完整藏文原文 · 德格版页 当前仅加载第 86 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་རྣམས་སུ་སངས་རྒྱས་འབྱུང་བ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ་གང་གི་ཚེ་སྤྲུལ་པའི་སངས་རྒྱས་ཡོངས་སུ་མྱ་ངན་ལས་འདས་པར་གྱུར་པ་དེའི་ཚེ་འཇིག་རྟེན་གྱི་ཁམས་དེ་དག་ཏུ་བྱང་ཆུབ་སེམས་དཔའ་གསང་
D494.086.0243b01.01སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་དཀྱིལ་འཁོར་ཆེན་པོ་བཀོད་པ་བྱིན་གྱིས་རློབ་པས་སེམས་ཅན་རྣམས་ཡོངས་སུ་སྨིན་པར་བྱེད་དོ། །དེ་སྐད་ཅེས་བཀའ་སྩལ་པ་དང་། གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་
D494.086.0243b02.01ཅེས་གསོལ་ཏོ། །བཅོམ་ལྡན་འདས་ངོ་མཚར་ལགས་ཏེ། གང་ན་སེམས་ཅན་འདོད་ཆགས་དང་ཞེ་སྡང་དང་གཏི་མུག་དང་གཡོ་དང་སྒྱུ་དང་ཐེ་ཙོམ་གྱི་བསམ་པ་ཅན་དད་པ་ཐ་དད་པ་རྣམས་ཀྱི་བསམ་པ་ཅི་ལྟ་བ་བཞིན་ཡོངས་སུ་རྫོགས་པར་བགྱིད་པའི་བྱང་ཆུབ་སེམས་
D494.086.0243b03.01དཔའ་སེམས་དཔའ་ཆེན་པོ་དེ་དག་ནི་ཤིན་ཏུ་དཀའ་བ་བགྱིད་པར་རིག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་རིགས་ཀྱི་བུ་དེ་དག་ནི་སངས་རྒྱས་གཅིག་ལ་བསྙེན་བཀུར་བྱས་པ་མ་ཡིན་གྱིས་རིགས་ཀྱི་བུ་དེ་དག་གིས་ནི་སངས་རྒྱས་མང་པོ་
D494.086.0243b04.01ལ་དགེ་བའི་རྩ་བ་བསྐྲུན་པར་རིག་པར་བྱའོ། །ཆོས་སྣང་བའི་སྒོ་གསུམ་གྱིས་ཀྱང་ངེས་པར་བྱུང་བ་ཡིན་ཏེ་གསུམ་གང་ཞེ་ན་འདི་ལྟ་སྟེ། སྙིང་རྗེ་ཆེན་པོའི་ཚུལ་གྱི་སྒོ་སྣང་བའི་ཚུལ་དང་ཆོས་ཟབ་མོའི་ཚུལ་གྱི་སྒོ་སྣང་བའི་ཚུལ་དང་དེ་བཞིན་གཤེགས་པ་ལ་མཆོད་པ་དང་བཀུར་
D494.086.0243b05.01སྟི་བྱེད་པའི་ཚུལ་ཏེ་རིགས་ཀྱི་བུ་དེ་དག་ནི་ཆོས་སྣང་བའི་ཚུལ་གྱི་སྒོ་འདི་གསུམ་དང་ལྡན་པར་རིག་པར་བྱའོ། །དེ་ནས་ཡང་བཅོམ་ལྡན་འདས་ཀྱིས་བྱམས་པ་དང་ཐུགས་རྗེ་ཆེན་པོའི་སྤྱན་གཉིས་ཀྱིས་ཆོས་ཀྱི་དབྱིངས་ཀྱི་ཕོ་བྲང་ཆེན་པོ་ན་གནས་པའི་བྱང་ཆུབ་སེམས་དཔའ་
D494.086.0243b06.01རྣམས་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་སློབ་དཔོན་གྱི་མཚན་ཉིད་ཉོན་ཅིག །དེ་ལ་རེ་ཞིག་སློབ་དཔོན་བྱང་ཆུབ་ཏུ་སེམས་བསྐྱེད་པ་བྱང་ཆུབ་སེམས་དཔའི་བསླབ་པ་ལ་སྤྱོད་པ་བྱང་ཆུབ་སེམས་དཔའི་སྡོམ་པས་བསྡམས་པ་
D494.086.0243b07.01