完整藏文原文 · 德格版页 当前仅加载第 86 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
བགྲང་ཕྲེང་གུནྡེ་ཐོགས་པར་བྲི། །དེ་ནས་ལྷོ་ཡི་ཕྱོགས་ཀྱི་ཆར། །གཤིན་རྗེའི་གཙོ་བོ་ལག་པ་ན། །དབྱུག་པ་ཐོགས་ཤིང་མ་ཧེ་ཞོན། །ཁ་དོག་དབྱར་གྱི་ཆར་སྤྲིན་འདྲ། །མ་མོ་རྣམས་དང་དུས་མཚན་དང་། །འཆི་བདག་རྣམས་ཀྱིས་བསྐོར་བར་བྲི། །བདེན་
D494.086.0167a01.01བྲལ་ཕྱོགས་སུ་བདེན་བྲལ་ནི། །ལག་ན་རལ་གྲི་འཇིགས་པ་བྲི། །དེ་ནས་ཀྱང་ནི་བློ་ལྡན་པ། །མྱུར་དུ་བྱང་གི་ཕྱོགས་སོང་སྟེ། །ལྷ་ཡི་རྒྱལ་པོ་རི་རབ་ལ། །འདུག་ཅིང་ལྷ་རྣམས་ཀྱིས་བསྐོར་བ། །ལག་ན་རྡོ་རྗེ་ཅོད་པན་ཅན། །རྒྱན་ཀུན་གྱིས་ནི་བརྒྱན་པར་བྲི། །དེ་ནས་དེ་ཡི་ཤར་
D494.086.0167a02.01དུ་ནི། །ཆུ་ལྷ་ལག་ན་ཞགས་ཐོགས་བྲི། །དེ་ཡི་ཡང་ནི་ཤར་ཕྱོགས་སུ། །ཉི་མ་ཤིང་རྟའི་སྟེང་འདུག་བྲི། །དེ་ཡི་གཡས་དང་གཡོན་དུ་ནི། །རྒྱལ་དང་རྣམ་པར་རྒྱལ་བ་བྲི། །དེ་ཡི་གཡས་སུ་ཚངས་པ་ནི། །གདོང་བཞི་པ་ལ་ཐོར་ཚུགས་ཅན། །ཨོཾ་ཞེས་བྱ་བ་ལྷུར་ལེན་པ། །
D494.086.0167a03.01ངང་པ་པདྨའི་སྟེང་འདུག་བྲི། །དེ་ཡི་ནུབ་ཏུ་བྲི་བ་ནི། །ས་ཡི་ལྷ་དང་དབྱངས་ཅན་དང་། །ཁྱབ་འཇུག་སྐེམ་བྱེད་དེ་བཞིན་རླུང་། །བདེ་བྱེད་དེ་བཞིན་ཟླ་བ་སྟེ། །ནུབ་ཀྱི་ཕྱོགས་སུ་གནས་ནས་ནི། །རབ་ཏུ་ནན་ཏན་བྱས་ཏེ་བྲི། །བྲིས་ནས་སྔགས་པས་དེ་ནས་ནི། །ཡིད་ལ་
D494.086.0167a04.01འཁྲུལ་པ་མེད་པ་རུ། །གསང་སྔགས་མགོན་པོའི་འོག་ལོགས་སུ། །ཁྲོ་ཆེན་གཞན་གྱིས་མི་ཐུབ་ཅེས། །བྱ་བ་ཉིད་དང་ལྷ་མོ་ནི། །གཞན་གྱིས་མི་ཐུབ་མ་དང་ནི། །ས་བདག་ལག་ན་བུམ་པ་ཐོགས། །གུས་པར་ཡང་དག་གནས་པར་བྲི། །ཀླུ་ཆེན་དགའ་བོ་བསྙེན་དགའ་
D494.086.0167a05.01དག །ཤཱཀྱ་སེང་གེ་སྐྱོབ་པ་ཡི། །སྒོ་དྲུང་གཉིས་སུ་མངོན་ཕྱོགས་པར། །རབ་ཏུ་བསྒྲིམས་ཏེ་བྲི་བར་བྱ། །གཞན་ཡང་ཤཱཀྱ་ཐུབ་པ་ཡི། །རྒྱུད་རྣམས་ཀུན་ལས་དཀྱིལ་འཁོར་དུ། །སྔགས་དང་ཕྱག་རྒྱ་གང་བཤད་པ། །དེ་དག་ཀྱང་ནི་མཁས་པས་བྲི། །སྔགས་པ་དེ་
D494.086.0167a06.01ནས་ཕྱིར་བྱུང་ནས། །ཆ་གསུམ་པ་ནི་ངེས་པ་ལ། །རྡོ་རྗེ་དམ་པ་སྦྱིན་པ་ནི། །གུར་གུམ་ལྟ་བུའི་མདོག་ཅན་ཏེ། །སྤྱི་བོ་ཟུར་ཕུད་ལྔ་དང་ལྡན། །བྱིས་པ་གཞོན་ནུའི་གཟུགས་ཅན་ལ། །ཨུཏྤལ་སྔོན་པོ་རྡོ་རྗེ་ཅན། །ལག་པ་གཡོན་ན་ཐོགས་པ་སྟེ། །པདྨ་དཀར་པོའི་སྟན་
D494.086.0167a07.01