完整藏文原文 · 德格版页 当前仅加载第 86 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འཁོར་རྣམས་ལ་བཀའ་སྩལ་པ། རིགས་ཀྱི་བུ་དག་དེ་བཞིན་གཤེགས་པ་རྣམས་ཀྱི་གསང་སྔགས་ཀྱི་ཚིག་གསུང་གི་འཁོར་ལོའི་དཀྱིལ་འཁོར་མཐའ་ཡས་པར་འཇུག་པ་རྒྱ་ཆེན་པོ་ལས་བྱུང་བ་སྣ་ཚོགས་ཀྱི་གཟུགས་ཀྱི་ནོར་བུ་དང་འདྲ་བ། རེ་བ་ཐམས་ཅད་ཡོངས་སུ་
D494.086.0175a01.01རྫོགས་པར་བྱེད་པ། བསོད་ནམས་ཀྱི་ཚོགས་དཔག་ཏུ་མེད་པ་བསགས་པ། ཐོགས་པ་མེད་པའི་རྟོག་པ་ལ་གནས་པ། དུས་གསུམ་དུ་ཆགས་པ་མེད་པའི་སྟོབས་དང་ལྡན་པ་དག་ཡོད་དོ། །དེ་སྐད་ཅེས་བཀའ་སྩལ་པ་དང་། གསང་བ་པའི་བདག་པོ་ཕྱག་ན་རྡོ་རྗེ་དང་། རྡོ་རྗེ་འཛིན་དེ་
D494.086.0175a02.01རྣམས་དང་། ཐམས་ཅད་དང་ལྡན་པའི་འཁོར་དེ་དག་གིས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས་དེའི་དུས་ལ་བབ་བོ། །བདེ་བར་གཤེགས་པ་དེའི་ཚོད་ལ་བབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་ལྗགས་ཀྱི་དབང་པོ་འདོད་པ་ཐམས་ཅད་ཡོངས་སུ་རྫོགས་པར་རྣམ་
D494.086.0175a03.01པར་སྤྲུལ་པས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཀུན་ཏུ་གཡོགས་ནས། ཆོས་ཀྱི་རྒྱལ་མཚན་གྱི་ཏོག་རྒྱ་ཆེན་པོ་ཡོངས་སུ་དག་པའི་རྩེ་མོ་ལ་བལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་འདི་ལྟར་དེ་བཞིན་
D494.086.0175a04.01གཤེགས་པ་ཐམས་ཅད་ཀྱིས་ཆོས་ཀྱི་དབྱིངས་ཁྱབ་པ། སེམས་ཅན་གྱི་ཁམས་མ་ལུས་པ་རྣམས་ཡོངས་སུ་བསྐྱབ་པའི་སྒྲ་འབྱིན་པ། རིག་སྔགས་ཀྱི་རྒྱལ་མོ་སྟོབས་ཆེན་མོ་བསྲུང་བ་ཆེན་མོ་འདི་གསུངས་སོ། །ན་མཿསརྦྦ་ཏ་ཐཱ་ག་ཏེ་བྷྱཿསརྦྦ་བྷ་ཡ་བི་ག་ཏེ་བྷྱོ་བི་ཤྭ་མུ་ཁེ་བྷྱཿསརྦྦ་ཐཱ་ཁཾ་རཀྵ་
D494.086.0175a05.01མ་ཧཱ་བ་ལེ་སརྦྦ་ཏ་ཐཱ་ག་ཏ་པུ་ཎྱ་ནིར་ཛཱ་ཏེ། ཧཱུྃ་ཧཱུྃ་ཏྲ་ཏ་ཏྲ་ཏ་ཨ་པྲ་ཏི་ཧ་ཏེ་སྭཱ་ཧཱ། སངས་རྒྱས་མཁས་པ་ཐམས་ཅད་ཀྱིས། །རིག་སྔགས་འདི་གསུངས་མོད་ལ་ནི། །དེ་ཚེ་སངས་རྒྱས་ཞིང་འདི་དག །རྣམ་པ་དྲུག་ཏུ་གཡོས་པར་གྱུར། །བྱང་ཆུབ་སེམས་དཔའ་དེ་ཀུན་གྱིས། །ངོ་མཚར་
D494.086.0175a06.01གྱུར་པའི་མིག་གདངས་ནས། །སངས་རྒྱས་ཀུན་གྱི་སྤྱན་སྔར་ནི། །ཡིད་དུ་འོང་བའི་ཚིག་སྨྲས་པ། །ཨེ་མའོ་སངས་རྒྱས་ཐམས་ཅད་ཀྱིས། །བསྲུང་བ་རབ་ཏུ་སྟོབས་ཆེན་འདི། །སེམས་ཅན་ཐམས་ཅད་བསྲུང་བ་དང་། །བསྐྱབ་ཅིང་སྦ་བའི་ཕྱིར་གསུངས་ཏེ། །གང་གི་སྙིང་ལ་
D494.086.0175a07.01