完整藏文原文 · 德格版页 当前仅加载第 86 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བསྙེན་དགའ་བོ་གཉིས། དགའ་བོ་དང་བསྙེན་དགའ་བོ་ཞེས་པའི་མིང་དུ་གཞག་གོ། །སྒོ་ཁྱུད་རྣམས་ཀྱི་ནང་དུ་བསྲུང་བ་བཞི་དགོད་དེ། ཤར་ཕྱོགས་སུ་རལ་གྲི་དང་ཡི་གེའི་འབྲུའོ། །ཙ། བྱང་ཕྱོགས་སུ་རལ་གྲི་དང་ཡི་གེའི་འབྲུའོ། །བ། ནུབ་ཕྱོགས་སུ་བེ་ཅོན་
D494.086.0231a01.01དང་ཡི་གེའི་འབྲུའོ། །ས། ལྷོ་ཕྱོགས་སུ་བེ་ཅོན་དང་ཡི་གེའི་འབྲུའོ། །ཀྵ། དེ་ནས་ཕྱི་རོལ་གྱི་རི་མོའི་ནང་རོལ་དུ་གནས་ཀྱི་དཀྱིལ་འཁོར་ཆུང་ངུ་ལ་གནས་གཙང་མ་ལྔ་རྣམས་བྲི་བ་ནི། དཀྱིལ་འཁོར་དང་པོ་ལ་སྃ་སྃ་སྭཱ་ཧཱ། ཞེས་བྱའོ། །གཉིས་པ་ལ་མ་ནོ་མ་ཡ་ཞེས་བྱའོ། །
D494.086.0231a02.01གསུམ་པ་ལ་དྷརྨྨཱ་སཾ་བྷ་བ་ཞེས་བྱའོ། །བཞི་པ་ལ་བི་བྷ་བ་ཞེས་བྱ་བའོ། །ལྔ་པ་ལ་ཀ་ཏ་ན་ན་ཞེས་བྱ་བའོ། །ཡང་ན་གནས་ཀྱི་དཀྱིལ་འཁོར་ཆུང་ངུ་ལ་སྃ་སྃ་སྭཱ་ཧཱ་ཞེས་བྱ་བ་ཡང་གཞག་ཏུ་རུང་ངོ་། །བདག་གི་ལྷའི་ནི་རིགས་གང་དུ་གཏོགས་པ་དེའི་རིགས་ཀྱི་བདག་པོའི་གནས་སུ་
D494.086.0231a03.01རང་གི་ཕྱག་རྒྱའམ་ཡི་གེའི་འབྲུར་གཞག་པར་བྱའོ། །དེ་ནས་ཕྱི་རོལ་གྱི་རི་མོའི་ནང་ཐོག་ཐག་ཏུ་པདྨ་བྲིའོ། །དེ་ནས་དཀྱིལ་འཁོར་གྱི་སྒོའི་གཡས་རོལ་དུ་འཁོར་སའི་ནང་རོལ་དུ། མེ་ཡི་ཐབ་ཁུང་བྱ་ནི། །ཁོ་ར་ཁོར་ཡུག་ཟླུམ་པོ་ལ། །ཁྲུ་གང་ཙམ་གྱི་ཚད་དུ་བྱ། །ཟབས་སུ་སོར་
D494.086.0231a04.01ནི་བཅུ་གཉིས་ཚད། །དེ་ཡི་སྟེང་དུ་ཁ་རན་ནི། །ཀུན་ནས་སོར་བཞིའི་ཚད་དུ་བྱ། །དེ་ཡི་ཞབས་ཀྱི་དབུས་སུ་ནི། །འཁོར་ལོའི་འཕང་དུ་སོར་གཅིག་བྱ། །དེ་ནས་འདུག་ལ། དམ་ཚིག་གི་ཕྱག་རྒྱ་བཅིངས་ཏེ། དམ་ཚིག་གི་གསང་སྔགས་བརྗོད་ལ། ཡི་གེ་
D494.086.0231a05.01ས་དང་པདྨའི་ཕྱག་རྒྱས་བདག་ཉིད་སྤྱན་རས་གཟིགས་དབང་ཕྱུག་ཏུ་བྱིན་གྱིས་བརླབས་ཏེ། ཡི་གེ་ཨ་རང་གི་དཀྱིལ་འཁོར་ལ་གནས་པ་ལས་རྣམ་པར་སྣང་མཛད་ཆེན་པོའི་སྐུ་ཅི་ལྟ་བ་བཞིན་དུ་གྱུར་པར་བསམས་ལ། ཉིད་ཀྱི་ཕྱག་རྒྱ་ཡང་བསྟན་པར་བྱའོ། །དེ་ནས་རལ་གྲིའི་ཕྱག་རྒྱ་
D494.086.0231a06.01བཅིངས་ལ། ཡི་གེ་ཨ་ལས་བདག་ཉིད་རྣམ་པར་སྣང་མཛད་ཆེན་པོའི་སྐུར་བྱིན་གྱིས་བརླབས་ཏེ། དཀྱིལ་འཁོར་གྱི་ཡི་གེ་ཐམས་ཅད་སོ་སོའི་ལྷའི་གཟུགས་སུ་གྱུར་པར་བསམས་ལ། སོ་སོའི་ཕྱག་རྒྱ་རྣམས་ཀྱང་བསྟན་ཏོ། །དེ་ནས་འཕགས་པ་མི་གཡོ་བའི་སྔགས་ཟློས་ཤིང་ལས་ཀྱི་
D494.086.0231a07.01