完整藏文原文 · 德格版页 当前仅加载第 86 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམ་པར་རོལ་པའི་སྒོ་ནས་ནི་རྣམ་པར་རོལ་ནས། དེ་བཞིན་གཤེགས་པའི་དགེ་བའི་རྩ་བ་རྣམ་པར་སྨིན་པ་བསམ་གྱིས་མི་ཁྱབ་པ་ལས་མངོན་པར་གྲུབ་པ་དང་། དེ་བཞིན་གཤེགས་པའི་དགོངས་པ་ལས་མངོན་པར་གྲུབ་པ་མོས་པའི་རླུང་གི་དཀྱིལ་འཁོར་
D494.086.0249a01.01གྱིས་སངས་རྒྱས་ཀྱི་ཞིང་བཀོད་པ་རྣམ་པ་བཅུས་རབ་ཏུ་བརྒྱན་པ་མཛད་དེ། ནམ་མཁའི་ངོས་ལ་བཀོད་པ་ཆེན་པོའི་དཀྱིལ་འཁོར་གྱི་བྱིན་གྱིས་བརླབས་བཤམ་པ་བྱས་ཏེ་གནས་པར་གྱུར་ཏོ། །འོད་ཟེར་ཆེན་པོ་དེ་དག་གནས་པར་གྱུར་མ་ཐག་ཏུ་གསང་བ་པའི་བདག་པོ་ཕྱག་ན་རྡོ་རྗེའི་སེམས་ལ་
D494.086.0249a02.01སེམས་ཀྱི་རྟོག་པ་འདི་ལྟ་བུ་བྱུང་བར་གྱུར་ཏོ། །ཅི་ཙམ་དུ་དེ་བཞིན་གཤེགས་པའི་དགོངས་པ་ལས་བྱུང་བའི་འོད་ཟེར་སྔོན་མ་མཐོང་བའི་བཀོད་པ་བསྟན་པ་འདི་དག་རྣམ་པར་བཀོད་པ་སྣ་ཚོགས་ཀྱིས་ནམ་མཁའི་ངོས་ནི་ཁེབས་པར་བྱས་དེ་བཞིན་གཤེགས་པའི་རྣམ་པར་རོལ་པ་ཆེན་པོ་
D494.086.0249a03.01རྣམས་ནི་བསྟན་ནས་དེ་བཞིན་གཤེགས་པའི་ཞལ་དུ་མི་སྣང་བར་གྱུར་པ་ནི་ངོ་མཚར་ཏོ། །དེ་བས་ན་ངེས་པར་དེང་བཅོམ་ལྡན་འདས་སོ་སོ་ཡང་དག་པར་རིག་པ་ཆེན་པོ་མངོན་པར་སྒྲུབ་པའི་ཚུལ་རྣམ་པར་དག་པས་མཉམ་པ་ཉིད་ལ་འཇུག་པ་རྣམ་པར་དག་པའི་གཞི་དེ་བཞིན་གཤེགས་
D494.086.0249a04.01པ་ཐམས་ཅད་རྣམ་པར་རོལ་པའི་ཆོས་ཀྱི་རྣམ་གྲངས་བཤད་པར་བཞེད་དོ། །དེའི་ཕྱིར་བདག་བཅོམ་ལྡན་འདས་ལ་ཞུའོ་སྙམ་མོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་
D494.086.0249a05.01ལྡན་འདས་ཀྱིས་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐུགས་བསྐྱེད་པ་ནས། བཅོམ་ལྡན་འདས་མངོན་པར་རྫོགས་པར་སངས་རྒྱས་པའི་བར་དུ་བདག་རྟག་ཏུ་ཞམ་རིང་ལ་མཆིས་མཆིས་ན། བཅོམ་ལྡན་འདས་ཀྱིས་ཅི་ལྟར་ད་ལྟར་བཞད་པ་ཆེན་པོ་སྔར་མཛད་
D494.086.0249a06.01ནས་དབུའི་གཙུག་ཏོར་གྱི་དཀྱིལ་འཁོར་ནས་འོད་ཟེར་སྟོང་ཕྲག་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་བྱུང་ནས་འོད་ཟེར་དེ་རྣམས་ཀྱིས་ཀྱང་འཇིག་རྟེན་ཁམས་ན་ནམ་མཁའི་དབྱིངས་ཀྱི་མཐས་ཀླས་པ་སྣང་བར་བགྱིད་པའི་ངོ་མཚར་འདི་ལྟ་བུ་ནི་བདག་གིས་སྔོན་ཆད་མ་མཐོང་ལགས་
D494.086.0249a07.01