完整藏文原文 · 德格版页 当前仅加载第 86 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པ། །དེ་དང་དེ་ལ་གཏོར་མ་སྦྱིན། །ཕྱོགས་ཀྱི་གཏོར་མའི་སྔགས་ནི། དབང་ལྡན་གྱི་ཕྱོགས་སུ། རུ་དྲཱ་ཡ་སྭཱ་ཧཱ། དབང་པོའི་ཕྱོགས་སུ། ཤ་ཀྲཱ་ཡ་སྭཱ་ཧཱ། མེའི་ཕྱོགས་སུ། ཨགྣ་ཡེ་སྭཱ་ཧཱ། གཤིན་རྗེའི་ཕྱོགས་སུ། བཻ་བ་སྭཱ་ཧཱ། བདེན་བྲལ་གྱི་ཕྱོགས་སུ། རཱཀྵ་སཱ་དྷི་པ་ཏ་ཡེ་སྭཱ་ཧཱ། ཆུ་ལྷའི་ཕྱོགས་
D494.086.0232b01.01སུ། མེ་གྷ་ཤ་ན་ཡེ་སྭཱ་ཧཱ། རླུང་གི་ཕྱོགས་སུ། བཱ་ཡ་བེ་སྭཱ་ཧཱ། ཀུ་བེ་རའི་ཕྱོགས་སུ། ཡཀྴ་བིདྱཱ་དྷ་རི་སྭཱ་ཧཱ། ཀྲཾ་ཀི་རི་སྭཱ་ཧཱ། སྲིན་པོ་རྣམས་ཀྱིའོ། །མི་ཙི་མི་ཙི་སྭཱ་ཧཱ། ཤ་ཟ་རྣམས་ཀྱིའོ། །གུ་ཨི་གུ་ཨི་
D494.086.0232b02.01སྭཱ་ཧཱ། འབྱུང་པོ་རྣམས་ཀྱིའོ། །དེ་ལྟར་ཀུན་ཏུ་གཏོར་མ་གཏོར་ལ། ལག་པ་བཀྲུས་ཏེ་ཉེ་རེག་བྱས་ལ། དེ་ནས་ནང་དུ་ཞུགས་ཏེ་སངས་རྒྱས་ཐམས་ཅད་ལ་ཕྱག་འཚལ་ནས། བསྲེག་པར་བྱ་བའི་རྫས་གང་ཅུང་ཟད་ཅི་ཡོད་པ་དེ་དག་ཐམས་ཅད་འཕགས་པ་མི་གཡོ་བས་
D494.086.0232b03.01བསངས་ཏེ་གཡས་རོལ་དུ་གཞག་གོ། །གཡོན་རོལ་དུ་ནི་མཆོད་ཡོན་གྱི་སྣོད་གཉིས་རྩྭ་ཀུ་ཤ་དང་། སྤོས་ཆུར་སྦྱར་བ་བླུགས་ཏེ་གཞག་ལ། གཅིག་ནི་འཕགས་པ་མི་གཡོ་བས་བཟླས་སོ། །གཅིག་ནི་རྡོ་རྗེ་དམ་པས་སྦྱིན་གྱིས་བཟླས་སོ། །ཞུགས་ཐབ་ཀྱི་ཁོར་ཡུག་
D494.086.0232b04.01ཏུ་རྩྭ་ཀུ་ཤ་བསྐོར་བའི་ཐབས་སུ་དགྲམ་མོ། །བདག་རང་གར་འདུག་པའི་གཞིར་ཡང་རྩྭ་ཀུ་ཤ་བསྐོར་བའི་ཐབས་སུ་གདིང་ངོ་། །ཤིང་ཨུ་དུམ་བཱ་ར་དང་། ཨ་ཤྭཏྠའི་དགང་གཟར་དང་། བླུགས་གཟར་དང་། མར་བཞུས་པ་ཡང་མདུན་དུ་གཞག་གོ། །དེ་ནས་
D494.086.0232b05.01མེའི་ཐབ་ཁུང་ཙནྡན་གྱིས་བསྐུས་ཏེ་མེ་ཏོག་དཀར་པོ་དྲི་ཞིམ་པོའི་སིལ་མ་ཡང་བཀྲམ་ལ། བྲམ་ཟེའི་ཁྱིམ་ནས་མེ་བླངས་ལ། ཁྲོ་བོའི་རྒྱལ་པོས་བསང་གཏོར་བྱས་ཏེ། ཤིང་པླཀྵ་དང་། ཨུ་དུམ་བཱ་རའི་བུད་ཤིང་ལ་རླུང་ཡབ་ཀྱིས་མེ་སྤར་རོ། །དེར་ཁ་བྱང་ཕྱོགས་སུ་
D494.086.0232b06.01བལྟས་ཏེ་འདུག་ལ། ལག་པ་གཉིས་བྱུག་སྤོས་ཀྱིས་བསྐུས་ཏེ། དམ་ཚིག་གི་ཕྱག་རྒྱ་ལ་སོགས་པ་བཅིངས་ལ། བདག་ཉིད་རྣམ་པར་སྣང་མཛད་ཆེན་པོའི་སྐུ་ཆུའི་དཀྱིལ་འཁོར་ལ་གནས་པ་ཅི་ལྟ་བ་བཞིན་དུ་ཕྱག་རྒྱ་དང་། གསང་སྔགས་ཀྱིས་བྱིན་གྱིས་བརླབ་
D494.086.0232b07.01