན་ཤེས་པར་བྱ། །ཡ་ནི་ཕོ་མཚན་ཡིན་ཞེས་གསུངས། །ར་ནི་ནམ་མཚོང་ཡིན་པར་བཤད། །ལ་ནི་རྒྱ་ཆེན་ཤེས་བྱ་བ། །སྐྱོབ་པ་དེ་ཡི་འཕྲལ་བ་ཡིན། །ཨི་ཨཱི་མིག་གཉིས་ཡིན་ཞེས་བྱ། །ཨུ་ཨཱུ་མཆན་ཁུང་ཡིན་པར་བཤད། །ཨེ་ཨཻ་རྣ་བ་གཉིས་ཤེས་བྱ། །ཨོ་
D494.086.0217b06.01ཨཽ་འགྲམ་པ་གཉིས་སུ་འདོད། །ཨཾ་ནི་རྫོགས་སངས་རྒྱས་པའི་གནས། །ཨཿནི་མྱ་ངན་འདས་པ་ཡིན། །ཆོ་ག་བཞིན་དུ་ཀུན་ཤེས་ནས། །བརྟུལ་ཞུགས་མཆོག་གིས་སངས་རྒྱས་བྱོས། །ཐམས་ཅད་མཁྱེན་པའི་ནོར་གྱི་དབྱིག །གང་གི་སྙིང་ལ་རྟག་གནས་པ། །འཇིག་
D494.086.0217b07.01