完整藏文原文 · 德格版页 当前仅加载第 86 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཐམས་ཅད་ལ་བློ་བརྟན་ཞིང་ངེས་པ་ཡིན་ནོ། །དེ་ནས་ཡང་བཅོམ་ལྡན་འདས་ཀྱིས་ཆོས་ཀྱི་དབྱིངས་བསམ་གྱིས་མི་ཁྱབ་པའི་རྒྱ་ཆེན་པོ་བྱིན་གྱིས་བརླབས་ནས། གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་དཀྱིལ་འཁོར་ཆེན་
D494.086.0246b01.01པོ་བཀོད་པ་བྱིན་གྱིས་རློབ་པ་ཉོན་ཅིག །དེ་ལ་དང་པོར་སློབ་དཔོན་གྱིས་གཙང་སྦྲ་བྱས་ཏེ་བདེན་བྲལ་གྱི་ཕྱོགས་སུ་གནས་ལ། དཀྱིལ་འཁོར་གྱི་ས་ལ་རྣམ་པར་དབྱེ་བ་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ལ་ཆོས་ཀྱི་དབྱིངས་རྣམ་པར་
D494.086.0246b02.01དག་པ་ཡང་དྲན་པར་བྱས་ཏེ་མཐའ་ཡས་པ་རྒྱ་ཆེ་བ་རབ་འབྱམ་བཀོད་པ་བྱིན་གྱིས་རློབ་པ་ལ་བལྟའོ། །བལྟས་ནས་ཀྱང་བདག་ཉིད་རྡོ་རྗེ་སེམས་དཔར་བྱིན་གྱིས་བརླབས་ལ་ཚོན་སྣ་ལྔའི་སྲད་བུའམ། ཡང་ན་མཁས་པས་བློས་ཀྱང་རུང་། །ལྷ་ཡི་གནས་རྣམས་ངེས་པ་ནི། །
D494.086.0246b03.01ཤེས་རབ་ཅན་གྱིས་རྣམ་པར་དབྱེ། །ཀུན་ཏུ་གྲུ་བཞི་ལྷམ་པ་ལ། །སྒོ་བཞི་རྟ་བབས་དང་ཡང་བཅས། །སྒོ་ཁྱུད་རབ་འབྱམ་རྒྱ་ཆེན་ལྡན། །རྣམ་པར་དག་པ་སེམས་ཀྱིས་བྲིས། །རིན་ཆེན་ལྔ་ཡི་ཕྱེ་མའམ། །ཡང་ན་སཱ་ལུའི་ཕྱེ་མའང་རུང་། །ཡང་ན་སྤོས་སམ་
D494.086.0246b04.01ཐལ་བས་ཀྱང་། །དཀྱིལ་འཁོར་སྔགས་པས་བྲི་བར་བྱ། །གྲུ་བཞི་པ་ལ་སྒོ་བཞི་པ། །ནུབ་ཀྱི་སྒོ་ནི་དབྱེ་བར་བྱ། །དེ་ནས་རིག་སྔགས་རྒྱལ་མོ་ནི། །མི་བཟད་སྲུང་བ་ཆེན་མོ་འམ། །ཡང་ན་མི་གཡོ་དྲན་པར་བྱ། །རྫོགས་པའི་སངས་རྒྱས་དྲན་བྱས་ནས། །བདེན་
D494.086.0246b05.01བྲལ་གྱི་ནི་ཕྱོགས་སུ་འགྲོ། །དེ་ནས་སྲད་བུ་བྲེས་ནས་སུ། །བསྐོར་བ་བྱས་ཏེ་སླར་ལོག་ནས། །དེ་ནས་བློ་དང་ལྡན་པ་ནི། །ནུབ་དང་བྱང་གི་ཕྱོགས་སུ་འགྲོ། །དེར་ཡང་ཤར་དུ་ཁ་བལྟས་ནས། །ཤར་གྱི་ཕྱོགས་སུ་སྲད་བུ་བྲེ། །དེ་ལྟར་སྲད་བུ་ཚུལ་ཤེས་པས། །
D494.086.0246b06.01རྟག་པར་ཐོག་པ་ཉིད་དུ་བྱ། །དེ་ནས་དབུས་སུ་འདུག་ནས་ནི། །མགོན་པོ་ངན་སོང་ཀུན་སྤོང་དང་། །མི་མཆོག་འོད་དཔག་མེད་པ་དང་། །དེ་བཞིན་སྒྲིབ་པ་ཀུན་སེལ་དང་། །ཐུབ་པ་མེ་ཏོག་ཀུན་རྒྱས་དང་། །རྒྱལ་བ་རྣམ་པར་སྣང་མཛད་དང་། །ཐུབ་ཆེན་བདུད་
D494.086.0246b07.01