完整藏文原文 · 德格版页 当前仅加载第 86 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་བསྲུང་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དག་ལེགས་སོ་ལེགས་སོ། །ཁྱོད་ཀྱིས་ཅི་ནས་ཀྱང་སྟོན་པའི་བསྟན་པ་འཇིག་པར་མི་འགྱུར་བ་དེ་ལྟར་
D494.086.0259a01.01གྱིས་ཤིག །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་རྡོ་རྗེ་འཛིན་དེ་དག་ཐམས་ཅད་ལ་སྨྲས་པ། གྲོགས་པོ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བྱ་དཀའ་བ་བརྒྱ་སྟོང་དུ་མར་བསྒྲུབས་པ་དེ་ནི་བླ་ན་མེད་
D494.086.0259a02.01པ་ཡང་དག་པར་རྫོགས་པའི་བྱང་ཆུབ་འདི་ཡིན་ཏེ། དེ་བས་ན་ཁྱེད་ཐམས་ཅད་ཀྱིས་ནན་ཏན་བསྐྱེད་དེ་དེ་དག་བསྲུང་བར་གྱིས་ཤིག །དེ་ཅིའི་ཕྱིར་ཞེ་ན། འདིས་ནི་བདག་ཅག་དེ་བཞིན་གཤེགས་པའི་བཀའ་བཞིན་བྱེད་པའོ། །ཞེས་བྱ་བར་འགྱུར་རོ། །
D494.086.0259a03.01དེ་བཞིན་གཤེགས་པའི་བསྟན་པ་བསྲུང་བའོ། །ཞེས་བྱ་བར་འགྱུར་རོ། །མི་མཉམ་པ་དང་མཉམ་པའོ། །ཞེས་བྱ་བར་འགྱུར་རོ། །སྟོབས་བཅུ་འཛིན་པའོ། །ཞེས་བྱ་བར་འགྱུར་རོ། །དེ་བས་ན་ཆོས་ཀྱི་རྣམ་གྲངས་འདི་བསྲུང་བ་དང་། བསྐྱབ་པ་
D494.086.0259a04.01དང་། སྦ་བའི་ཕྱིར་བདག་ཅག་རྣམས་ཀྱིས་རྟག་ཏུ་བརྩོན་པར་བྱའོ། །རིགས་ཀྱི་བུ་དེ་དག་ཀྱང་བསྲུང་བ་དང་། བསྐྱབ་པ་དང་སྦ་བའི་ཕྱིར་བརྩོན་པར་བྱའོ། །དེ་སྐད་ཅེས་སྨྲས་པ་དང་། རྡོ་རྗེ་འཛིན་དེ་དག་གིས་མགྲིན་གཅིག་ཏུ་སྨྲས་པ། བདག་གིས་
D494.086.0259a05.01ཅི་ནས་ཀྱང་སྟོན་པའི་བསྟན་པ་ཡུན་རིང་དུ་གནས་པར་འགྱུར་བ་དང་། འཇིག་པར་མི་འགྱུར་བར་བྱ་བ་འདི་ནི་ངེས་པར་བྱ་དགོས་སོ་ཞེས་སྨྲས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་མ་འོངས་པའི་འགྲོ་བ་ལ་གཟིགས་ནས་ཆོས་ཀྱི་རྣམ་
D494.086.0259a06.01གྲངས་འདི་ཡུན་རིང་དུ་གནས་པར་བྱ་བའི་ཕྱིར། ཐུགས་རྗེ་ཆེན་པོ་ཐོག་མར་བྱས་ནས་གསང་སྔགས་ཀྱི་ཚིག་འདི་དག་གསུངས་སོ། །ན་མ་སྟྲཻ་ཡ་དྷྭི་ཀཱ་ནཱན། སརྦྦ་ཏ་ཐཱ་ག་ཏཱ་ནཱན། སརྦྦ་ཏ་ཐཱ་ག་ཏཱ་ས་མ་ཏཱ་ག་ཏི་ག་ཏེ། ཨེ་ཀདྡྷརྨྨ་སམ་བྷ་སརྦྦ་ས་
D494.086.0259a07.01