完整藏文原文 · 德格版页 当前仅加载第 86 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་གཞན་ཡང་སྐལ་ཆེན་པོ། །སྔགས་ལ་མཁས་པ་རྣམས་ཀྱིས་སྔོན། །སེམས་ཅན་རྣམས་ལ་ཐུགས་བརྩེ་ནས། །སྦྱིན་སྲེག་རྒྱས་པ་ཆེ་བྱེད་པ། །ཕན་པར་བཞེད་ནས་བཤད་པ་ཡང་། །ཡིད་གཅིག་བསྡུས་ཏེ་མཉན་པར་གྱིས། །དེ་བས་རྣམ་པ་ཐམས་
D494.086.0234a01.01ཅད་དུ། །རྒྱས་པའི་ཆོ་ག་སྤྱད་པར་བྱ། །གྲོང་ངམ་ཡང་ན་ལྗོངས་དག་གི། ཤར་གྱི་ཕྱོགས་སུ་གནས་བཅས་ནས། །སྔ་མ་བཞིན་དུ་ངེས་པ་ཡི། །ས་གཞི་ལེགས་པར་བརྟག་པར་བྱ། །རི་ཡི་རྩེ་འམ་ཕྱུགས་ལྷས་སམ། །མཆོད་རྟེན་རིང་བསྲེལ་ཅན་དག་ཏུ། །རྒྱས་པའི་ལས་ནི་སྒྲུབ་བྱེད་པའི། །
D494.086.0234a02.01དཀྱིལ་འཁོར་ཤེས་རབ་ཅན་གྱིས་བྲི། །མཁས་པས་ལས་ཀྱི་ཆོ་ག་ཡིས། །ས་ནི་ལེགས་པར་བརྐོས་ནས་སུ། །དབུས་སུ་རིན་ཆེན་འབྲུ་དང་ནི། །སྨན་དང་བཅས་པ་བསྲེས་གཞག་སྟེ། །དེར་ཡང་ས་ནི་སེར་པོ་ཡིས། །ས་ནི་ལེགས་པར་དགང་བར་བྱ། །མཉམ་ཞིང་ལེགས་པར་བཅགས་ནས་ནི། །དེ་ཡི་འོག་
D494.086.0234a03.01ཏུ་དཀྱིལ་འཁོར་བྲི། །འདིར་ཡང་རེ་ཞིག་སྔགས་པ་ཆོ་ག་ལ་མཁས་པས་བདག་ཉིད་རྡོ་རྗེ་དམ་པ་སྦྱིན་པར་བསྒོམ་ཞིང་། རང་གི་དཀྱིལ་འཁོར་ལ་གནས་པས། དེའི་གསང་སྔགས་དང་ཕྱག་རྒྱས་བྱིན་གྱིས་བརླབས་ལ། འཕགས་པ་མི་གཡོ་བས་མཚམས་གཅད་པ་དང་ས་ཡོངས་
D494.086.0234a04.01སུ་གཟུང་བ་བྱའོ། །ཟླ་བ་ཡར་གྱི་ངོའི་ཚེས་གསུམ་མམ་ལྔའམ་བདུན་ནམ་ཡང་ན་ཟླ་བ་ཉ་ལ་ཡང་རུང་སྟེ། གཟའ་བཟང་པོ་གཟའ་ལྷག་གམ། ཕུར་བུའམ། རྒྱུ་སྐར་གྲོ་བཞིན་དང་། མོན་གྲུ་དང་། སྣྲོན་དང་། སྣར་མ་ལ། བདག་ཉིད་རྣམ་པར་སྣང་མཛད་ཆེན་པོར་བྱིན་གྱིས་
D494.086.0234a05.01བརླབས་ཏེ། སྲད་བུ་སེར་པོ་བླངས་ལ་གྲངས་དང་ཚད་སྔ་མ་བཞིན་དུ་དཀྱིལ་འཁོར་གྱི་ཐིག་གདབ་བོ། དེ་ནས་དཀྱིལ་འཁོར་བསྐོར་ཏེ་ནང་དུ་ཞུགས་ལ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླགས་ལ་ཕྱག་ཀྱང་བྱས་ཏེ། ཡང་བདག་ཉིད་རྣམ་པར་སྣང་མཛད་དུ་
D494.086.0234a06.01བྱིན་གྱིས་བརླབས་ལ་ཚོན་རྩི་སེར་པོ་བླངས་ཏེ། དེར་ནི་ཡི་གེ་ཀ་བཞག་པ། །དེ་ཚེ་ཐུབ་པ་གསེར་ཐུབ་ནི། །གསེར་གྱི་ཁ་དོག་འབར་དང་བཅས། །ཏིང་འཛིན་གནས་ཤིང་སྡིག་བཅོམ་པའོ། །དེ་ནས་དཀྱིལ་འཁོར་རྟ་བབས་ཅན་བྲིས་ལ་ནུབ་ཕྱོགས་ཀྱི་སྒོ་རྟག་ཏུ་དབྱེའོ། །ཕྱི་
D494.086.0234a07.01