完整藏文原文 · 德格版页 当前仅加载第 12 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལ་ཉེས་པ་སྦོམ་པོར་འགྱུར་རོ། །དང་པོ་ལ་ནི་ལྟུང་བ་མེད་དོ། །བཙུན་པ་རེ་ཞིག་དགེ་སློང་གིས་ཆོས་གོས་ཀྱི་གདང་དང་བཅས་པ་བརྐུ་སེམས་ཀྱིས་རྐུ་བ་ན་ཆོས་གོས་ཀྱི་གདང་དེ་ལ་ཆོས་གོས་དག་གཟར་བཞིན་དུ་དེས་ཆོས་གོས་ཀྱི་གདང་བཅས་ཏེ་འཚལ་ན་ཅིར་འགྱུར་ལགས། ཆོས་གོས་ཀྱི་གདང་གི་རིན་
D7.012.0005b01.01ཐང་བརྩི་བར་བྱའོ། །བཙུན་པ་རེ་ཞིག་ཆོས་གོས་ཀྱི་གདང་ལ་ཆོས་གོས་དག་གཟར་ཏེ་མཆིས་པ་ལས་དེ་དག་དགེ་སློང་བཞིའམ། དེ་བས་མང་བ་ཞིག་གིས་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་པ་ལས་དེ་རེ་རེས་མ་ཤ་ཀ་ལྔ་ཐོབ་ན་ནི་མཐར་འགྱུར་རོ། །བཙུན་པ་
D7.012.0005b02.01རྐུ་བ་ལ་དུ་ཞིག་མཆིས་ལགས། ཉེ་བ་འཁོར་དྲུག་ཡོད་དེ། མི་སྟེར་བར་རྐུ་བ་དང་། མཐུས་རྐུ་བ་དང་། ཕྱིར་སྦྱིན་པ་རྐུ་བ་དང་། གཏམས་པ་རྐུ་བ་དང་། ཡོངས་སུ་བརྟགས་པ་རྐུ་བ་དང་། ཆོས་རྐུ་བའོ། །བཙུན་པ་བཅོམ་ལྡན་འདས་ཀྱིས་རྐུ་བ་དྲུག་ཏུ་གསུངས་པ་གང་དག་ལགས་པ་འདི་དག་ལས་གང་
D7.012.0005b03.01གིས་མཐར་འགྱུར་ལགས། ཉེ་བ་འཁོར་ཆོས་རྐུ་བ་མ་གཏོགས་པ་ལྷག་མ་རྣམས་ཀྱིས་མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་གལ་ཏེ་དགེ་སློང་གིས་མ་ཤ་ཀ་གསུམ་བརྐུས་ན་མཐར་འགྱུར་བ་ལྟ་
D7.012.0005b04.01མཆིས་ལགས་སམ། ཡོད་དེ་ཉེ་བ་འཁོར་གལ་ཏེ་མ་ཤ་ཀ་གསུམ་གྱིས་ཀཱར་ཥཱ་པ་ཎ་ཁུགས་པར་འགྱུར་ནའོ། །བཙུན་པ་གལ་ཏེ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་མ་ཤ་ཀ་བཅུའམ་མ་ཤ་ཀ་བཅུ་ལས་ལྷག་པར་ཀཱར་ཥཱ་པ་ཎ་ཁུགས་ནའོ། །
D7.012.0005b05.01བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་པས་མཐར་འགྱུར་རོ། །ཞེས་གསུངས་པ་གང་ལགས་པ། ན་ན་ཀ་ཇི་ལྟ་བུའི་མ་ཤ་ཀ་ལྔ་བརྐུས་ན་མཐར་འགྱུར་ལགས། མ་ཤ་ཀ་ཉི་ཤུས་ན་ན་ཀ་ཁུགས་པའིའོ། །མ་ཤ་ཀ་ཇི་ལྟ་བུ་ལགས། ཀ་ཀ་ནི་བཞི་ཁུགས་པས་སོ། ཀཱར་ཥཱ་པ་ཎ་ཇི་ལྟ་
D7.012.0005b06.01བུ་ལགས། རྒྱལ་པོ་རྨ་བྱ་བས་བྱས་པའོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ་བཙུན་པ་གལ་ཏེ་དགེ་སློང་གིས་ཀཱར་ཥཱ་པ་ཎ་སྟོང་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་བོར་བར་འདུ་ཤེས་ཏེ་བརྐུས་ནའོ། །
D7.012.0005b07.01