完整藏文原文 · 德格版页 当前仅加载第 86 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཤིང་ལྗོན་པས་ཕྱོགས་བརྒྱད་དུ་བརྒྱན་པ། རིན་པོ་ཆེ་སྣ་ལྔའི་ཕྲེང་བ་དང་སྲད་བུས་ལེགས་པར་བསྐོར་བ། ས་གཞི་ཀ་ཙ་ལིན་ད་འཇམ་པོ་ལྟར་རེག་ན་བདེ་ཞིང་རབ་ཏུ་འཇམ་པ་དང་། རྔ་སྒྲ་དང་སིལ་སྙན་གྱི་སྒྲ་ཡིད་དུ་འོང་ཞིང་སྙན་པ་རྣམ་པ་དུ་མ་གྲག་པ། བྱང་ཆུབ་སེམས་དཔའ་མང་
D494.086.0214b01.01པོའི་བསོད་ནམས་ཀྱིས་བསགས་པའི་སྟན་དང་། ཁང་པ་དང་། གཞལ་མེད་ཁང་ཡིད་ལས་བྱུང་བ་དང་ལྡན་པར་གྱུར་ཏོ། །པདྨའི་རྒྱལ་པོ་ཆེན་པོ་དེ་བཞིན་གཤེགས་པའི་མོས་པ་ལས་བྱུང་བ། ཆོས་ཀྱི་དབྱིངས་རྟོགས་པའི་མཚན་མས་མཚན་པ་ཡང་བྱུང་བར་གྱུར་ཏོ། །དེའི་དབུས་
D494.086.0214b02.01ན་དེ་བཞིན་གཤེགས་པའི་སྐུ་ཆོས་ཀྱི་དབྱིངས་ལ་གཞོལ་བ། སེམས་ཅན་གྱི་བསམ་པ་དང་མོས་པ་ཅི་ལྟ་བ་བཞིན་དུ་མགུ་བར་མཛད་པར་བཞུགས་ཏེ། དེ་བཞིན་གཤེགས་པ་དེའི་ཡན་ལག་ཐམས་ཅད་ནས་སྐུ་ཅིས་ཀྱང་མི་ཚུགས་པའི་སྟོབས་དང་ལྡན་པ། སྟོབས་བཅུ་ལ་མོས་པ་ལས་
D494.086.0214b03.01བྱུང་བ། ཁ་དོག་དང་དབྱིབས་རྣམ་པ་དུ་མས་བདག་གི་སྐུ་བརྒྱན་པ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་མར་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བསོད་ནམས་ཀྱིས་རྣམ་པར་བསྐྱེད་པ་དག་
D494.086.0214b04.01བྱུང་བར་གྱུར་ཏོ། །དེ་དག་བྱུང་ནས་ཐམས་ཅད་དང་ལྡན་པའི་འཇིག་རྟེན་གྱི་ཁམས་སུ་སྒྲ་མངོན་པར་གོ་བར་མཛད་ཅིང་ཆེད་དུ་གླེང་བ་འདི་གླེངས་སོ། །ཨེ་མའོ་སངས་རྒྱས་ཐམས་ཅད་ཀྱི། །ཤེས་རབ་ཐབས་ནི་བསམ་མི་ཁྱབ། །གནས་མེད་པ་ནི་རྟོགས་གྱུར་ནས། །གནས་དང་
D494.086.0214b05.01བཅས་པའི་ཆོས་ཀྱང་འཆད། །གང་དག་གིས་ནི་ཆོས་རྣམས་ཀྱི། །ཆོས་ཀྱི་མཚན་ཉིད་རྙེད་མེད་པ། །ཤེས་པ་དེས་ནི་འདྲེན་ཀུན་གྱིས། །གང་བརྙེས་རྙེད་པ་ཐོབ་པར་འགྱུར། །དེ་དག་གིས་ཆེད་དུ་གླེང་བ་དེ་ཆེད་དུ་གླེངས་ནས་དེ་དག་སླར་ཡང་དེ་བཞིན་གཤེགས་པའི་ཆོས་ཀྱི་སྐུ་བསམ་
D494.086.0214b06.01གྱིས་མི་ཁྱབ་པ་ལ་ཞུགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། རིགས་ཀྱི་བུ་ནང་གི་དཀྱིལ་འཁོར་ཉོན་ཅིག །གསང་བ་པའི་བདག་པོ་ལུས་ཀྱི་ས་གཞི་གང་ཡིན་པ་དེ་ཆོས་ཀྱི་དབྱིངས་ཀྱི་རང་བཞིན་གྱི་སྔགས་དང་ཕྱག་རྒྱའི་བྱིན་གྱི་
D494.086.0214b07.01