完整藏文原文 · 德格版页 当前仅加载第 12 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲུར་སྩལ་བ་ལས། དགེ་སློང་མ་དེའི་མཚན་གྱུར་ཏེ་དགེ་སློང་དུ་རེད་ནས་བཀྲུས་ན་ཅིར་འགྱུར་ལགས། ཉེས་བྱས་ཏེ། དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་ཀྱང་སྤང་བའི་ལྟུང་བྱེད་དུ་
D7.012.0033b01.01མི་འགྱུར་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་པ་ལ། རྒྱུ་མི་རུང་བར་གྱུར་པ་དང་། རྒྱུ་རུང་བར་གྱུར་ལ། སྤུན་མི་རུང་བ་དང་། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང་། བ་ལང་གི་སྤུ་དང་། {རི་དགས་,རི་དྭགས་}ཀྱི་
D7.012.0033b02.01བལ་དང་། ར་བལ་དང་འདྲེས་པ་དང་། མ་བཏགས་པའོ། །དེ་ལྟ་བུའི་ཆོས་གོས་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ཆོས་གོས་རྙིང་པ་སྤང་བ་ཞིག་དགེ་སློང་མ་ཉེ་དུ་མ་ལགས་པ་ལ་འཁྲུར་སྩོལ་ན་ཅིར་འགྱུར་ལགས། གལ་
D7.012.0033b03.01ཏེ་མ་སྤངས་པ་ཞིག་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ། །འོན་ཏེ་སྤངས་པ་ཞིག་འཁྲུར་འཇུག་ན་ཉེས་བྱས་སུ་འགྱུར་རོ། །བཙུན་པ་རེ་ཞིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་གཞན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་
D7.012.0033b04.01པ་རེ་ཞིག་དགེ་སློང་གིས་གོས་རུང་བ་དང་། གྲོང་དུ་འཇུག་པ་སྤང་བ་འབྱུང་བ་ལྟ་མཆིས་ལགས་སམ། ཉེ་བ་འཁོར་ཡོད་དེ། འདི་ལྟར་དགེ་སློང་ཁྱིམ་དུ་ཞུགས་པའི་ཆོས་གོས་བཤང་བའམ། གཅི་བའམ། འདམ་རྫབ་བམ། ལྗན་ལྗིན་ནམ། མི་གཙང་བ་གཞན་གྱིས་སྦགས་པར་
D7.012.0033b05.01གྱུར་ནའོ། །དེས་དེ་དགེ་སློང་མ་ཉེ་དུ་མ་ལགས་པ་ལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་མ་རྫོགས་པར་འཁྲུར་སྩོལ་བའི་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །
D7.012.0033b06.01བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་
D7.012.0033b07.01